ಕೇಜ್ರಿವಾಲ್ ನನ್ನು ಭೇಟಿಯಾದ ಗುಜರಾತ್ ಆಟೋ ಚಾಲಕ ಮೋದಿ ಬೆಂಬಲಿಗ, ಈ ಭೇಟಿಗೆ ಆತನಿಗೆ ಹಣದ ಆಮಿಷ ನೀಡಲಾಗಿದೆ : ಬಿಜೆಪಿ ನಾಯಕ ಗರಂ

ನವದೆಹಲಿ: ಆಮ್ ಆದ್ಮಿ ಪಕ್ಷದ (ಎಎಪಿ) ಮುಖ್ಯಸ್ಥ ಮತ್ತು ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಅವರು ಗುಜರಾತ್ ನ ಆಟೋ ಚಾಲಕ ಒಬ್ಬರ ಮನೆಯಲ್ಲಿ ಊಟ ಮಾಡಿದ್ದರು. ಮೋದಿ ಅವರಿಗೆ ಟಾಂಗ್ ಕೊಡಲು ಮೋದಿ ಊರಿಗೆ ಹೋಗಿ ಅಲ್ಲೇ ಬದ ಆಟೋ ಚಾಲಕನ ಆಟೋದಲ್ಲಿ ಹೋಗಿ ಆತನ ಮನೆಯಲ್ಲಿ ಊಟ ಮಾಡಿದ ಸಂಗತಿ ಈಗ ವಿವಾದ ಆಗಿದೆ. ಕೇಜ್ರಿವಾಲ್ ಅವರನ್ನು ಭೇಟಿಯಾಗಲು ತನಗೆ ಹಣ ನೀಡಲಾಗಿದೆ ಎಂದು ಆಟೋ ಚಾಲಕ ಅವರಿಗೆ ಹೇಳಿದರು ಎಂದು ಪಕ್ಷದ ನಾಯಕ ಜುಬಿನ್ ಅಶಾರಾ ಆರೋಪಿಸಿದ್ದಾರೆ.

Sponsored

ಕೇಜ್ರಿವಾಲ್ ಅವರು ಬಂದು ತಮ್ಮ ಮನೆಯಲ್ಲಿ ತಮ್ಮೊಂದಿಗೆ ಊಟ ಮಾಡಿದ ನಂತರ ಹಠಾತ್ ಪ್ರಾಮುಖ್ಯತೆ ಪಡೆದ ಈ ಆಟೋ ಚಾಲಕ ಭಾರತೀಯ ಜನತಾ ಪಕ್ಷದ (ಬಿಜೆಪಿ) ಬೆಂಬಲಿಗರಾಗಿದ್ದಾರೆ ಎಂದು ಪಕ್ಷದ ನಾಯಕ ಜುಬಿನ್ ಅಶಾರಾ ಹೇಳಿದ್ದಾರೆ.

ಗುಜರಾತ್ ನ ಬಿಜೆಪಿ ರಾಜ್ಯ ಮಾಧ್ಯಮ ಮುಖ್ಯಸ್ಥ ಜುಬಿನ್ ಅಶಾರಾ ಅವರು ಆಟೋ ಚಾಲಕ ಇತರ ಮೂವರು ಬಿಜೆಪಿ ಸದಸ್ಯರೊಂದಿಗೆ ಶುಕ್ರವಾರ ವೀಡಿಯೊವನ್ನು ಟ್ವೀಟ್ ಮಾಡಿದ್ದಾರೆ.

“ಇದೇ ಆಟೋವಾಲಾ ವಿಕ್ರಮ್ ದಂಟಾನಿ ಅವರ ಮನೆಯಲ್ಲಿ ಕೇಜ್ರಿವಾಲ್ ಅವರು ಮಾಧ್ಯಮಗಳೊಂದಿಗೆ ಊಟ ಮಾಡಲು ಹೋಗಿದ್ದರು. ಕೇಜ್ರಿವಾಲ್ ಅವರ ಜನರು ಹಣದ ಬಗ್ಗೆ ಮಾತನಾಡುವ ಮೂಲಕ ತಮ್ಮನ್ನು ಮನವೊಲಿಸಿದ್ದರು ಎಂದು ವಿಕ್ರಮ್ ಭಾಯ್ ಹೇಳುತ್ತಾರೆ, ಆದರೆ ಅವರು ಬಾಲ್ಯದಿಂದಲೂ ಮೋದಿ ಅವರ ಅಭಿಮಾನಿಯಾಗಿದ್ದಾರೆ. ಓಟು ಹಾಕುವ ಹಕ್ಕು ಬಂದವರೆಗೆ ಬಿಜೆಪಿ ಬಿಟ್ಟು ಬೇರೆ ಯಾರಿಗೂ ಅವರು ಒರು ಮಾಡಿಲ್ಲ ಎಂದಿದ್ದಾರೆ ‘ ಎಂದು ಟ್ವೀಟ್ ನಲ್ಲಿ ಬರೆಯಲಾಗಿದೆ.

