ತ್ರಿವರ್ಣ ಧ್ವಜವನ್ನು ಉಲ್ಟಾಪಲ್ಟಾ ಮಾಡಿದ ಪ್ರಧಾನಿ ಮೋದಿ?

ಪ್ರಧಾನಮಂತ್ರಿ ನರೇಂದ್ರ ಮೋದಿ ಕೆಂಪು ಕೋಟೆ ಸ್ವಾತಂತ್ರ್ಯ ದಿನಾಚರಣೆ ಭಾಷಣದ ವೇಳೆ ಧರಿಸಿದ್ದ ತ್ರಿವರ್ಣ ಬಣ್ಣದ ‘ಪಾಕೆಟ್ ಸ್ಕ್ವೇರ್’ (ಕೋಟ್ ಜೇಬಿನಲ್ಲಿ ಇರಿಸುವ ಸಣ್ಣ ವಸ್ತ್ರ) ಈಗ ಭಾರೀ ಟೀಕೆಗೆ ಗುರಿಯಾಗಿದೆ. ಕುರಿತು ಕಾಂಗ್ರೆಸ್ ಕೂಡ ತೀವ್ರ ಟೀಕೆ ಮಾಡಿದೆ.

Sponsored

80ನೇ ಸ್ವಾತಂತ್ರ್ಯ ದಿನಾಚರಣೆಗೆ ಪ್ರಧಾನಿ ಮೋದಿ ಧರಿಸಿದ್ದ ಕೋಟ್‌ ಜೇಬಿನಲ್ಲಿ ತ್ರಿವರ್ಣ ಧ್ವಜದ ಪ್ಯಾಕೆಟ್‌ ಸ್ಕ್ವೇರ್‌ ಇತ್ತು. ಆದರೆ ಇದು ಉಲ್ಟಾ ಆಗಿದ್ದು, ಹಸಿರು ಬಣ್ಣ ಮೊದಲು, ಮಧ್ಯದಲ್ಲಿ ಬಿಳಿ ಬಣ್ಣ ಮತ್ತು ಕೊನೆಯಲ್ಲಿ ಕೇಸರಿ ಬಣ್ಣ ಇತ್ತು. ‘ವಿಕಸಿತ ಭಾರತ @2047ಕ್ಕಾಗಿ ಯುವ ಶಕ್ತಿ’ ಧ್ಯೇಯವಾಕ್ಯದಡಿ ಆಚರಿಸಲಾದ ಈ ಸ್ವಾತಂತ್ರ್ಯ ದಿನಾಚರಣೆಗೆ ಪ್ರಧಾನಿ ಮೋದಿ ಅವಮಾನ ಮಾಡಿದ್ದಾರೆ ಎಂದು ಕಾಂಗ್ರೆಸ್‌ ಗಂಭೀರ ಆರೋಪ ಮಾಡಿದೆ.

ಕಾಂಗ್ರೆಸ್‌ ನಾಯಕ ಪವನ್‌ ಖೇರಾ ಅವರು ತಮ್ಮ ಅಧಿಕೃತ ಎಕ್ಸ್‌ ಅಕೌಂಟ್‌ನಲ್ಲಿ ಫೋಟೋ ಹಂಚಿಕೊಂಡಿದ್ದು, ಅವರ ಜೇಬಿನಲ್ಲಿರುವ ವಸ್ತ್ರದ (ಪಾಕೆಟ್ ಸ್ಕ್ವೇರ್) ವಿನ್ಯಾಸವು ಐರಿಷ್ ತ್ರಿವರ್ಣ ಧ್ವಜವನ್ನು ಹೋಲುವಂತಿದೆ ಎಂದು ವ್ಯಂಗ್ಯವಾಗಿದ್ದಾರೆ. “ಸಾಹೇಬರು (ಪ್ರಧಾನಿ ಮೋದಿ) ಉರ್ದು ಭಾಷೆಯಲ್ಲಿ ತ್ರಿವರ್ಣ ಧ್ವಜವನ್ನು ಧರಿಸಿರುವಂತಿದೆ. ಅಥವಾ ಅವರು ಭಾರತದ ಬದಲಿಗೆ ಐರ್ಲೆಂಡ್‌ನ ಸ್ವಾತಂತ್ರ್ಯ ದಿನಾಚರಣೆಯನ್ನು ಆಚರಿಸುತ್ತಿರಬಹುದು” ಎಂದು ಪವನ್‌ ಖೇರಾ ಕುಹುಕವಾಡಿದ್ದಾರೆ.