ಮಾರ್ಚ್ ತಿಂಗಳಿನಲ್ಲಿ 13 ದಿನಗಳ ಕಾಲ ಬಾಗಿಲು ಮುಚ್ಚಲಿವೆ ಬ್ಯಾಂಕ್ ಗಳು !! | ಈ ತಿಂಗಳ ಬ್ಯಾಂಕ್ ರಜಾ ಪಟ್ಟಿ ಇಂತಿದೆ

ಇಂದಿನಿಂದ ಮಾರ್ಚ್ ತಿಂಗಳು ಪ್ರಾರಂಭವಾಗಿದೆ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಮಾರ್ಚ್ 2022 ರ ಬ್ಯಾಂಕ್ ರಜಾದಿನಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ತಿಂಗಳಿನಲ್ಲಿ 13 ದಿನಗಳ ಕಾಲ ಬ್ಯಾಂಕ್ ಗಳು ಬಾಗಿಲು ಮುಚ್ಚಲಿವೆ.

Sponsored

ನೀವೂ ಕೂಡ ಮಾರ್ಚ್ ತಿಂಗಳಿನಲ್ಲಿ ಬ್ಯಾಂಕಿಗೆ ಸಂಬಂಧಿಸಿದ ಯಾವುದೇ ಕೆಲಸವನ್ನು ಮಾಡಲು ಬಯಸಿದರೆ, ನಂತರ ಶಾಖೆಗೆ ಹೋಗುವ ಮೊದಲು, ಬ್ಯಾಂಕ್ ರಜಾದಿನಗಳ ಪಟ್ಟಿಯನ್ನು ಖಂಡಿತವಾಗಿ ಪರಿಶೀಲಿಸಿಕೊಳ್ಳಿ. ಆರ್‌ಬಿಐ ಬಿಡುಗಡೆ ಮಾಡಿರುವ ಈ ಪಟ್ಟಿಯ ಪ್ರಕಾರ, ಮಾರ್ಚ್ 2022 ರಲ್ಲಿ ಒಟ್ಟು 13 ದಿನಗಳ ಕಾಲ ಬ್ಯಾಂಕ್‌ಗಳು ಮುಚ್ಚಲ್ಪಡುತ್ತವೆ.

ಮಾರ್ಚ್ ತಿಂಗಳಲ್ಲಿ, ಬ್ಯಾಂಕ್‌ಗಳಿಗೆ ಒಟ್ಟು 13 ದಿನಗಳು ರಜೆ ಇರಲಿದ್ದು, ಇವುಗಳಲ್ಲಿ 4 ಭಾನುವಾರದ ರಜಾದಿನಗಳು ಸೇರಿವೆ. ಇದಲ್ಲದೆ, ಹಲವು ಹಬ್ಬಗಳ ರಜಾದಿನಗಳು ಇವೆ. ಆದರೆ, ಎಲ್ಲಾ ರಾಜ್ಯಗಳಿಗೆ ಇದು ಒಂದೇ ರೀತಿ ಆಗಿರುವುದಿಲ್ಲ. ಇಡೀ ದೇಶದಲ್ಲಿ ಏಕಕಾಲದಲ್ಲಿ 13 ದಿನಗಳವರೆಗೆ ಬ್ಯಾಂಕುಗಳನ್ನು ಮುಚ್ಚಲಾಗುವುದಿಲ್ಲ.

ಆರ್‌ಬಿಐ ವೆಬ್‌ಸೈಟ್‌ನಲ್ಲಿ ನೀಡಲಾದ ರಜಾದಿನಗಳ ಪಟ್ಟಿಯ ಪ್ರಕಾರ, ಈ ರಜಾದಿನಗಳು ವಿವಿಧ ರಾಜ್ಯಗಳಲ್ಲಿವೆ. ಆರ್‌ಬಿಐ ಮಾರ್ಗಸೂಚಿಗಳ ಪ್ರಕಾರ, ಭಾನುವಾರ ಹೊರತುಪಡಿಸಿ ತಿಂಗಳ ಎರಡನೇ ಮತ್ತು ನಾಲ್ಕನೇ ಶನಿವಾರದಂದು ಬ್ಯಾಂಕ್‌ಗಳು ಮುಚ್ಚಲ್ಪಡುತ್ತವೆ. ಇದಲ್ಲದೆ ಈ ತಿಂಗಳು ಕೆಲವು ಹಬ್ಬಗಳು ಇರುವುದರಿಂದ ಆ ದಿನಗಳಂದು ಬ್ಯಾಂಕುಗಳಿಗೆ ರಜೆ ಇರಲಿದೆ.