ಸೆಪ್ಟೆಂಬರ್ 12 ರಂದು ಕೇಜ್ರಿವಾಲ್ ತಮ್ಮ ಗುಜರಾತ್ ಭೇಟಿಯ ಸಮಯದಲ್ಲಿ, ಆಟೋ ಚಾಲಕ ಮತ್ತು ಅವರ ಕುಟುಂಬದೊಂದಿಗೆ ಅಹಮದಾಬಾದ್ನಲ್ಲಿರುವ ಆಟೋ ಚಾಲಕನ ಮನೆಯಲ್ಲಿ ಊಟ ಮಾಡಿದರು. ದೆಹಲಿ ಮುಖ್ಯಮಂತ್ರಿ ಸಾರ್ವಜನಿಕ ಸಭೆಯಲ್ಲಿ ಆಟೋ ಚಾಲಕನನ್ನು ಭೇಟಿಯಾದರು ಮತ್ತು ಅವರ ಭೋಜನದ ಆಹ್ವಾನವನ್ನು ಸ್ವೀಕರಿಸಿದರು.

ನಂತರ, ಎಎಪಿ ಸಂಚಾಲಕರೂ ದೆಹಲಿ ಮುಖ್ಯಮಂತ್ರಿ ಕೂಡಾ ಆಗಿರುವ ಅರವಿಂದ್ ಕೇಜ್ರಿವಾಲ್ ಅವರು ತಮ್ಮ ಮನೆಯಿಂದ ಆಟೋ ಚಾಲಕನ ಜತೆ ಊಟ ಮಾಡಿದ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. ಅಲ್ಲದೆ ಆಟೋ ಚಾಲಕನನ್ನು ದೆಹಲಿಗೆ ಆಹ್ವಾನಿಸಿದ್ದರು. “ಸಂಭಾಷಣೆಯ ಸಮಯದಲ್ಲಿ, ಆಟೋ ಚಾಲಕನು ತನ್ನ ಮನೆಯಲ್ಲಿ ಊಟ ಮಾಡಲು ನೀಡಿದ ಆಹ್ವಾನವನ್ನು ನಾನು ಸ್ವೀಕರಿಸಿದೆ. ನಾನು ಅವರ ಕುಟುಂಬವನ್ನು ಸಹ ಭೇಟಿಯಾದೆ ಮತ್ತು ಆಹಾರವು ಮನೆಯಂತೆ ರುಚಿಸುತ್ತಿತ್ತು. ಅವರ ಪತ್ನಿ ಇಲ್ಲಿರುವುದರಿಂದ ನಾನು ಅವರ ಇಡೀ ಕುಟುಂಬವನ್ನು ದೆಹಲಿಗೆ ಆಹ್ವಾನಿಸಿದ್ದೇನೆ” ಎಂದು ಆಮ್ ಆದ್ಮಿ ಪಕ್ಷದ ಮುಖ್ಯಸ್ಥರು ಊಟ ಮಾಡಿದ ನಂತರ ಹೇಳಿದರು.

ಕುತೂಹಲಕಾರಿಯಾಗಿ, ಚಾಲಕ ಕೇಜ್ರಿವಾಲ್ ಅವರನ್ನು ಊಟಕ್ಕೆ ಆಹ್ವಾನಿಸಿದ ವೀಡಿಯೊದಲ್ಲಿ, ಅವರು ಎಎಪಿ ಮುಖ್ಯಸ್ಥರನ್ನು ಹೊಗಳುವುದನ್ನು ಕಾಣಬಹುದು, “ನಾನು ನಿಮ್ಮ ದೊಡ್ಡ ಅಭಿಮಾನಿ. ಪಂಜಾಬ್ನ ಆಟೋ ಚಾಲಕನ ಮನೆಯಲ್ಲಿ ನೀವು ಊಟ ಮಾಡುತ್ತಿರುವ ವೀಡಿಯೊವನ್ನು ನಾನು ಸಾಮಾಜಿಕ ಮಾಧ್ಯಮದಲ್ಲಿ ನೋಡಿದೆ. ನೀವು ನನ್ನ ಮನೆಗೂ ಊಟಕ್ಕೆ ಬರುವಿರಾ ಎಂದು ಕೇಜ್ರಿವಾಲ್ ಅವರನ್ನು ಆಟೋ ಚಾಲಕ ಕೇಳುವ ವೀಡಿಯೋ ಇದೆ. ಇದರಲ್ಲಿ ಯಾವುದು ಸಾಚಾ, ಆಟೋಚಾಲಕ ಪ್ಲೇಟ್ ಬದಲಿಸಿದನಾ ಅಥವಾ ನಿಜಕ್ಕೂ ಆತನಿಗೆ ಹಣದ ಆಮಿಷ ಕೊಟ್ಟು ಮೋದಿ ಊರಲ್ಲೇ ಮೋದಿಗೆ ಮುಖಭಂಗ ಉಂಟು ಮಾಡಲು ಪ್ಲಾನ್ ನಡೆದಿತ್ತ ಸ್ಪಷ್ಟವಾಗಿಲ್ಲ.