109 ವರ್ಷಗಳ ಹಿಂದೆ ಬ್ರಿಟಿಷರಿಗೆ ನೀಡಿದ್ದ 35,000 ರೂ. ಸಾಲ ವಾಪಾಸ್ ಕೇಳಿದ ಭಾರತೀಯ ಉದ್ಯಮಿ – ಇಂಗ್ಲೆಂಡ್ನಿಂದ ಬಂತು ಸಾಕಾರಾತ್ಮ ಪ್ರತಿಕ್ರಿಯೆ!!
ಮೊದಲ ಮಹಾಯುದ್ಧದ ಸಮಯದಲ್ಲಿ (1917ರಲ್ಲಿ) ಬ್ರಿಟಿಷ್ ಸರ್ಕಾರಕ್ಕೆ ನೀಡಿದ್ದ 35,000 ಸಾಲವನ್ನು ಇದೀಗ ಭಾರತೀಯ ಉದ್ಯಮಿಯ ಉದ್ಯಮಿ ಒಬ್ಬರು ವಾಪಾಸ್ ಕೇಳಿದ್ದಾರೆ. ಅಚ್ಚರಿ ಏನೆಂದರೆ ಇದಕ್ಕೆ ಇಂಗ್ಲೆಂಡ್ ಸರ್ಕಾರವು ಸರ್ಕಾರಾತ್ಮಕವಾಗಿ ಪ್ರತಿಕ್ರಿಯೆ ನೀಡಿದೆ. ಹಾಗಾದರೆ ಇಂಗ್ಲೆಂಡ್ ನಿಂದ ಬಂದ ಪ್ರತಿಕ್ರಿಯೆ? ಏನು? ಇಂದು ಆ 35,000 ಮೌಲ್ಯ ಎಷ್ಟಾಗುತ್ತದೆ?
Sponsoredಹೌದು, ಮೊದಲ ವಿಶ್ವಯುದ್ಧದ ಖರ್ಚಿಗಾಗಿ 109 ವರ್ಷಗಳ ಹಿಂದೆ ಬ್ರಿಟಿಷ್ ಸರ್ಕಾರಕ್ಕೆ ನೀಡಿದ್ದ ₹ 35 ಸಾವಿರ ಸಾಲದ ಮರುಪಾವತಿಸಬೇಕು ಎನ್ನುವ ಕೋರಿಕೆಯನ್ನು ಪರಿಶೀಲಿಸಲು ಬ್ರಿಟನ್ ಸರ್ಕಾರ ಒಪ್ಪಿದೆ ಎಂದು ಮಧ್ಯಪ್ರದೇಶದ ಉದ್ಯಮಿಯೊಬ್ಬರ ಮೊಮ್ಮಕ್ಕಳು ತಿಳಿಸಿದ್ದಾರೆ.
ಏನಿದು ಘಟನೆ?
ಅಂದಹಾಗೆ ಜೂನ್ 4, 1917 ರಂದು ಬ್ರಿಟಿಷರ ಇಂಡಿಯನ್ ವಾರ್ ಲೋನ್ ಯೋಜನೆಗೆ ಅವರು ₹35,000 ಹೂಡಿಕೆ ಮಾಡಿದ್ದರು. ಈ ಸಾಲಕ್ಕೆ ವಾರ್ಷಿಕ ಶೇ. 5.5 ರಷ್ಟು ಬಡ್ಡಿ ನಿಗದಿ ಪಡಿಸಿ ಅಂದಿನ ಭೋಪಾಲ್ ರಾಜಕೀಯ ಏಜೆಂಟ್ ಡಬ್ಲ್ಯೂ.ಎಸ್. ಡೇವಿಸ್ ಸಹಿ ಹಾಕಿದ್ದರು. ಏತನ್ಮಧ್ಯೆ, ಸಾಲ ನೀಡಿದ 20 ವರ್ಷಗಳ ನಂತರ, ಅಂದರೆ 1937 ರಲ್ಲಿ ಸೇಠ್ ಜುಮ್ಮಾಲಾಲ್ ಅವರು ನಿಧನರಾದರು. ಕಾಲಕ್ರಮೇಣ ಈ ವಿಚಾರವು ಮರೆತುಹೋಗಿತ್ತು. ಆದರೆ ಇತ್ತೀಚೆಗೆ ಜುಮ್ಮಾಲಾಲ್ ಅವರ ಮಗ ನಿಧನರಾದಾಗ, ಕುಟುಂಬದ ಹಳೆಯ ಪತ್ರಗಳು, ಉಯಿಲು ಮತ್ತು ಪ್ರಮಾಣಪತ್ರಗಳನ್ನು ಪರಿಶೀಲಿಸುವಾಗ ಈ ಸಾಲದ ದಾಖಲೆಗಳು ಪತ್ತೆಯಾಗಿವೆ.
