How to Clean Silver Jewellery : ಕಪ್ಪಾದ ಬೆಳ್ಳಿ ಆಭರಣಗಳನ್ನು ನಿಮಿಷ ಮಾತ್ರದಲ್ಲಿ ಫಳ ಫಳ ಹೊಳೆಯುವಂತೆ ಮಾಡುತ್ತೆ ಈ ವಿಧಾನ!

silver jewelery Clean : ಎಷ್ಟೇ ಮೌಲ್ಯಯುತ ಆಭರಣವಾದರೂ ಸಹ ನಿಧಾನವಾಗಿ ಬೆವರು, ಧೂಳು ಹಿಡಿದು ಹೊಳಪು ಕಳೆದುಕೊಳ್ಳುತ್ತದೆ. ಇಂತಹ ಹೊಳಪು ಕಳೆದುಕೊಂಡ ಆಭರಣ ಧರಿಸಲು ಮುಜುಗರ ಆಗುವುದು ಸಹಜ. ಆದ್ದರಿಂದ ಇವುಗಳನ್ನು ಹೇಗಾದರೂ ಕ್ಲೀನ್ ಮಾಡಿಕೊಳ್ಳಬೇಕು ಅನ್ನಿಸುತ್ತದೆ. ಅದಲ್ಲದೆ ಬೆಳ್ಳಿಯ ಆಭರಣಗಳನ್ನು ಧರಿಸದೆಯೇ ಹಾಗೇ ಇರಿಸಿದಾಗ ಕೂಡ ಕ್ರಮೇಣ ಹೊಳಪು ಕಳೆದುಕೊಳ್ಳುತ್ತವೆ. ನಿಧಾನವಾಗಿ ಕಪ್ಪು ಬಣ್ಣಕ್ಕೆ ತಿರುಗುತ್ತದೆ. ಇದು ಗಾಳಿಯಲ್ಲಿ ಬೆಳ್ಳಿ ಮತ್ತು ಗಂಧಕದ ನಡುವಿನ ರಾಸಾಯನಿಕ ಕ್ರಿಯೆಯಿಂದಾಗಿ ಸಂಭವಿಸುತ್ತದೆ. ಹೆಚ್ಚಾಗಿ ಕಪ್ಪಾದ ಬೆಳ್ಳಿಯನ್ನು ಸ್ವಚ್ಛಗೊಳಿಸಲು (silver jewelery  Clean)ಸಾಮಾನ್ಯವಾಗಿ ನಾವು ಆಭರಣ ವ್ಯಾಪಾರಿಗೆ ನೀಡುತ್ತೇವೆ. ಆದರೆ ಇದಕ್ಕೆ ಬೇರೆ ಬೇರೆ ವಿಧಾನ ಗಳಿವೆ. ಅವುಗಳನ್ನು ಅನುಸರಿಸಿದರೆ ನಿಮ್ಮ ಒಡವೆ ಗಳನ್ನು ಹೊಸದಾಗಿ ಕಾಣುವ ಹಾಗೆ ಮತ್ತೆ ಹೊಳಪನ್ನು ತರಿಸಬಹುದು.

Sponsored

ಹ್ಯಾಂಡ್ ಸ್ಯಾನಿಟೈಸರ್:
ಹ್ಯಾಂಡ್ ಸ್ಯಾನಿಟೈಸರ್ ಪ್ರತಿ ಮನೆಯಲ್ಲೂ ಇರುತ್ತದೆ. ನೀವು ಒಂದು ಪಾತ್ರೆಯಲ್ಲಿ ಸ್ವಲ್ಪ ಸ್ಪ್ರೇ ಸ್ಯಾನಿಟೈಸರ್ ಅನ್ನು ಹೊರತೆಗೆಯಿರಿ. ಅದರಲ್ಲಿ ಬೆಳ್ಳಿಯನ್ನು ಹಾಕಿ. ಅರ್ಧ ಗಂಟೆಯ ನಂತರ ಉಜ್ಜಿ ಮತ್ತೆ ಸ್ಯಾನಿಟೈಸರ್‌ನಲ್ಲಿ ಮುಳುಗಿಸಿ . ಸ್ವಲ್ಪ ಸಮಯದ ನಂತರ ಅದನ್ನು ಉಜ್ಜುವಾಗ ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಇದರಿಂದ ಬೆಳ್ಳಿ ಹೊಳೆಯುತ್ತದೆ.

ಅಡುಗೆ ಸೋಡಾ:
ಸ್ವಲ್ಪ ಅಡುಗೆ ಸೋಡಾವನ್ನು ನೀರಿಗೆ ಬೆರೆಸಿ. ಸಿದ್ಧಪಡಿಸಿದ ಪೇಸ್ಟ್‌ ಅನ್ನು ಬೆಳ್ಳಿ ಪಾತ್ರೆ ಮತ್ತು ಬೆಳ್ಳಿ ಆಭರಣಗಳ ಮೇಲೆ ಹಚ್ಚಿ ಲಘುವಾಗಿ ಕೈಗಳಿಂದ ಉಜ್ಜುತ್ತ ಇರಿ . ಸುಮಾರು 10-15 ನಿಮಿಷಗಳ ಕಾಲ ಅದನ್ನು ಒಣಗಲು ಬಿಡಿ. ನಂತರ ಅದನ್ನು ತೊಳೆದು ಹತ್ತಿ ಬಟ್ಟೆ ಅಥವಾ ಟವೆಲ್‌ನಿಂದ ಒರೆಸಿ.

