ಸೋಮವಾರ, 16 ನವೆಂಬರ್ 2026
Trending

ಸ್ವಯಂ ಉದ್ಯೋಗಕ್ಕೆ ಸಾಲ ಸೌಲಭ್ಯಕ್ಕೆ ಅರ್ಜಿ ಆಹ್ವಾನ| ಅರ್ಜಿಗೆ ಜುಲೈ 15 ಕೊನೆ ದಿನ!

Advertisement
Advertisement

ರಾಜ್ಯ ಅಲ್ಪಸಂಖ್ಯಾತರ ಅಭಿವೃದ್ಧಿ ನಿಗಮದಿಂದ 2022-23 ನೇ ಸಾಲಿಗೆ ವಿವಿಧ ಯೋಜನೆಗಳಡಿ ಸಾಲ ಸೌಲಭ್ಯಕ್ಕೆ ಹಾವೇರಿ ಜಿಲ್ಲೆಯ ಮತೀಯ ಅಲ್ಪಸಂಖ್ಯಾತರರಾದ ಮುಸ್ಲಿಂ, ಕ್ರಿಶ್ಚಿಯನ್, ಜೈನ, ಸಿಖ್, ಬೌದ್ಧ, ಪಾರ್ಸಿ ಹಾಗೂ ಆಂಗ್ಲೋ ಇಂಡಿಯನ್ ಜನಾಂಗದವರಿಂದ ಆನ್‌ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದೆ. ಆಟೋರಿಕ್ಷಾ, ಪ್ರವಾಸಿ ಟ್ಯಾಕ್ಸಿ, ಗೂಡ್ಸ್ ವಾಹನ ಖರೀದಿಸಲು ಸಹಾಯ ಧನ ಯೋಜನೆಯಡಿ ರಾಷ್ಟ್ರೀಕೃತ ಶೆಡ್ಯೂಲ್ ಬ್ಯಾಂಕುಗಳ ಸಹಯೋಗದೊಂದಿಗೆ ಸಾಲ ಸೌಲಭ್ಯಗಳನ್ನು ಪಡೆಯಬಹುದು.

Sponsored

ಆಟೋರಿಕ್ಷಾ ಖರೀದಿಸಲು ಸಹಾಯಧನವಾಗಿ ರೂ. 75000/-, ಹಾಗೂ ಪ್ರವಾಸಿ ಟ್ಯಾಕ್ಸಿ ಗೂಡ್ಸ್ ವಾಹನ ಖರೀದಿಗೆ ನಿಗಮದಿಂದ ವಾಹನ ಮೌಲ್ಯದ ಶೇ.33% ಅಥವಾ ಗರಿಷ್ಠ ರೂ. 2.50 ಲಕ್ಷ ಸಹಾಯಧನವನ್ನು ಒದಗಿಸಲಾಗುವುದು. ಬಾಕಿ ಉಳಿದ ಮೊತ್ತ ಬ್ಯಾಂಕ್ ಸಾಲವಾಗಿರುತ್ತದೆ. ಅಭ್ಯರ್ಥಿಗಳು ಅಗತ್ಯ ಚಾಲನಾ ಲೈಸನ್ಸ್ ಪಡೆದಿರಬೇಕು. ಕುಟುಂಬದ ವಾರ್ಷಿಕ ಆದಾಯ ರೂ. 4.50 ಲಕ್ಷ ಮಿತಿಯೊಳಗಿರಬೇಕು. ಹಾಗೂ ವಯೋಮಿತಿ 18 ರಿಂದ 55 ವರ್ಷದೊಳಗಿರಬೇಕು.