ಮುಂದುವರೆದು, ಜುಮ್ಮಾಲಾಲ್ ಅವರ ಮೊಮ್ಮಗ ವಿವೇಕ್ ರುಥಿಯಾ ಅವರು ಈ ದಾಖಲೆಗಳ ಆಧಾರದ ಮೇಲೆ, ಪಾವತಿಸದ ಈ ಸಾರ್ವಭೌಮ ಸಾಲವನ್ನು ಮರುಪಾವತಿಸುವಂತೆ ತಮ್ಮ ವಕೀಲರ ಮೂಲಕ 2026ರ ಫೆಬ್ರವರಿಯಲ್ಲಿ ಬ್ರಿಟನ್ ಸರ್ಕಾರಕ್ಕೆ ಲೀಗಲ್ ನೋಟಿಸ್ ಕಳುಹಿಸಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿರುವ ಡಿಎಂಒ, ಕುಟುಂಬದ ಬಳಿ ಇರುವ ಸಾಲಕ್ಕೆ ಸಂಬಂಧಿಸಿದ ಪ್ರಮಾಣಪತ್ರಗಳು, ಪತ್ರವ್ಯವಹಾರ ಸೇರಿದಂತೆ ಹೆಚ್ಚುವರಿ ದಾಖಲೆಗಳನ್ನು ಸಲ್ಲಿಸುವಂತೆ ಸೂಚಿಸಿದೆ.
ಇಂದಿನ ಮೌಲ್ಯ ಎಷ್ಟು ಕೋಟಿ?:
109 ವರ್ಷಗಳ ಹಿಂದೆ ನೀಡಲಾಗಿದ್ದ 35,000 ರೂ.ಗೆ ಶೇ. 5.5ರ ವಾರ್ಷಿಕ ಬಡ್ಡಿ ದರದಲ್ಲಿ ಲೆಕ್ಕ ಹಾಕಿದರೆ, ಈಗ ಇದರ ಮೌಲ್ಯ ಹಲವು ಕೋಟಿ ರೂ. ಆಗಲಿದೆ. ಒಂದು ವೇಳೆ ಅಂದಿನ ಚಿನ್ನದ ಬೆಲೆಗೆ ಹೋಲಿಸಿ ಲೆಕ್ಕ ಹಾಕಿದರೆ (1917ರಿಂದ ಚಿನ್ನದ ಬೆಲೆ 3,000 ಪಟ್ಟು ಹೆಚ್ಚಾಗಿದೆ) ಈ ಮೊತ್ತವು 10 ಕೋಟಿ ರೂ.ಗಿಂತಲೂ ಹೆಚ್ಚು ಆಗಲಿದೆ ಎಂದು ಕುಟುಂಬಸ್ಥರು ಅಂದಾಜಿಸಿದ್ದಾರೆ. ತಮ್ಮ ತಾತನ ಸಾಲದ ಬಾಕಿ ಹಣ ಪಡೆಯುವುದು ಈಗ ಕೇವಲ ಹಣದ ವಿಚಾರವಾಗಿ ಉಳಿದಿಲ್ಲ, ಇದು ಕುಟುಂಬದ ಗೌರವದ ವಿಷಯವಾಗಿದೆ ಎಂದು ವಿವೇಕ್ ರುಥಿಯಾ ತಿಳಿಸಿದ್ದಾರೆ.




