TATA ಕಾರಿನ ಹಿಂಬದಿಯ ಗ್ಲಾಸಿನಲ್ಲಿ ‘ವೋಕಲ್ ಫಾರ್ ಲೋಕಲ್’ ಸ್ಲೋಗನ್, ಅದರ ಅರ್ಥವೇನು?  

ಬೆಂಗಳೂರು: ಟಾಟಾ ಮೋಟಾರ್ಸ್ ನ ಹೆಮ್ಮೆಯ ಉತ್ಪನ್ನವಾದ ಟಾಟಾ ನೆಕ್ಸಾನ್ ಗಾಡಿಯ ಹಿಂಬದಿಯ ಗ್ಲಾಸಿನಲ್ಲಿ Vocal 4 local ಎನ್ನುವ ಸ್ಲೋಗನ್ ಗಮನಿಸಿದೆ. ಏನಿದು ವೋಕಲ್ 4 ಲೋಕಲ್ ಅಂತ ಯಾರಿಗಾದ್ರೂ ಅನ್ನಿಸದೇ ಇರದು. ಈ ಪದವನ್ನು ಭಾಷಾಂತರಿಸಿದರೆ, ಸ್ಥಳೀಯವಾದುದಕ್ಕೆ ದನಿಯೆತ್ತು, ದನಿಗೂಡಿಸುವುದು ಅನ್ನುವ ಅರ್ಥ ಸ್ಪುರಿಸುತ್ತದೆ. ಒಟ್ಟಾರೆಯಾಗಿ ಈ ಟಾಟಾ ನೆಕ್ಸನ್ ಗಾಡಿಯು ಸ್ಥಳೀಯವಾಗಿ ತಯಾರಾದುದು ಎನ್ನುವ ಅರ್ಥ ಮಾತ್ರವಲ್ಲದೇ, ಸ್ಥಳೀಯವಾದದ್ದನ್ನೇ ಬಳಸಿ ಎಂದು ಪ್ರೋತ್ಸಾಹಿಸಲು vocal 4 local ಸ್ಲೋಗನ್ ಅನ್ನು ಬಳಕೆ ಮಾಡಲಾಗುತ್ತಿದೆ.

Sponsored

*ಏನಿದು ವೋಕಲ್ ಫಾರ್ ಲೋಕಲ್?*

ವೋಕಲ್ ಫಾರ್ ಲೋಕಲ್ ಅನ್ನೋದೊಂದು ಭಾರತ ಸರ್ಕಾರದ ಈ ಉಪಕ್ರಮ. 2020 ರಲ್ಲಿ ಈ ಇನಿಶಿಯೇಟಿವ್ ನ ಉದ್ದೇಶವೇನೆಂದರೆ, ಸ್ಥಳೀಯ ಕೈಗಾರಿಕೆಗಳನ್ನು ಪ್ರೋತ್ಸಾಹಿಸುವುದು ಮತ್ತು ಸಾಧ್ಯವಾದಷ್ಟು ಸ್ಥಳೀಯವಾಗಿ ಬಳಸುವುದನ್ನು ಪ್ರೋತ್ಸಾಹಿಸುವುದು. ದೇಶದಲ್ಲಿ ಹೆಚ್ಚಿದ ಬೇಡಿಕೆಯ ಪರಿಣಾಮಗಳ ಮೂಲಕ ದೇಶೀಯ ಕೈಗಾರಿಕೆಗಳನ್ನು ಅಭಿವೃದ್ಧಿಪಡಿಸಲು ಮತ್ತು ಕ್ರಮೇಣ ಸ್ವಾವಲಂಬಿಯಾಗಲು ಬಳಸುವುದು.’ವೋಕಲ್ ಫಾರ್ ಲೋಕಲ್’ ಎಂಬುದು ಸ್ಥಳೀಯ ವ್ಯವಹಾರಗಳು ಮತ್ತು ಸಮುದಾಯಗಳನ್ನು ಬೆಂಬಲಿಸುವ ಪ್ರಾಮುಖ್ಯತೆಯನ್ನು ಒತ್ತಿಹೇಳುವ ಒಂದು ನುಡಿಗಟ್ಟು. ದೊಡ್ಡ ಕಂಪನಿಗಳ, ಅಥವಾ ಸ್ಥಳೀಯೇತರ ಕಂಪನಿಗಳಿಗಿಂತ ಸ್ಥಳೀಯ ಉತ್ಪನ್ನಗಳು ಮತ್ತು ಸೇವೆಗಳನ್ನು ಸಕ್ರಿಯವಾಗಿ ಪ್ರಚಾರ ಮತ್ತು ಆಯ್ಕೆ ಮಾಡಲು ಪ್ರೋತ್ಸಾಹಿಸುತ್ತದೆ. ಸ್ಥಳೀಯ ಉದ್ಯಮಗಳನ್ನು ಬೆಂಬಲಿಸುವುದರಿಂದ ಸ್ಥಳೀಯ ಆರ್ಥಿಕತೆಯನ್ನು ಬಲಪಡಿಸಬಹುದು, ಉದ್ಯೋಗಗಳನ್ನು ಸೃಷ್ಟಿಸಬಹುದು ಮತ್ತು ಸಮುದಾಯದ ಪ್ರಜ್ಞೆಯನ್ನು ಬೆಳೆಸಬಹುದು ಎಂಬ ನಂಬಿಕೆಯಲ್ಲಿ ಈ ಪರಿಕಲ್ಪನೆ ಮೂಡಿದೆ.

