Accident: ಮಧ್ಯಪ್ರದೇಶದ ಸಿಧಿ ಜಿಲ್ಲೆಯಲ್ಲಿ ಭೀಕರ ರಸ್ತೆ ಅಪಘಾತ ಸಂಭವಿಸಿದೆ. ಈ ಅಪಘಾತದಲ್ಲಿ 8 ಮಂದಿ ಸಾವನ್ನಪ್ಪಿದ್ದು, 15 ಮಂದಿ ಗಾಯಗೊಂಡಿದ್ದಾರೆ. ಗಾಯಗೊಂಡವರಲ್ಲಿ 7 ಮಂದಿಯ ಸ್ಥಿತಿ ಚಿಂತಾಜನಕವಾಗಿದ್ದು, ಚಿಕಿತ್ಸೆಗಾಗಿ ರೇವಾ ವೈದ್ಯಕೀಯ ಕಾಲೇಜಿಗೆ ಕಳುಹಿಸಲಾಗಿದೆ.
सीधी : टैंकर और जीप की टक्कर, 7 लोगों की मौत, 15 लोग घायल, 7 की हालत गंभीर, मुंडन संस्कार में मैहर जा रहे थे#PeoplesUpdate #RoadAccident @SidhiCollector @healthminmp #Sidhi pic.twitter.com/3gobcE0aPo
— Peoples Update (@PeoplesUpdate) March 10, 2025
ಕೊತ್ವಾಲಿ ಪೊಲೀಸ್ ಠಾಣೆ ವ್ಯಾಪ್ತಿಯ ಉಪನಿ ಪೆಟ್ರೋಲ್ ಪಂಪ್ ಬಳಿ ಈ ಅಪಘಾತ ಸಂಭವಿಸಿದ್ದು, ವೇಗವಾಗಿ ಬಂದ ಟ್ಯಾಂಕರ್ ಮತ್ತು ಜೀಪ್ ಮುಖಾಮುಖಿ ಡಿಕ್ಕಿ ಹೊಡೆದಿವೆ. ಸ್ಥಳಕ್ಕಾಗಮಿಸಿದ ಪೊಲೀಸರು ಹಾಗೂ ಸ್ಥಳೀಯರು ಗಾಯಾಳುಗಳನ್ನು ಆಸ್ಪತ್ರೆಗೆ ಸಾಗಿಸಲು ಸಹಕರಿಸಿದರು.
ಮಾಹಿತಿ ಪ್ರಕಾರ, ಸಿಂಗ್ರೌಲಿ ಜಿಲ್ಲೆಯ ದಿಯೋರಿ ಮತ್ತು ಪಂಡರಿಯಾ ಬಹ್ರಿ ಗ್ರಾಮಗಳ ನಿವಾಸಿಗಳಾದ ತೂಫಾನ್ ಜೀಪ್‌ನಲ್ಲಿ 21 ಜನರಿದ್ದರು. ಇವರೆಲ್ಲರೂ ಮುಂಡನ ಸಂಸ್ಕಾರಕ್ಕಾಗಿ ಮೈಹಾರ್‌ನ ಝೋಖೋಗೆ ಹೋಗುತ್ತಿದ್ದರು. ತೂಫಾನ್ ಜೀಪ್ ಮೈಹರ್ ಕಡೆಗೆ ಹೋಗುತ್ತಿದ್ದರೆ, ಟ್ಯಾಂಕರ್ ಬಹ್ರಿ ಕಡೆಗೆ ಹೋಗುತ್ತಿತ್ತು.
ಅತಿ ವೇಗದ ಕಾರಣ ಉಪನಿ ಪೆಟ್ರೋಲ್ ಪಂಪ್ ಬಳಿ ಎರಡೂ ವಾಹನಗಳು ಮುಖಾಮುಖಿ ಡಿಕ್ಕಿ ಹೊಡೆದಿವೆ. ಅಪಘಾತದಲ್ಲಿ 5 ಮಹಿಳೆಯರು ಮತ್ತು 3 ಪುರುಷರು ಸೇರಿದಂತೆ 8 ಜನರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. 15 ಮಂದಿ ಗಾಯಗೊಂಡಿದ್ದು, 7 ಮಂದಿಯ ಸ್ಥಿತಿ ಚಿಂತಾಜನಕವಾಗಿದೆ.
