ಕುಲಶೇಖರ ಶ್ರೀ ವೀರನಾರಾಯಣ ದೇವಸ್ಥಾನದಲ್ಲಿ ವೈಭವದ ಶ್ರೀ ಕೃಷ್ಣ ಜನ್ಮಾಷ್ಟಮಿ ಉತ್ಸವ

ದಕ್ಷಿಣಕನ್ನಡ:​ ಮಂಗಳೂರಿನ ಕುಲಶೇಖರದ ಶ್ರೀ ವೀರನಾರಾಯಣ ದೇವಸ್ಥಾನದಲ್ಲಿ 2026ರ ಸೆಪ್ಟೆಂಬರ್ 4, ಶುಕ್ರವಾರದಂದು ಶ್ರೀ ಕೃಷ್ಣ ಜನ್ಮಾಷ್ಟಮಿ ಉತ್ಸವವನ್ನು ಅದ್ದೂರಿಯಾಗಿ ಆಚರಿಸಲಾಗುತ್ತಿದೆ. ಮಧ್ಯಾಹ್ನ 1:30ರಿಂದ ಭಜನೆ ಮತ್ತು ಪ್ರಾರ್ಥನೆಯೊಂದಿಗೆ ಧಾರ್ಮಿಕ ವಿಧಿವಿಧಾನಗಳು ಆರಂಭವಾಗಲಿವೆ.

Sponsored

ಈ ಸಂಭ್ರಮದ ಅಂಗವಾಗಿ ಮಧ್ಯಾಹ್ನ 3:05ರಿಂದ ಪುಟ್ಟ ಮಕ್ಕಳಿಗಾಗಿ ಆಕರ್ಷಕ ‘ಮುದ್ದುಕೃಷ್ಣ ಸ್ಪರ್ಧೆ’ ಹಾಗೂ ಮಧ್ಯಾಹ್ನ 3:30ಕ್ಕೆ ‘ಹೂ ಕಟ್ಟುವ ಸ್ಪರ್ಧೆ’ಯನ್ನು ಆಯೋಜಿಸಲಾಗಿದ್ದು, ಸಂಜೆ 7:00 ಗಂಟೆಗೆ ವಿಜೇತರಿಗೆ ಬಹುಮಾನ ವಿತರಣೆ ನಡೆಯಲಿದೆ.

​ರಾತ್ರಿಯ ವೇಳೆಯಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮಗಳು ಮತ್ತು ವಿಶೇಷ ಪೂಜೆಗಳು ನೆರವೇರಲಿವೆ. ರಾತ್ರಿ 8:30ಕ್ಕೆ ಶ್ರೀಮತಿ ಸುಮಾ ಪ್ರಕಾಶ್ ಮತ್ತು ವೃಂದದವರಿಂದ “ಸಾಹಿತ್ಯ ಸಂಗಮ” ಸಾಂಸ್ಕೃತಿಕ ಕಾರ್ಯಕ್ರಮ ಹಾಗೂ ರಾತ್ರಿ 10:30ಕ್ಕೆ ಭಜನೆ ನಡೆಯಲಿದೆ. ತದನಂತರ ರಾತ್ರಿ 11:15ಕ್ಕೆ ಮಹಾಪೂಜೆ ನೆರವೇರಿ, ಕೃಷ್ಣ ಜನನದ ಶುಭ ಮುಹೂರ್ತವಾದ ರಾತ್ರಿ 12:15ಕ್ಕೆ ಶ್ರೀ ದೇವರಿಗೆ ಸಾರ್ವಜನಿಕರಿಂದ ‘ಅರ್ಘ್ಯ ಪ್ರದಾನ ಪೂಜೆ’ ಹಾಗೂ ರಾತ್ರಿ 12:30ಕ್ಕೆ ಪ್ರಸಾದ ವಿತರಣೆಯೊಂದಿಗೆ ಕಾರ್ಯಕ್ರಮವು ಮುಕ್ತಾಯಗೊಳ್ಳಲಿದೆ.