ಶಾಸಕರ ವೈದ್ಯಕೀಯ ವೆಚ್ಚಕ್ಕೆ ₹1 ಕೋಟಿ ಖರ್ಚು ಮಾಡೋ ಕರ್ನಾಟಕ ಸರಕಾರ

ರಾಜ್ಯದಲ್ಲಿ ರೈತನೊಬ್ಬ ಸತ್ತರೆ ₹5 ಲಕ್ಷ ಕೊಟ್ಟು ಸುಮ್ಮನಾಗೋ ಸರ್ಕಾರ ಒಬ್ಬೊಬ್ಬ ಶಾಸಕರ ವೈದ್ಯಕೀಯ ವೆಚ್ಚಕ್ಕೆ ಕೋಟಿ, ಕೋಟಿ ಖರ್ಚು ಮಾಡ್ತಿದೆ ಎಂಬ ಅಸಲಿ ಸತ್ಯವೊಂದು ಬಳಯಾಗಿದೆ.

Sponsored

ಹೌದು, ಬರೋಬ್ಬರಿ 69 ಶಾಸಕರು ಸಾರ್ವಜನಿಕರ ತೆರಿಗೆ ಹಣದಿಂದ ಕೋಟ್ಯಂತರ ರೂಪಾಯಿ ವೈದ್ಯಕೀಯ ವೆಚ್ಚ ಮರುಪಾವತಿ ಮಾಡಿಸಿಕೊಂಡಿದ್ದಾರೆ. ಕರ್ನಾಟಕ ಶಾಸಕಾಂಗದ ನಿಯಮಗಳ ಪ್ರಕಾರ ಶಾಸಕರು ಹಾಗೂ ಅವರ ಕುಟುಂಬಸ್ಥರು ಪಡೆಯುವ ವೈದ್ಯಕೀಯ ವೆಚ್ಚವನ್ನು ಸರ್ಕಾರವೇ ಭರಿಸಲು ಕಾನೂನಿನ ಚೌಕಟ್ಟಿನಲ್ಲಿ ಅವಕಾಶವಿದೆ. ಇದೇ ಅಧಿಕಾರವನ್ನು ಬಳಸಿಕೊಂಡು ಆಡಳಿತ ಮತ್ತು ವಿರೋಧ ಪಕ್ಷಗಳ ಪ್ರಮುಖ ಶಾಸಕರು ಲಕ್ಷಾಂತರ ರೂಪಾಯಿ ಮರುಪಾವತಿ ಪಡೆದಿದ್ದು, ಎಲ್ಲರೂ ಲಕ್ಷ ಲಕ್ಷಗಳೊಂದಿಗೆ ಕೋಟಿ ಸಮೀಪದವರೆಗೂ ಬಿಲ್ ಬರುವ ತನಕ ಚಿಕಿತ್ಸೆ ಪಡೆದಿರುವುದು ಬಯಲಾಗಿದೆ. ಹಾಗಿದ್ರೆ ಯಾರೆಲ್ಲ ಎಷ್ಟೆಷ್ಟು ಖರ್ಚು ಮಾಡಿದ್ದಾರೆ ನೋಡಿ.

ಎಚ್. ಕೆ. ಸುರೇಶ್ (ಬೇಲೂರು ಶಾಸಕ): ಇವರು ಹಾಗೂ ಇವರ ಕುಟುಂಬದ ವೈದ್ಯಕೀಯ ಚಿಕಿತ್ಸೆಗಾಗಿ ಬರೋಬ್ಬರಿ ₹98,78,325 (ಅಂದಾಜು 98.78 ಲಕ್ಷ ರೂ.) ಮರುಪಾವತಿ ಪಡೆಯುವ ಮೂಲಕ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ.

ಕೆ. ಹರೀಶ್ ಗೌಡ (ಚಾಮರಾಜ ಶಾಸಕ): ಇವರು ಹಾಗೂ ಕುಟುಂಬದವರು ₹85,91,139 (ಅಂದಾಜು 85.91 ಲಕ್ಷ ರೂ.) ಪಡೆದು ಎರಡನೇ ಸ್ಥಾನದಲ್ಲಿದ್ದಾರೆ.

ಡಾ. ಎಚ್. ಡಿ. ರಂಗನಾಥ್ (ಕುಣಿಗಲ್ ಶಾಸಕ): ಇವರು ಹಾಗೂ ಕುಟುಂಬದ ವೈದ್ಯಕೀಯ ವೆಚ್ಚವಾಗಿ ₹85,02,261 ಮರುಪಾವತಿಯಾಗಿದ್ದು, ಮೂರನೇ ಸ್ಥಾನದಲ್ಲಿದ್ದಾರೆ

ಶಾಮನೂರು ಶಿವಶಂಕರಪ್ಪ: ₹69,78,625

ಎಸ್. ಸುರೇಶ್ ಕುಮಾರ್: ₹22,26,082

ಕೆ. ಗೋಪಾಲಯ್ಯ: ₹21,05,469

ಎಚ್. ಡಿ. ರೇವಣ್ಣ: ₹13,02,425

ಬಸವರಾಜ ಬೊಮ್ಮಾಯಿ (ಮಾಜಿ ಮುಖ್ಯಮಂತ್ರಿ): ₹10,45,657

ಆರಗ ಜ್ಞಾನೇಂದ್ರ (ಮಾಜಿ ಗೃಹ ಸಚಿವ): ₹10,21,631

ಲಕ್ಷ್ಮಣ ಸವದಿ: ₹4,86,848

ಹುಕ್ಕೇರಿ ಕ್ಷೇತ್ರದ ಶಾಸಕ ನಿಖಿಲ್ ಉಮೇಶ್ ಕತ್ತಿ ಅವರು ಕೇವಲ ₹2,349 ಮರುಪಾವತಿ ಮಾಡಿಸಿಕೊಳ್ಳುವ ಮೂಲಕ ಪಟ್ಟಿಯಲ್ಲೇ ಅತ್ಯಂತ ಕಡಿಮೆ ವೆಚ್ಚ ಪಡೆದ ಶಾಸಕರಾಗಿದ್ದಾರೆ.