ಗುರುವಾರ, 19 ನವೆಂಬರ್ 2026

Selfie carzy: ಸ್ಮಶಾನದಲ್ಲಿ ಮಹಿಳೆಯ ಸಮಾಧಿಯನ್ನು ಅಗೆದ ಭೂಪ: ಅಸ್ಥಿಪಂಜರದ ಜತೆ ಸೆಲ್ಸಿ ಬೇರೆ ತಗೊಂಡ 

Selfie carzy: ಪಶ್ಚಿಮ ಬಂಗಾಳದ ಕೊಲ್ಕತ್ತಾದಲ್ಲಿ ಪ್ರಭಾಕರ್ ಸೀತ್ ಎಂಬ ಯುವಕ ಸಮಾಧಿಯಿಂದ ಮಹಿಳೆಯ ಶವವನ್ನು ಅಗೆದು ಅದರೊಂದಿಗೆ ಸೆಲ್ಪಿ ತೆಗೆದುಕೊಂಡಿದ್ದಾನೆ.

Advertisement
Advertisement

Selfie carzy: ಪಶ್ಚಿಮ ಬಂಗಾಳದ ಕೊಲ್ಕತ್ತಾದಲ್ಲಿ ಪ್ರಭಾಕರ್ ಸೀತ್ ಎಂಬ ಯುವಕ ಸಮಾಧಿಯಿಂದ ಮಹಿಳೆಯ ಶವವನ್ನು ಅಗೆದು ಅದರೊಂದಿಗೆ ಸೆಲ್ಪಿ ತೆಗೆದುಕೊಂಡಿದ್ದಾನೆ. ಇದನ್ನು ತಿಳಿದ ಗ್ರಾಮಸ್ಥರು ಕೋಪಗೊಂಡು ಯುವಕನಿಗೆ ಥಳಿಸಿದ್ದಾರೆ. ಅವರನ್ನು ತಡೆಯಲು ಯತ್ನಿಸಿದ ಪೊಲೀಸರ ಮೇಲೂ ಕಲ್ಲು ಎಸೆಯಲಾಗಿದೆ. ಪ್ರಭಾಕರ್ ತೆಗೆದ ಅಸ್ಥಿಪಂಜರವು ಸುಮಾರು 7 ವರ್ಷಗಳ ಹಿಂದೆ ಮೃತಪಟ್ಟ ಸ್ಥಳೀಯ ಮಹಿಳೆಯದ್ದಾಗಿತ್ತು ಎಂದು ಗ್ರಾಮಸ್ಥರು ಹೇಳಿದ್ದಾರೆ.

Sponsored

ನಿಜವಾಗಿ ನಡೆದದ್ದು ಏನೆಂದರೆ.. ಬಂಗಾಳದ ಪೂರ್ವ ಮೇದಿನಿಪುರ ಜಿಲ್ಲೆಯ ಕಾಂಟೈ ಗ್ರಾಮದ ನಿವಾಸಿ ಪ್ರಭಾಕರ್ ಸ್ಥಳೀಯ ಸ್ಮಶಾನದಲ್ಲಿ ಸಮಾಧಿ ಅಗೆದು ಶವವನ್ನು ಹೊರತೆಗೆದಿದ್ದಾನೆ. ನಂತರ ಅಸ್ಥಿಪಂಜರವನ್ನು ಮರಕ್ಕೆ ನೇತುಹಾಕಿ ಅದರೊಂದಿಗೆ ಸೆಲ್ಫಿ ತೆಗೆದುಕೊಂಡಿದ್ದಾನೆ. ಸ್ಥಳೀಯರು ಅದನ್ನು ಗಮನಿಸಿ ಕೋಪಗೊಂಡರು. ಅವರು ಪ್ರಭಾಕರ್ ಅವರನ್ನು ಹಿಡಿದು ಥಳಿಸಿದರು. ಮಾಹಿತಿ ಪಡೆದ ನಂತರ ಪೊಲೀಸರು ಸ್ಥಳಕ್ಕೆ ತಲುಪಿದಾಗ, ಗ್ರಾಮಸ್ಥರು ಆತನನ್ನು ಪೊಲೀಸರಿಗೆ ಒಪ್ಪಿಸಲು ನಿರಾಕರಿಸಿದ್ದಾರೆ.

Advertisement
Advertisement

ಅವರನ್ನು ರಕ್ಷಿಸಲು ಯತ್ನಿಸಿದ ಪೊಲೀಸರ ಮೇಲೂ ಸ್ಥಳೀಯರು ಕಲ್ಲು ತೂರಾಟ ನಡೆಸಿದರು. ಘರ್ಷಣೆಯಲ್ಲಿ ಹಲವಾರು ಪೊಲೀಸರು ಗಾಯಗೊಂಡರು. ಮತ್ತೊಂದೆಡೆ, ಎರಡು ಗಂಟೆಗಳ ನಂತರ, ಪರಿಸ್ಥಿತಿ ನಿಯಂತ್ರಣಕ್ಕೆ ಬಂದ ನಂತರ, ಪ್ರಭಾಕರ್ ಅವರನ್ನು ಗ್ರಾಮಸ್ಥರು ದಾಳಿಯಿಂದ ರಕ್ಷಿಸಿ ಕಾಂತಿ ಉಪಜಿಲ್ಲಾ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ಕರೆದೊಯ್ಯಲಾಯಿತು. ನಂತರ, ಅವರನ್ನು ಠಾಣೆಗೆ ಕರೆದೊಯ್ಯಲಾಯಿತು.

Advertisement

ಘಟನಾ ಸ್ಥಳದಲ್ಲಿ ಮದ್ಯದ ಬಾಟಲಿ ಪತ್ತೆಯಾಗಿದೆ. ಘಟನೆಯ ಸಮಯದಲ್ಲಿ ಯುವಕ ಮದ್ಯ ಸೇವಿಸಿದ್ದ ಮತ್ತು ಮದ್ಯದ ಅಮಲಿನಲ್ಲಿ ವರ್ತಿಸಿದ್ದ ಎಂದು ಪೊಲೀಸರು ಶಂಕಿಸಿದ್ದಾರೆ. ಪ್ರಭಾಕರ್ ಈ ಹಿಂದೆ ನೆರೆಯ ರಾಜ್ಯದ ಹೋಟೆಲ್‌ನಲ್ಲಿ ಕೆಲಸ ಮಾಡುತ್ತಿದ್ದ. ಕುಡಿತದ ಅಭ್ಯಾಸದಿಂದಾಗಿ ಕೆಲಸ ಕಳೆದುಕೊಂಡಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ. ಆದರೆ, ಪ್ರಭಾಕರ್ ಮಹಿಳೆಯ ಅಸ್ಥಿಪಂಜರವನ್ನು ಸಮಾಧಿಯಿಂದ ಹೊರತೆಗೆದ ಕಾರಣ ಇನ್ನೂ ತಿಳಿದುಬಂದಿಲ್ಲ.

Advertisement
Advertisement