Advertisement
Advertisement

ಸ್ವಯಂ ಉದ್ಯೋಗ ಯೋಜನೆಯಡಿ ವ್ಯಾಪಾರ, ಗುಡಿ
ಕೈಗಾರಿಕೆ, ಸೇವಾ ಕ್ಷೇತ್ರ, ಕೃಷಿ ಆಧಾರಿತ ಚಟುವಟಿಕೆಗಳ
ಇತ್ಯಾದಿ ಉದ್ದೇಶಕ್ಕಾಗಿ ರಾಷ್ಟ್ರೀಕೃತ ಶೆಡ್ಯೂಲ್
ಬ್ಯಾಂಕುಗಳ ಸಹಯೋಗದೊಂದಿಗೆ ಸಾಲ, ಸಹಾಯಧನವನ್ನು ಒದಗಿಸಲಾಗುವುದು. ನಿಗಮದಿಂದ ಒಟ್ಟು ಸಾಲದ ಮೊತ್ತದ ಶೇಕಡ.33 ಅಥವಾ ಗರಿಷ್ಠವಾಗಿ ರೂ.1 ಲಕ್ಷ ಸಹಾಯಧನ ಒದಗಿಸಲಾಗುವುದು. ಉಳಿದ ಮೊತ್ತ ಬ್ಯಾಂಕಿನ ಸಾಲವಾಗಿರುತ್ತದೆ. ವಯೋಮಿತಿ 18 ರಿಂದ 55 ವರ್ಷದೊಳಗಿರಬೇಕು. ಹಾಗೂ ಅರ್ಜಿದಾರರ ವಾರ್ಷಿಕ ಆದಾಯ ಗ್ರಾಮೀಣ ಪ್ರದೇಶದವರಿಗೆ ರೂ. 81,000 ಹಾಗೂ ನಗರದ ಪ್ರದೇಶದಲ್ಲಿರುವವರಿಗೆ ರೂ.1,03,000 ಮಿತಿಯೊಳಗಿರಬೇಕು,

Advertisement

ಶ್ರಮಶಕ್ತಿ ಸಾಲದ ಯೋಜನೆಯಡಿ ವಿವಿಧ ವ್ಯಾಪಾರ, ಕಸುಬುಗಳಿಗೆ ರೂ. 50,000/- ವರೆಗೂ ಸಾಲ, ಸಹಾಯಧನವನ್ನು ಒದಗಿಸಲಾಗುವುದು. ಇದರಲ್ಲಿ ಶೇ 50 ರಷ್ಟು ಬ್ಯಾಕ್‌ ಎಂಡ್ ಸಹಾಯಧನವಾಗಿರುತ್ತದೆ. ಹಾಗೂ ಉಳಿದ ಮೊತ್ತ ಶೇಕಡ.4ರ ವಾರ್ಷಿಕ ಬಡ್ಡಿ ದರದಲ್ಲಿ ಸಾಲವಾಗಿರುತ್ತದೆ. ವಯೋಮಿತಿ 18 ರಿಂದ 55 ವರ್ಷಗಳಿರಬೇಕು ಹಾಗೂ ಅರ್ಜಿದಾರರು ವಾರ್ಷಿಕ ಆದಾಯ ಗ್ರಾಮೀಣ ಪ್ರದೇಶದವರಿಗೆ ರೂ.81,000 ಹಾಗೂ ನಗರದ ಪ್ರದೇಶದಲ್ಲಿರುವವರಿಗೆ ರೂ.1,03,000 ಮಿತಿಯೊಳಗಿರಬೇಕು.

ಆಸಕ್ತರು ಅಗತ್ಯ ದಾಖಲೆಗಳೊಂದಿಗೆ ವೆಬ್ಬೆಟ್ http://kmdconline.karnataka.gov.in/ Jeg ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದು.

ಅರ್ಜಿ ಸಲ್ಲಿಸುವ ಮುನ್ನ ಅಗತ್ಯ ದಾಖಲೆಗಳನ್ನು ರೆಡಿ ಮಾಡಿಕೊಂಡು, ನಂತರ ಆನ್‌ಲೈನ್ ಅರ್ಜಿಗೆ ಮುಂದಾಗಬೇಕು.

ಅರ್ಜಿಯನ್ನು ದಿನಾಂಕ 15-07-2022 ರೊಳಗೆ ಸಲ್ಲಿಸಬೇಕು. ಹೆಚ್ಚಿನ ಮಾಹಿತಿಗಾಗಿ ಜಿಲ್ಲಾ ವ್ಯವಸ್ಥಾಪಕರ ಕಛೇರಿ, ಕರ್ನಾಟಕ ಅಲ್ಪಸಂಖ್ಯಾತರ ಅಭಿವೃದ್ಧಿ ನಿಗಮ(ನಿ), ಮೌಲಾನಾ ಆಜಾದ ಭವನ, ಶಿವಾಜಿ ನಗರ, 3ನೇ ಕ್ರಾಸ್, ಹಾವೇರಿ ಮೊಬೈಲ್ -9483008605, ದೂರವಾಣಿ ಸಂಖ್ಯೆ- 08375 234114 ಗೆ ಸಂಪರ್ಕಿಸಲು ಕೋರಲಾಗಿದೆ.

Advertisement
Advertisement