ಕೊರೋನಾ ಸಂಕಷ್ಟದ ಸಮಯದಲ್ಲಿ ಸರ್ಕಾರದ ಬೊಕ್ಕಸ ತುಂಬಿಸಿದ ಮದ್ಯಪ್ರಿಯರು | ಸರ್ಕಾರಕ್ಕೆ ಎಷ್ಟು ಆದಾಯ ಒದಗಿಬಂದಿದೆ ಗೊತ್ತೇ?

ಬೆಂಗಳೂರು :ಬಾರ್ ರೆಸ್ಟೋರೆಂಟ್ ಎಷ್ಟು ಬಂದ್ ಮಾಡಿದರೂ ಸರ್ಕಾರದ ಬೊಕ್ಕಸ ತುಂಬಿಸೋದು ಮಾತ್ರ ಮದ್ಯವೇ. ಹೌದು.ಕೊರೊನಾ ಸಂಕಷ್ಟ ಕಾಲದಲ್ಲಿ ದೇಶದಲ್ಲಿ ಆರ್ಥಿಕ ಕುಸಿತ ಸೃಷ್ಟಿಯಾಗಿದ್ದು, ಬಹುತೇಕ ಉದ್ಯಮಗಳು ನೆಲ ಕಚ್ಚಿದ್ದವು. ಹೀಗಾಗಿ ಸರ್ಕಾರದ ಆದಾಯ ಕೂಡ ತೀವ್ರವಾಗಿ ಕುಸಿದಿತ್ತು. ಆದರೆ, ಈ ಸಂದರ್ಭದಲ್ಲಿ ಸರ್ಕಾರದ ಕೈಯನ್ನು ಹಿಡಿದಿದ್ದು ಮಾತ್ರ ಮದ್ಯಪ್ರಿಯರು.

Sponsored

ಕಳೆದ ಮೂರು ವರ್ಷಗಳಲ್ಲಿ ರಾಜ್ಯ ಸರ್ಕಾರಕ್ಕೆ ಅಬಕಾರಿ ಇಲಾಖೆಯಿಂದ 64,859.98 ಕೋಟಿ ರೂಪಾಯಿ ರಾಜಸ್ವ ಸಂಗ್ರಹವಾಗಿದೆ. ಅದರಲ್ಲಿಯೂ ಕೊರೊನಾ ಸಂಕಷ್ಟ ಕಾಲದ ಸಮಯದಲ್ಲಿಯೇ ಎಣ್ಣೆ ಪ್ರಿಯರೂ ಹೆಚ್ಚಾಗಿ ಮದ್ಯ ಖರೀದಿಸಿದ್ದು, ಅಂಕಿ – ಸಂಖ್ಯೆಯಿಂದ ಬಹಿರಂಗವಾಗುತ್ತಿದೆ.ಸರ್ಕಾರ ಹಾಗೂ ಅಬಕಾರಿ ಇಲಾಖೆಯ ಅಂಕಿ ಅಂಶದ ಪ್ರಕಾರ 2020-21ರಲ್ಲಿ 23,332.10 ಕೋಟಿ ರೂಪಾಯಿ, 2019-20ರಲ್ಲಿ 21,589.95 ಕೋಟಿ ರೂಪಾಯಿ ಹಾಗೂ 2018-29ರಲ್ಲಿ 19,943.93 ಕೋಟಿ ರಾಜಸ್ವ ಸಂಗ್ರಹವಾಗಿದೆ.

ಕೊರೊನಾದಿಂದಾಗಿ ಲಾಕ್ ಡೌನ್, ಕರ್ಫ್ಯೂ ಜಾರಿಗೊಳಿಸಲಾಗಿದ್ದ ಸಂದರ್ಭದಲ್ಲಿ ಸರ್ಕಾರದ ಕೈ ಹಿಡಿದು ನಡೆಸಿದ್ದು ಮಾತ್ರ ಮದ್ಯ ಪ್ರಿಯರು.ಸದ್ಯ ಅಬಕಾರಿ ಇಲಾಖೆ ರಾಜಸ್ವ ಸಂಗ್ರಹದಲ್ಲಿ ಎರಡನೇ ಸ್ಥಾನದಲ್ಲಿದ್ದು, ಸರ್ಕಾರಕ್ಕೆ ಹೆಚ್ಚಿನ ಆದಾಯ ನೀಡುತ್ತಿದೆ.