Jio Electric Cycle: ಇಂದು ಎಲ್ಲವೂ ಎಲೆಕ್ಟ್ರಿಕ್ ಮಯ. ಕಾರು, ಬಸ್ಸು, ಬೈಕು, ಸ್ಕೂಟರ್, ರೈಲು ಎಲ್ಲವೂ ಕೂಡ ಎಲೆಕ್ಟ್ರಿಕ್ ಮಯ. ಒಟ್ಟಿನಲ್ಲಿ ಎಲೆಕ್ಟ್ರಿಕ್ ಪರ್ವ ಶುರುವಾಗಿದೆ. ಜನರು ಕೂಡ ಇವೆಲ್ಲವನ್ನೂ ಒಪ್ಪಿಕೊಂಡು ಕೊಂಡುಕೊಳ್ಳುತ್ತಿದ್ದಾರೆ. ಈ ಬೆನ್ನಲ್ಲೇ ಎಲೆಕ್ಟ್ರಿಕ್ ಸೈಕಲ್ ಕೂಡ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ.
Sponsoredಹೌದು, ಸೈಕಲ್’ಗಳಲ್ಲಿ ಹೊಸ ಬದಲಾವಣೆ ಬರುತ್ತಿದ್ದು, ಜಿಯೋ ಎಲೆಕ್ಟ್ರಿಕ್ ಸೈಕಲ್ ಶೀಘ್ರದಲ್ಲೇ ಲಭ್ಯವಾಗಲಿದೆ. ಯಸ್, ಹುಟ್ಟಿಕೊಂಡ ಕೆಲವೇ ಸಮಯದಲ್ಲಿ ಎಲ್ಲಾ ಕ್ಷೇತ್ರಗಳಲ್ಲೂ ಮಿಂಚಿದ ಜಿಯೋ ಇದೀಗ ಎಲೆಕ್ಟ್ರಿಕ್ ಸೈಕಲ್ ಗಳನ್ನು ಕೂಡ ಬಿಡುಗಡೆ ಮಾಡಲಿದೆ.
ಅಂದಹಾಗೆ ಈ ಸೈಕಲ್ ಗಳನ್ನು ಒಮ್ಮೆ ಚಾರ್ಜ್ ಮಾಡಿದ್ರೆ 400 ಕಿ.ಮೀ ವರೆಗೆ ಓಡಿಸಬಹುದು. ಜಿಯೋ ಎಲೆಕ್ಟ್ರಿಕ್ ಬೈಸಿಕಲ್ ಲಿಥಿಯಂ-ಐಯಾನ್ ಬ್ಯಾಟರಿಯನ್ನ ಹೊಂದಿರುತ್ತದೆ. ವೇಗದ ಚಾರ್ಜಿಂಗ್ ತಂತ್ರಜ್ಞಾನದೊಂದಿಗೆ ಇದು 3 ರಿಂದ 5 ಗಂಟೆಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಆಗುತ್ತದೆ.
ಇದರ ಜೊತೆಗೆ, ಇದು ಹೆಚ್ಚುವರಿ ತೆಗೆಯಬಹುದಾದ ಬ್ಯಾಟರಿಯೊಂದಿಗೆ ಬರುತ್ತದೆ. ಇದನ್ನು ಸೈಕಲ್’ನಿಂದ ತೆಗೆದು ಬೇರೆಡೆ ಚಾರ್ಜ್ ಮಾಡಬಹುದು. ಇದರ ವಿದ್ಯುತ್ 200 ರಿಂದ 500 ವ್ಯಾಟ್‌’ಗಳವರೆಗೆ ಇರುತ್ತದೆ. ಇದು ಪರಿಸರ, ಸಾಮಾನ್ಯ ಮತ್ತು ಕ್ರೀಡಾ ವಿಧಾನಗಳನ್ನು ನೀಡುತ್ತದೆ.
ಅಲ್ಲದೆ ಇದು ಗುಡ್ಡಗಾಡು ಪ್ರದೇಶಗಳಲ್ಲಿಯೂ ಸುಲಭವಾಗಿ ಚಲಿಸುತ್ತದೆ. ಬ್ಯಾಟರಿ ಸಂಪೂರ್ಣವಾಗಿ ಖಾಲಿಯಾಗಿದ್ದರೂ, ಪೆಡಲ್‌’ಗಳ ಉಪಸ್ಥಿತಿಯಿಂದಾಗಿ ಪ್ರಯಾಣವನ್ನ ಮುಂದುವರಿಸಬಹುದು.
ಇನ್ನು ಈ ಜಿಯೋ ಎಲೆಕ್ಟ್ರಿಕ್ ಬೈಸಿಕಲ್ ಎಲ್‌ಇಡಿ ದೀಪಗಳು, ಜಿಪಿಎಸ್, ಬ್ಲೂಟೂತ್ ಮತ್ತು ಮೊಬೈಲ್ ಅಪ್ಲಿಕೇಶನ್ ಏಕೀಕರಣದಂತಹ ಸ್ಮಾರ್ಟ್ ವೈಶಿಷ್ಟ್ಯಗಳನ್ನ ಹೊಂದಿದೆ.
ಜಿಯೋ ಎಲ್ಲರಿಗೂ ಕಡಿಮೆ ಬೆಲೆಗೆ ಜಿಯೋ ಎಲೆಕ್ಟ್ರಿಕ್ ಬೈಸಿಕಲ್ ಒದಗಿಸುವ ಗುರಿಯನ್ನ ಹೊಂದಿದೆ ಎಂದು ತೋರುತ್ತದೆ. ಆದಾಗ್ಯೂ, ಇದರ ಬೆಲೆ 25 ಸಾವಿರ ರೂಪಾಯಿಗಳಿಂದ 45 ಸಾವಿರದವರೆಗೆ ಇರಬಹುದೆಂದು ಭಾವಿಸಲಾಗಿದೆ.
