ಇಂದಿನ ದಿನಗಳಲ್ಲಿ ದೂರದೂರಿಗೆ ಅಥವಾ ಪ್ರವಾಸ ಕೈಗೊಳ್ಳುವ ಸಂದರ್ಭ ರೈಲು ಪ್ರಯಾಣವೇ ಉತ್ತಮ ಎಂದು ಅನೇಕರು ರೈಲಿನಲ್ಲಿ ಪ್ರಯಾಣಿಸಲು ಮುಂದಾಗುತ್ತಿದ್ದಾರೆ. ಈ ನೆಲೆಯಲ್ಲಿ ಇಂದು ಅನೇಕ ಡಿಮ್ಯಾಂಡ್ ಇರುವ ರೈಲುಗಳ ಸೀಟುಗಳು ಬೇಗನೆ ಬುಕ್ ಆಗಿಬಿಡುತ್ತವೆ. ಅಥವಾ ಒಮ್ಮೊಮ್ಮೆ ಏನಾದರೂ ಎಮರ್ಜೆನ್ಸಿ ಇದ್ದಾಗ ಸಡನ್ ಆಗಿ ನಾವು ಊರಿಗೆ ಹೊರಡಲು ರೈಲು ಹತ್ತಿ ಬಿಡುತ್ತೇವೆ.
ಈ ವೇಳೆ ರೈಲಿನ ಸೀಟುಗಳು ಭರ್ತಿ ಆಗಿರುವಾಗ ಖಾಲಿ ಸೀಟನ್ನು ಹುಡುಕಲು ಟಿಟಿಇ ಹಿಂದೆ ಅಲಿಯಬೇಕಾಗುತ್ತದೆ. ಆದರೆ ಇನ್ನು ಮುಂದೆ ಆ ಸಂಧರ್ಭ ನಿಮಗೆ ಬರುವುದಿಲ್ಲ. ಯಾಕೆಂದರೆ IRCTC ಆಪ್ ಮುಖಾಂತರ ಕಾಲಿ ಸೀಟು ಯಾವುದಿದೆ ಎಂದು ನೀವೇ ಸುಲಭದಲ್ಲಿ ಪತ್ತೆ ಹಚ್ಚಬಹುದು.
ಹೌದು, ಖಾಲಿ ಸೀಟುಗಳ ಬಗ್ಗೆ ತಿಳಿಯಲು ಐಆರ್ಸಿಟಿಯು ವಿಶೇಷ ಫೀಚರ್ ಅನ್ನು ಹೊಂದಿದೆ. ರೈಲಿನ ಚಾರ್ಟ್ ಸಿದ್ಧವಾದ ನಂತರ, ಲೈವ್ ರಿಸರ್ವೇಶನ್ ಚಾರ್ಟ್ ಆನ್ಲೈನ್ನಲ್ಲಿ ಲಭ್ಯವಾಗುತ್ತದೆ. ಇದು ಕೋಚ್ವಾರು ಖಾಲಿ ಸೀಟುಗಳು ಮತ್ತು ಬರ್ತ್ಗಳನ್ನು ತೋರಿಸುತ್ತದೆ. ಇದರಿಂದ ವೇಟ್ಲಿಸ್ಟ್ ಟಿಕೆಟ್ ಹೊಂದಿರುವ ಪ್ರಯಾಣಿಕರು ಖಾಲಿ ಸೀಟುಗಳ ಲಭ್ಯತೆಯನ್ನು ಪರಿಶೀಲಿಸಿ ಟಿಟಿಇ ಬಳಿ ಸೀಟು ಪಡೆಯಲು ವಿನಂತಿಸಬಹುದು.
ಖಾಲಿ ಸೀಟು ಪಡೆಯುವುದು ಹೇಗೆ?
ಮೊದಲನೆಯದಾಗಿ, ಐಆರ್ಸಿಟಿಸಿಯ ಅಧಿಕೃತ ವೆಬ್ಸೈಟ್ಗೆ ಅಥವಾ ಆಯಪ್ ತೆರೆಯಿರಿ.
ನಂತರ ಹೋಮ್ ಪೇಜಿನಲ್ಲಿರುವ ‘Charts / Vacancy’ ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಆಗ ನಿಮ್ಮ ಪರದೆಯ ಮೇಲೆ ‘ರಿಸರ್ವೇಶನ್ ಚಾರ್ಟ್’ ಪುಟ ತೆರೆಯುತ್ತದೆ.
ಈ ಪುಟದಲ್ಲಿ ರೈಲು ಸಂಖ್ಯೆ ಅಥವಾ ರೈಲಿನ ಹೆಸರು, ಪ್ರಯಾಣದ ದಿನಾಂಕ ಮತ್ತು ಬೋರ್ಡಿಂಗ್ ಸ್ಟೇಷನ್ ನಮೂದಿಸಿ, ನಂತರ ‘Get Train Chart’ ಮೇಲೆ ಕ್ಲಿಕ್ ಮಾಡಿ.
ಈಗ ನಿಮ್ಮ ಕೋಚ್ ಪ್ರಕಾರವನ್ನು ಆಯ್ಕೆ ಮಾಡಿ
ಅಲ್ಲಿ ನಿಮಗೆ ಖಾಲಿ ಇರುವ ಸೀಟುಗಳ ಸಂಪೂರ್ಣ ಪಟ್ಟಿ ಸಿಗುತ್ತದೆ.
ಖಾಲಿ ಬರ್ತ್ ಪತ್ತೆಹಚ್ಚಿದ ನಂತರ, ಆ ಕೋಚ್ ಮತ್ತು ಸೀಟು ಸಂಖ್ಯೆಯನ್ನು ಗಮನಿಸಿ ತಕ್ಷಣ ಟಿಟಿಇಯನ್ನು ಭೇಟಿ ಮಾಡಿ. ಸೀಟು ಇನ್ನೂ ಲಭ್ಯವಿದ್ದರೆ, ರೈಲ್ವೆ ನಿಯಮಗಳ ಪ್ರಕಾರ ಟಿಟಿಇ ಅದನ್ನು ನಿಮಗೆ ಹಂಚಿಕೆ ಮಾಡಬಹುದು. ನೀವು ಅಗತ್ಯವಿರುವ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ, ಅದರ ನಂತರ ನಿಮಗೆ ರಸೀದಿ ನೀಡಲಾಗುತ್ತದೆ ಮತ್ತು ನೀವು ಆ ಸೀಟಿನಲ್ಲಿ ಪ್ರಯಾಣಿಸಬಹುದು.