ರಜಾದಿನಗಳ ಪಟ್ಟಿ ಇಂತಿದೆ:

ಮಾರ್ಚ್ 1 – ಮಹಾಶಿವರಾತ್ರಿ ಅಗರ್ತಲಾ, ಐಜ್ವಾಲ್, ಚೆನ್ನೈ, ಗ್ಯಾಂಗ್ಟಾಕ್, ಗುವಾಹಟಿ, ಇಂಫಾಲ್, ಕೋಲ್ಕತ್ತಾ, ನವದೆಹಲಿ, ಪಣಜಿ, ಪಾಟ್ನಾ ಮತ್ತು ಶಿಲ್ಲಾಂಗ್‌ನಲ್ಲಿ ಬ್ಯಾಂಕುಗಳಿಗೆ ರಜೆ
ಮಾರ್ಚ್ 3- ಗ್ಯಾಂಗ್‌ಟಾಕ್‌ನಲ್ಲಿ ಬ್ಯಾಂಕ್ ರಜೆ
ಮಾರ್ಚ್ 4 – ಚಾಪ್ಚಾರ್ ಕುಟ್ ಐಜ್ವಾಲ್ ಪ್ರದೇಶಗಳಲ್ಲಿ ಬ್ಯಾಂಕ್ ಮುಚ್ಚಲ್ಪಡುತ್ತದೆ
6 ಮಾರ್ಚ್ – ಭಾನುವಾರ ಸಾಪ್ತಾಹಿಕ ರಜೆ
12 ಮಾರ್ಚ್ – ತಿಂಗಳ ಎರಡನೇ ಶನಿವಾರ
13 ಮಾರ್ಚ್ – ಭಾನುವಾರ ಸಾಪ್ತಾಹಿಕ ರಜೆ
17 ಮಾರ್ಚ್ – ಹೋಳಿಕಾ ದಹನ್ ಡೆಹ್ರಾಡೂನ್, ಕಾನ್ಪುರ, ಲಕ್ನೋ ಮತ್ತು ರಾಂಚಿಯಲ್ಲಿ ಬ್ಯಾಂಕ್‌ಗಳು ಮುಚ್ಚಲ್ಪಡುತ್ತವೆ
ಮಾರ್ಚ್ 18- ಬೆಂಗಳೂರು, ಭುವನೇಶ್ವರ್, ಚೆನ್ನೈ, ಇಂಫಾಲ್, ಕೊಚ್ಚಿ, ಕೋಲ್ಕತ್ತಾ ಮತ್ತು ತಿರುವನಂತಪುರಂ ಹೊರತುಪಡಿಸಿ ಇತರ ಸ್ಥಳಗಳಲ್ಲಿ ಹೋಳಿ/ಧೂಲೇಟಿ/ಡೋಲ್ ಜಾತ್ರಾ ಬ್ಯಾಂಕ್ ಗಳಿಗೆ ರಜೆ
19 ಮಾರ್ಚ್- ಹೋಳಿ/ಯೋಸಾಂಗ್ ಬ್ಯಾಂಕ್ ಭುವನೇಶ್ವರ್, ಇಂಫಾಲ್ ಮತ್ತು ಪಾಟ್ನಾದಲ್ಲಿ ರಜೆ ಇರಲಿದೆ
20 ಮಾರ್ಚ್- ಭಾನುವಾರ ಸಾಪ್ತಾಹಿಕ ರಜೆ
22 ಮಾರ್ಚ್- ಬಿಹಾರ ಡೇ ಬ್ಯಾಂಕ್ ಪಾಟ್ನಾದಲ್ಲಿ ಬ್ಯಾಂಕ್ ಗಳಿಗೆ ರಜೆ
26 ಮಾರ್ಚ್- ತಿಂಗಳ ನಾಲ್ಕನೇ ಶನಿವಾರ
27 ಮಾರ್ಚ್- ಭಾನುವಾರ ವಾರದ ರಜೆ.