ಮಂಗಳೂರು: ಆಟೋದಲ್ಲಿ 48ಗ್ರಾಂ ಚಿನ್ನ ಬಿಟ್ಟು ಹೋದ ಮಹಿಳೆ; ಮಾನವೀಯತೆ ತೋರಿದ ಆಟೋ ಚಾಲಕ

ಮಂಗಳೂರು: ಸುಲ್ತಾನ್‌ ಗೋಲ್ಡ್‌ನಲ್ಲಿ ಖರೀದಿ ಮಾಡಿದ್ದ 48 ಗ್ರಾಂ ತೂಕದ ಚಿನ್ನದ ಸರವನ್ನು ಆಟೋ ರಿಕ್ಷಾದಲ್ಲಿ ಬಿಟ್ಟು ಹೋದ ಘಟನೆ ನಡೆದಿದ್ದು, ಆದರೆ ಆಟೋ ಚಾಲಕನ ಸಮಯಪ್ರಜ್ಞೆ ಹಾಗೂ ಪ್ರಾಮಾಣಿಕತೆಯಿಂದ ಅಮೂಲ್ಯ ಚಿನ್ನದ ಸರ ಸುರಕ್ಷಿತವಾಗಿ ವಾರಸುದಾರರ ಕೈ ಸೇರಿದೆ.

Sponsored

ಅಫ್ಜಿಲಾ ಎನ್ನುವವರು ಸುಲ್ತಾನ್‌ ಗೋಲ್ಡ್‌ ನಲ್ಲಿ ಚಿನ್ನದ ಸರ ಖರೀದಿ ಮಾಡಿ ಆಟೋ ರಿಕ್ಷಾದಲ್ಲಿ ಪ್ರಯಾಣ ಮಾಡುತ್ತಿದ್ದಾಗ ಅಜಾಗರೂಕತೆಯಿಂದ ಬಿಟ್ಟು ಹೋಗಿದ್ದರು. ಇದೇ ವೇಳೆ ಆಟೋ ಚಾಲಕ ಬಸವರಾಜ್‌ ಅವರಿಗೆ ಬ್ಯಾಗ್‌ ಸಿಕ್ಕಿದ್ದು, ವಾರಸುದಾರರಿಗೆ ಮರಳಿಸಿದ್ದಾರೆ. ಪ್ರಾಮಾಣಿಕತೆ ಮೆರೆದ ಆಟೋ ಚಾಲಕ ಬಸವರಾಜ್‌ ಅವರ ನಡೆ ಇದೀಗ ಮೆಚ್ಚುಗೆಗೆ ಪಾತ್ರವಾಗಿದೆ.