ಪಿಲಿಕುಳದಲ್ಲಿ ಏಳು ಮರಿಗಳಿಗೆ ಜನ್ಮ ನೀಡಿದ ಗೀತಾ

ದಕ್ಷಿಣ ಕನ್ನಡ: ಮಂಗಳೂರು ನಗರದ ಪಿಲಿಕುಳ ಜೈವಿಕ ಉದ್ಯಾನವನದಲ್ಲಿ ಗೀತಾ ಎಂಬ ಭಾರತೀಯ ತೋಳವು ಏಳು ಮರಿಗಳಿಗೆ ಜನ್ಮ ನೀಡಿದೆ. ನಾಲ್ಕು ಗಂಡು ಮತ್ತು ಮೂರು ಹೆಣ್ಣು ತೋಳಗಳು ಇದರಲ್ಲಿ ಸೇರಿದೆ. ಭಾರತೀಯ ತೋಳಗಳನ್ನು ಕಳೆದ 9 ವರ್ಷದಿಂದ ಇಲ್ಲಿ ಸಾಕಲಾಗುತ್ತಿದ್ದು, ಮೊದಲ ಬಾರಿಗೆ ಈ ಜಾತಿಯ ಯಶಸ್ವಿ ಸಂತಾನೋತ್ಪತ್ತಿ ನಡೆದಿರುವುದು ವಿಶೇಷ.

Sponsored

ತಾಯಿ ತೋಳ ʼಗೀತಾʼ ಮತ್ತು ಎಲ್ಲಾ ಏಳು ಮರಿಗಳು ಆರೋಗ್ಯವಾಗಿದೆ. ಪಶುವೈದ್ಯರು ಮತ್ತು ಪ್ರಾಣಿ ಪಾಲಕರ ತಂಡವು ಅವುಗಳ ಆರೋಗ್ಯ ಮತ್ತು ಬೆಳವಣಿಗೆಯನ್ನು ಗಮಿಸುತ್ತಲೇ ಇದೆ.

ಪಿಲಿಕುಳ ಅಭಿವೃದ್ಧಿ ಪ್ರಾಧಿಕಾರದ ಪ್ರಭಾರ ಆಯುಕ್ತರಾದ ಡಾ. ಅರುಣ್ ಕುಮಾರ್ ಶೆಟ್ಟಿ ಈ ಸಾಧನೆಯನ್ನು ಉದ್ಯಾನವನದ ಸಂರಕ್ಷಣಾ ಕಾರ್ಯಚಟುವಟಿಕೆಗಳಿಗೆ ದೊಡ್ಡ ಉತ್ತೇಜನವೆಂದು ವಿವರಿಸಿದ್ದಾರೆ. “ಇದು ಕೇವಲ ಸಂತಾನೋತ್ಪತ್ತಿಯ ಯಶಸ್ಸು ಮಾತ್ರವಲ್ಲ, ಅಪರೂಪದ ಜಾತಿಗಳನ್ನು ಸಂರಕ್ಷಿಸಲು ನಮ್ಮ ಬದ್ಧತೆಯ ಪ್ರತೀಕವೂ ಆಗಿದೆ,” ಎಂದು ಅವರು ತಿಳಿಸಿದ್ದಾರೆ.