ಮಂಗಳೂರು, ಆ.12: ನಗರ ಹೊರವಲಯದ ವಳಚ್ಚಿಲ್‌ ಬಳಿಯ ಹೊಸ ಪೆಟ್ರೋಲ್‌ ಪಂಪ್‌ ಎದುರಲ್ಲಿ ಕಾರೊಂದು ಬೈಕ್‌ ಸವಾರನಿಗೆ ಡಿಕ್ಕಿ ಹೊಡೆದು ಪರಾರಿಯಾಗಿದ್ದು, ತೀವ್ರ ಗಾಯಗೊಂಡ ಬೈಕ್‌ ಸವಾರ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ.
Sponsoredಸೂರಲ್ಪಾಡಿಯ ಹ್ಯಾರಿಸ್‌ ಮೃತ ಯುವಕ ಎಂದು ಗುರುತಿಸಲಾಗಿದೆ. ರಾತ್ರಿ ಹತ್ತು ಗಂಟೆ ಸಮಯಕ್ಕೆ ಈ ಘಟನೆ ನಡೆದಿದ್ದು, ಕಾರಿನ ರಭಸಕ್ಕೆ ಬೈಕ್‌ ಸವಾರ ದೂರಕ್ಕೆ ಎಸೆಯಲ್ಪಟ್ಟಿದ್ದು, ತೀವ್ರ ಗಾಯಗೊಂಡು ರಸ್ತೆಯಲ್ಲಿಯೇ ಬಿದ್ದು ಮೃತಪಟ್ಟಿದ್ದಾನೆ.
ಕಂಕನಾಡಿ ಟ್ರಾಫಿಕ್‌ ಪೊಲೀಸರು ಅಜಾಗರೂಕತೆಯ ಚಾಲನೆ ಮತ್ತು ಅಪಘಾತ ಕುರಿತು ಪ್ರಕರಣ ದಾಖಲು ಮಾಡಿದ್ದಾರೆ.
