India-China: ಟ್ರಂಪ್‌ ಸುಂಕ ಬೆದರಿಕೆ : ಅಮೇರಿಕಾ- ಭಾರತ ಬ್ರೇಕ್‌ ಅಪ್‌ : ಚೀನಾದಿಂದ ಭಾರತಕ್ಕೆ ಪ್ರೇಮ ಪತ್ರ

India-China: ಯಾವಾಗ ಡೊನಾಲ್ಡ್‌ ಟ್ರಂಪ್‌ ಅಮೇರಿಕಾ ಅಧ್ಯಕ್ಷ ಸ್ಥಾನಕ್ಕೆ ಏರಿದರೂ ಅಂದಿನಿಂದ ಏನಾದರೊಂದು ಕಿತಾಪತಿ, ಗುದ್ದಾಟಗಳನ್ನು ನಡೆಸುತ್ತಲೇ ಇದ್ದಾರೆ. ಇದು ಕೇವಲ ಭಾರತ ಮಾತ್ರವಲ್ಲದೆ ಇಡೀ ಪ್ರಪಂಚದ ಅನೇಕ ರಾಷ್ಟ್ರಗಳ ಜೊತೆ ನಡೆದಿದೆ. ಮೇಲಿಂದ ನಾನು ನಿಮ್ಮವನೇ ಎಂದು ಹೇಳುತ್ತಾ ಹಿಂದಿನ ಬಾಗಿಲಿಂದ ತನ್ನ ಪಾರುಪತ್ಯವನ್ನು ಸಾಧಿಸಲು ಒಂಟಿ ಕಾಲಲ್ಲಿ ನಿಂತಂತಿದೆ ಟ್ರಂಪ್‌ ಕಸರತ್ತು.

Sponsored

ಮೊದಲೇ ಅಮೇರಿಕಾ- ಚೀನಾ ಅಷ್ಟಕ್ಕಷ್ಟೆ. ಇದೀಗ ಟ್ರಂಪ್‌ ಸುಂಕ ಹುಚ್ಚಾಟಕ್ಕೆ ಚೀನಾ ನಿಗಿ ನಿಗಿ ಕೆಂಡ ಕಾರುತ್ತಿದೆ. ಭಾರತದೊಂದಿಗೆ ಅಷ್ಟಕ್ಕಷ್ಟೇ ಇದ್ದ ಚೀನಾ ಇದೀಗ ಮೆಲ್ಲಗೆ ಸಂಬಂಧ ಕುದುರಿಸಲು ತವಕಿಸುತ್ತಿದೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಚೀನಾಕ್ಕೆ ಸುಂಕ ವಿಧಿಸುವ ಬೆದರಿಕೆ ಹಾಕಲು ಪ್ರಾರಂಭಿಸಿದ ನಂತರ, ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ರಹಸ್ಯ ಪತ್ರದ ಮೂಲಕ ಭಾರತವನ್ನು ಸಂಪರ್ಕಿಸಲು ಪ್ರಾರಂಭಿಸಿದರೆಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ರಾಷ್ಟ್ರಪತಿ ದೌಪದಿ ಮುರ್ಮುಗೆ ಕಳುಹಿಸಿದ ಪತ್ರದಲ್ಲಿ ಚೀನಾದ ಪ್ರಯತ್ನ ಮುನ್ನಡೆಸುವ ಪ್ರಾಂತೀಯ ಅಧಿಕಾರಿಯ ಹೆಸರನ್ನು ಹೆಸರಿಸಲಾಗಿದೆ ಎಂದು ಅಧಿಕಾರಿ ಹೇಳಿದರು. ಪತ್ರವು ಚೀನಾದ ಹಿತಾಸಕ್ತಿಗಳಿಗೆ ಹಾನಿ ಮಾಡುವ ಯಾವುದೇ ಯುಎಸ್ ಒಪ್ಪಂದಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ. ಈ ಸಂದೇಶವನ್ನು ಪ್ರಧಾನಿ ನರೇಂದ್ರ ಮೋದಿಗೆ ಕಳುಹಿಸಲಾಗಿದೆ ಎಂದು ಅಧಿಕಾರಿ ಹೇಳಿದರು.

ಮಾರ್ಚ್‌ನಲ್ಲಿ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಚೀನಾ ಜೊತೆಗಿನ ವ್ಯಾಪಾರ ಯುದ್ಧವನ್ನು ತೀವ್ರಗೊಳಿಸುತ್ತಿದ್ದಾಗ, ಬೀಜಿಂಗ್ ಭಾರತಕ್ಕೆ ಸ್ಥಿರ ಮತ್ತು ಶಾಂತ ಸಂಪರ್ಕವನ್ನು ಪ್ರಾರಂಭಿಸಿತು. ಜೂನ್ ತಿಂಗಳಿನಲ್ಲಿ ಮೋದಿ ಸರ್ಕಾರ ಚೀನಾದೊಂದಿಗಿನ ಸಂಬಂಧವನ್ನು ಸುಧಾರಿಸಲು ಗಂಭೀರ ಪ್ರಯತ್ನ ಮಾಡಲು ಪ್ರಾರಂಭಿಸಿತು ಎಂದು ಆ ವ್ಯಕ್ತಿ ಹೇಳಿದರು. ಆಂತರಿಕ ವಿಷಯಗಳನ್ನು ಚರ್ಚಿಸಲು ಹೆಸರು ಬಹಿರಂಗಪಡಿಸಲು ಬಯಸುವುದಿಲ್ಲ ಎಂದು ಹೇಳಿದ್ದಾರೆ.

ಆಗಸ್ಟ್‌ ವೇಳೆಗೆ ಅಮೇರಿಕಾದ ಹೇರಿಕೆಯ ಮಧ್ಯೆ ಭಾರತ ಮತ್ತು ಚೀನಾ ನಡುವಿನ ಹೊಂದಾಣಿಕೆ ವೇಗಗೊಳ್ಳುತ್ತಿರುವಂತೆ ಕಾಣುತ್ತಿದೆ. ಟ್ರಂಪ್‌ರ ಸುಂಕಗಳಿಂದ ಬೇಸತ್ತ ಎರಡೂ ರಾಷ್ಟ್ರಗಳು ಕಳೆದ ವಾರ ವಸಾಹತುಶಾಹಿ ಯುಗದ ಹಿಂದಿನ ತಮ್ಮ ಗಡಿ ವಿವಾದಗಳನ್ನು ಬಗೆಹರಿಸುವ ಪ್ರಯತ್ನಗಳನ್ನು ದ್ವಿಗುಣಗೊಳಿಸಲು ಒಪ್ಪಿಕೊಂಡ ಮೂಲಕ 2020ರ ಮಾರಕ ಗಡಿ ಘರ್ಷಣೆಯನ್ನು ಮೀರಿ ಒಂದು ಪ್ರಮುಖ ಹೆಜ್ಜೆ ಇಟ್ಟವು. ಮತ್ತು ಈ ವಾರಾಂತ್ಯದಲ್ಲಿ, ಮೋದಿ ಏಳು ವರ್ಷಗಳಲ್ಲಿ ಚೀನಾಕ್ಕೆ ತಮ್ಮ ಮೊದಲ ಪ್ರವಾಸವನ್ನು ಕೈಗೊಳ್ಳಲಿದ್ದಾರೆ.

Air India: ಏ‌ರ್ ಇಂಡಿಯಾ ವಿಮಾನ ಅಪಘಾತ – ದೇಶೀಯ ವಿಮಾನ ಪ್ರಯಾಣಿಕರ ದಟ್ಟಣೆ ಕುಸಿತ