Migration: ವಲಸೆ ಹೋಗುವ ಪಕ್ಷಿಗಳು ವಿವಿಧ ಪರಿಸರ ಸೂಚನೆಗಳು ಮತ್ತು ಸಹಜ ಪ್ರವೃತ್ತಿಗಳ ಮೂಲಕ ಎಲ್ಲಿಗೆ ಹೋಗುತ್ತಿವೆ ಎಂದು ತಿಳಿದಿರುತ್ತವೆ. ಅವುಗಳು ಸೂರ್ಯ ಮತ್ತು ನಕ್ಷತ್ರಗಳ ಜತೆಗೆ ತಮ್ಮ ವಾಸನೆಯ ಪ್ರಜ್ಞೆಯನ್ನು ಸಂಚರಣೆ ಸಾಧನಗಳಾಗಿ ಬಳಸುತ್ತವೆ ಎಂದು ಅಧ್ಯಯನಗಳು ತಿಳಿಸಿವೆ. ಮೋಡ ಕವಿದ ರಾತ್ರಿಯಲ್ಲಿ ಪಕ್ಷಿಗಳಿಗೆ ನಕ್ಷತ್ರಗಳು ಕಾಣಿಸದಿದ್ದಾಗ, ಭೂಮಿಯ ಕಾಂತಕ್ಷೇತ್ರವನ್ನು ಪತ್ತೆಹಚ್ಚುವ ಮತ್ತು ಪ್ರತಿಕ್ರಿಯಿಸುವ ಸಾಮರ್ಥ್ಯವಾದ ಮ್ಯಾಗ್ನೆಟೋರೆಸೆಪ್ಪನ್ ಬಳಸಿ ತಮ್ಮ ದಾರಿಯನ್ನು ಕಂಡುಕೊಳ್ಳಬಹುದು.
Sponsoredಹಾಗಾದರೆ ಪಕ್ಷಿಗಳು ಪ್ರತಿ ವರ್ಷ ತಮ್ಮ ಮಾರ್ಗವನ್ನು ಹೇಗೆ ತಿಳಿಯುತ್ತವೆ? ಪಕ್ಷಿಗಳು ತಮ್ಮ ದಾರಿಯನ್ನು ಹೇಗೆ ಕಂಡುಕೊಳ್ಳುತ್ತವೆ ಎಂಬುದು ವಿಜ್ಞಾನಿಗಳು ಸಂಪೂರ್ಣವಾಗಿ ತಿಳಿದಿಲ್ಲ. ಆದರೆ ವಲಸೆಯ ಸಮಯದಲ್ಲಿ ಪಕ್ಷಿಗಳು ಅನೇಕ ವಿಭಿನ್ನ ಇಂದ್ರಿಯಗಳನ್ನು ಅವಲಂಬಿಸಿವೆ ಎಂದು ಅವರು ಹೇಳಿತ್ತಾರೆ. ಉದಾಹರಣೆಗೆ, ಅವು ಸೂರ್ಯ ಮತ್ತು ನಕ್ಷತ್ರಗಳ ಸ್ಥಾನವನ್ನು ದಿಕ್ಸೂಚಿಯಾಗಿ ಬಳಸಲು ಸಮರ್ಥವಾಗಿವೆ ಮತ್ತು ಹಗಲು ಹೊತ್ತಿನಲ್ಲಿ ಕಂಡುಬರುವ ಹೆಗ್ಗುರುತುಗಳು ಮತ್ತು ಸೂರ್ಯಾಸ್ತಮಾನದ ಸ್ಥಾನವನ್ನು ಸಹ ಮಾರ್ಗದರ್ಶನ ಮಾಡಲು ಬಳಸಬಹುದು ಎಂದು ಕಾರ್ನೆಲ್ ಲ್ಯಾಬ್ ವರದಿ ಮಾಡಿದೆ.
Marriage AdSponsoredಕೆಲವು ಪಕ್ಷಿ ಪ್ರಭೇದಗಳು ತಮ್ಮ ಕೊಕ್ಕಿನಲ್ಲಿ ಮ್ಯಾಗ್ನೆಟೈಟ್ ಎಂಬ ಖನಿಜವನ್ನು ಹೊಂದಿವೆ, ಇದು ಭೂಮಿಯ ಕಾಂತಕ್ಷೇತ್ರಕ್ಕೆ ಹೆಚ್ಚು ಸೂಕ್ಷ್ಮವಾಗಿರುವುದರಿಂದ ಅವುಗಳ ಸಂಚರಣೆ ಕೌಶಲ್ಯಕ್ಕೆ ಸಹಾಯ ಮಾಡುತ್ತದೆ. ಪಕ್ಷಿಗಳ ಕಣ್ಣುಗಳಲ್ಲಿ ಜೀವಕೋಶಗಳಿವೆ ಎಂದು ಸಂಶೋಧನೆ ಹೇಳುತ್ತದೆ, ಅದು ಅವುಗಳಿಗೆ ಕಾಂತಕ್ಷೇತ್ರವನ್ನು ತಲುಪಲು ಸಹಾಯ ಮಾಡುತ್ತದೆ.
ಅನೇಕ ಪಕ್ಷಿ ಪ್ರಭೇದಗಳು, ವಿಶೇಷವಾಗಿ ಕ್ರೇನ್‌ಗಳು ಮತ್ತು ಜಲಪಕ್ಷಿಗಳು, ವರ್ಷದಿಂದ ವರ್ಷಕ್ಕೆ ಒಂದೇ ವಲಸೆ ಮಾರ್ಗವನ್ನು ಅನುಸರಿಸುತ್ತವೆ. ಕಾರಣ ಅವುಗಳೀಗೆ ಅಲ್ಲಿ ಸಾಕಷ್ಟು ಆಹಾರ ಪೂರೈಕೆಯಾಗುವ ಕಾರಣ. ಹಾಗಾಗಿ ಪ್ರತಿ ಬಾರಿಯೂ ಒಂದೇ ಸ್ಥಳಗಳನ್ನು ಬಳಸುತ್ತವೆ. ಆದಾಗ್ಯೂ, ಕೆಲವು ಸಣ್ಣ ಪಕ್ಷಿಗಳು ವಸಂತ ಮತ್ತು ಶರತ್ಕಾಲದಲ್ಲಿ ವಿಭಿನ್ನ ಮಾರ್ಗಗಳನ್ನು ಅನುಸರಿಸುತ್ತವೆ, ಇದರಿಂದ ಉತ್ತಮ ಆಹಾರ ಸರಬರಾಜು ಮತ್ತು ಹವಾಮಾನದ ಲಾಭವನ್ನು ಪಡೆಯುವ ಸಾಧ್ಯತೆಯಿದೆ ಎಂದು ಕಾರ್ನೆಲ್ ಲ್ಯಾಬ್ ತಿಳಿಸಿದೆ.