ಇದನ್ನೂ ಓದಿ:Madhya Pradesh: ಹಾಟ್‌ ಏರ್‌ ಬಲೂನ್‌ನಲ್ಲಿ ಬೆಂಕಿ: ಮಧ್ಯಪ್ರದೇಶ ಸಿಎಂ ಬಚಾವ್‌

ಇತ್ತೀಚಿನ ವರ್ಷಗಳಲ್ಲಿ ಭಾರತದಲ್ಲಿ ಜನಪ್ರಿಯತೆಯನ್ನು ಗಳಿಸಿದ ‘ವೋಕಲ್ ಫಾರ್ ಲೋಕಲ್’ ಘೋಷಣೆಯು ವಿವಿಧ ಸಂದರ್ಭಗಳಲ್ಲಿ ಪ್ರಾಮುಖ್ಯತೆಯನ್ನು ಪಡೆಯಿತು, ವಿಶೇಷವಾಗಿ, COVID-19 ಸಾಂಕ್ರಾಮಿಕದಂತಹ ಆರ್ಥಿಕ ಹಿಂಜರಿತಗಳು ಅಥವಾ ಬಿಕ್ಕಟ್ಟುಗಳ ಸಮಯದಲ್ಲಿ, ಸ್ಥಳೀಯ ವ್ಯವಹಾರಗಳು ಬದುಕುಳಿಯುವಂತೆ ಮಾಡಲು ಸರ್ಕಾರದ ಮೇಲೆ ಬಲವಾದ ಒತ್ತಡವಿತ್ತು. ಸ್ಥಳೀಯ ಆಯ್ಕೆಗಳ ಬಗ್ಗೆ “ವೋಕಲ್” ಆಗುವ ಮೂಲಕ, ವ್ಯಕ್ತಿಗಳು ತಮ್ಮ ಸಮುದಾಯದ ಅಗತ್ಯತೆಗಳು ಮತ್ತು ಸಂಪನ್ಮೂಲಗಳಿಗಾಗಿ ಜಾಗೃತಿ ಮೂಡಿಸಬಹುದು ಮತ್ತು ವಕಾಲತ್ತು ವಹಿಸಬಹುದು ಎನ್ನುವ ಉದ್ದೇಶದಿಂದ.ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ಈ ಸ್ಲೋಗನ್ ಅನ್ನು ಮರು ಬಳಕೆಗೆ ತಂದಿದ್ದರು.