ಪಾತ್ರೆ ತೊಳೆಯುವ ಸೋಪ್‌:
ಮೊದಲು ಬೆಚ್ಚಗಿನ ನೀರಿನಲ್ಲಿ ಕೆಲವು ಹನಿಗಳಷ್ಟು ಡಿಶ್‌ ವಾಶ್‌ ಲಿಕ್ವಿಡ್‌ ಅಥವಾ ಪಾತ್ರೆ ತೊಳೆಯುವ ಸೋಪ್‌ ಅನ್ನು ಹಾಕಿ. ನಂತರ ಬೆಳ್ಳಿ ಆಭರಣ ಸುಮಾರು 5-10 ನಿಮಿಷಗಳ ಕಾಲ ಈ ನೀರಿನಲ್ಲಿ ಮುಳುಗಿಸಿ. ಅವುಗಳ ಮೇಲೆ ಸಂಗ್ರಹವಾದ ಕೊಳೆಯನ್ನು ಸ್ವಚ್ಛಗೊಳಿಸಲು ಮೃದುವಾದ ಬ್ರಿಸ್ಟಲ್ ಬ್ರಷ್ ಅನ್ನು ಬಳಸಿ. ಚೆನ್ನಾಗಿ ತೊಳೆದು ಹತ್ತಿ ಬಟ್ಟೆಯಿಂದ ಒರೆಸಿಬಿಡಿ.

ಟೂತ್‌ ಪೇಸ್ಟ್‌:
ಹಳೆಯ ಟೂತ್ ಬ್ರಷ್‌ಗೆ ಸ್ವಲ್ಪ ಪೇಸ್ಟ್ ಹಾಕಿಕೊಂಡು ಅದರಿಂದ ಬೆಳ್ಳಿಯ ಆಭರಣಗಳ ಮೇಲೆ ಚೆನ್ನಾಗಿ ಉಜ್ಜಿ. ನಂತರ ಅವುಗಳನ್ನು ಬಿಸಿ ನೀರಿನಲ್ಲಿ ಹಾಕಿ ಮತ್ತು ಸ್ವಲ್ಪ ಸಮಯದವರೆಗೆ ಹಾಗೇ ಬಿಡಿ. ಬಳಿಕ ಸ್ವಚ್ಛವಾಗಿ ತೊಳೆದು ಒಣಗಿಸಿ.

ಹೇರ್‌ ಕಂಡಿಷನರ್ :
ಬೆಳ್ಳಿಯ ಆಭರಣಗಳ ಮೇಲೆ ಕೂದಲು ಕಂಡಿಷನರ್ ಅನ್ನು ಅನ್ವಯಿಸಿ. ನಂತರ ಮೃದುವಾದ ಬ್ರಷ್‌ನ ಸಹಾಯದಿಂದ ಅದನ್ನು ಉಜ್ಜಿರಿ. ಹೀಗೆ ಮಾಡುವುದರಿಂದ ಆಭರಣಗಳ ಮೇಲೆ ಸಂಗ್ರಹವಾದ ಕಪ್ಪು ಬಣ್ಣವನ್ನು ಸುಲಭವಾಗಿ ಸ್ವಚ್ಛಗೊಳಿಸಬಹುದು.

ನಿಂಬೆ ರಸ :
ಬೆಳ್ಳಿ ತುಂಬಾ ಕಪ್ಪಾಗದಿದ್ದರೆ, ನಿಂಬೆ ರಸಕ್ಕೆ ಸ್ವಲ್ಪ ಉಪ್ಪು ಸೇರಿಸಿ ಕೂಡ ಸ್ವಚ್ಛಗೊಳಿಸಬಹುದು. ಇದಲ್ಲದೇ ಬಿಸಿ ನೀರಿಗೆ ಡಿಟರ್ಜೆಂಟ್ ಹಾಕಿ ಅದರಲ್ಲಿ ಬೆಳ್ಳಿಯನ್ನು ಸ್ವಲ್ಪ ಹೊತ್ತು ಇಡಬೇಕು. ಅದರ ನಂತರ ಅದನ್ನು ಉಜ್ಜಿಕೊಳ್ಳಿ. ಸ್ವಲ್ಪ ಸಮಯದ ನಂತರ ಬೆಳ್ಳಿ ಸ್ಪಷ್ಟವಾಗುತ್ತದೆ.

ಹೀಗೆ ಮಾಡುವುದರಿಂದ ಸಮಯ ಮತ್ತು ಹಣ ಎರಡೂ ಉಳಿತಾಯ ಆಗುತ್ತದೆ. ಈ ಮೇಲಿನ ಸುಲಭದ ವಿಧಾನಗಳ ಮೂಲಕ ಮನೆಯಲ್ಲಿಯೇ ಕೇವಲ 5 ನಿಮಿಷಗಳಲ್ಲಿ ಕಪ್ಪಾದ ಬೆಳ್ಳಿಯನ್ನು ನೀವು ಸ್ವಚ್ಛಗೊಳಿಸಬಹುದು, ಮತ್ತೆ ಹೊಳಪು ಪಡೆದುಕೊಳ್ಳುವಂತೆ ಮಾಡಬಹುದು.

ಇದನ್ನೂ ಓದಿ : Sim Card Use : ನಿಮ್ಮ ಹೆಸರಿನಲ್ಲಿ ಇನ್ನೊಬ್ಬರು ನಿಮ್ಮ ಸಿಮ್‌ ಕಾರ್ಡ್‌ ಯೂಸ್‌ ಮಾಡ್ತಾ ಇದ್ದಾರಾ? ಇಲ್ಲಿದೆ ಪತ್ತೆ ಹಚ್ಚುವ ಕ್ರಮ!