ಪೈಲಟ್ ಸ್ಮಿತ್ ಮಚ್ಚರ್‌ ಸಾಹಸಕ್ಕೆ ಹರಿದುಬರುತ್ತಿದೆ ಹಣದ ಹೊಳೆ

ದುಬೈ ವಿಮಾನದಲ್ಲಿ (FZ1073) 174 ಜನರನ್ನು ಉಳಿಸಲು ತನ್ನ ಪ್ರಾಣವನ್ನೇ ಪಣಕ್ಕಿಟ್ಟ ಭಾರತೀಯ ಪೈಲಟ್ ಕ್ಯಾಪ್ಟನ್ ಸ್ಮಿತ್ ಮಚ್ಚರ್, ಶೌರ್ಯಕ್ಕೆ ಮಾದರಿಯಾಗಿದ್ದಾರೆ. ಸ್ಮಿತ್ ಅವರ ಈ ಸಾಧನೆಗೆ ಹಣದ ರೂಪದಲ್ಲಿ ಅನೇಕ ಕಡೆಯಿಂದ ಬಹುಮಾನಗಳು ಬರುತ್ತಿವೆ. ಹಾಗಿದ್ದರೆ ಯಾರ್ಯಾರು ಎಷ್ಟೆಷ್ಟು ಕೊಟ್ಟರು? ಇಲ್ಲಿದೆ ನೋಡಿ ಡಿಟೈಲ್ಸ್ 

Sponsored

ಮ್ಯಾನ್‌ಕೈಂಡ್ ಫಾರ್ಮಾ ಸ್ಮಿತ್ ಮಚ್ಚರ್‌ಗೆ ₹1 ಕೋಟಿ ನೀಡಿದೆ. ಸ್ಮಿತ್ ತನ್ನ ಸ್ವಂತ ಜೀವವನ್ನು ಲೆಕ್ಕಿಸದೆ ಮಾಡಿದ ಕ್ರಮಗಳು ಸಿಬ್ಬಂದಿ ಮತ್ತು ಪ್ರಯಾಣಿಕರ ಸುರಕ್ಷತೆಯನ್ನು ಖಾತ್ರಿಪಡಿಸಿದವು, ಇದು ಪ್ರತಿಯೊಬ್ಬ ಸಿಬ್ಬಂದಿ ಜವಾಬ್ದಾರಿಯನ್ನು ಉದಾಹರಣೆಯಾಗಿ ತೋರಿಸುತ್ತದೆ ಎಂದು ಕಂಪನಿ ಹೇಳಿದೆ. ಸ್ಮಿತ್ ಮೂಲತಃ ಗುಜರಾತ್‌ನವರು. ಅವರ ಧೈರ್ಯವನ್ನು ಗುರುತಿಸಿ, ಗುಜರಾತ್ ಸರ್ಕಾರ ವಿಶಿಷ್ಟ ಗುಜರಾತ್ ಗರಿಮಾ ಪ್ರಶಸ್ತಿ ಯನ್ನು ಘೋಷಿಸಿದೆ. ಸರ್ಕಾರವು ₹25,00,000 ನಗದು ಬಹುಮಾನ ಸಹ ಘೋಷಿಸಿದೆ. ಅಕ್ಟೋಬರ್ 1 ರಂದು ಮುಖ್ಯಮಂತ್ರಿ ಭೂಪೇಂದ್ರ ಪಟೇಲ್ ಇದನ್ನು ಘೋಷಿಸಿದ್ದಾರೆ.

ರಾಜ್ಯಸಭಾ ಸಂಸದರು 25,00,000 ಮಿಲಿಯನ್ ರೂ,ಗಳ ಪ್ರಶಸ್ತಿ ಸಹ ಘೋಷಿಸಿದ್ದಾರೆ. ಇದರ ಜೊತೆಗೆ, ಸನ್ ಫೌಂಡೇಶನ್‌ನ ರಾಜ್ಯಸಭಾ ಸಂಸದ ವಿಕ್ರಮ್‌ಜಿತ್ ಸಿಂಗ್ ಸಾಹ್ನಿ ಅವರು ಸ್ಮಿತ್ ಮಚ್ಚರ್ ಅವರಿಗೆ 25ಲಕ್ಷ ರೂ.,ಗಳ ಹಾಗೂ ಸ್ಮಿತ್ ಮಚ್ಚರ್ ಶೌರ್ಯ ಪ್ರಶಸ್ತಿಯನ್ನು ಘೋಷಿಸಿದ್ದಾರೆ. ಸ್ಮಿತ್‌ಗೆ ರಾಷ್ಟ್ರೀಯ ಮಟ್ಟದ ಶೌರ್ಯ ಪ್ರಶಸ್ತಿಯನ್ನು ನೀಡಬೇಕೆಂದು ಅವರು ಪ್ರಧಾನಿ ನರೇಂದ್ರ ಮೋದಿಯವರನ್ನು ಒತ್ತಾಯಿಸಿದ್ದಾರೆ. ಇಷ್ಟೇ ಅಲ್ಲ, ಭಾರತೀಯ ಪೈಲಟ್‌ಗಳ ಒಕ್ಕೂಟ (ಎಫ್‌ಐಪಿ) ಮತ್ತು ಇತರ ಸಾರ್ವಜನಿಕ ಪ್ರತಿನಿಧಿಗಳು ಪ್ರಧಾನ ಮಂತ್ರಿಯವರನ್ನು ರಾಷ್ಟ್ರೀಯ ಶೌರ್ಯ ಪ್ರಶಸ್ತಿ ಅಥವಾ ಅಶೋಕ ಚಕ್ರ ನೀಡುವಂತೆ ವಿನಂತಿಸಿದ್ದಾರೆ.