ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನದ ಬಳಿ ಭಾರೀ ಅವಘಡ

ಉಡುಪಿ: ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನದ ಮುಂಭಾಗದಲ್ಲಿ ವಾಣಿಜ್ಯ ಸಂಕೀರ್ಣದ ಮಹಡಿಗೆ ಅಳವಡಿಸಿದ್ದ ಬೃಹತ್‌ ಗಾತ್ರದ ಅಲಂಕಾರಿಕ ಲೈಟ್‌ಸೆಟ್‌ ಗಾಳಿಯ ರಭಸಕ್ಕೆ ಏಕಾಏಕಿ ಭಕ್ತರ ಮೇಲೆ ಬಿದ್ದ ಪರಿಣಾಮ ವಯೋವೃದ್ಧರೊಬ್ಬರು ಗಂಭೀರವಾಗಿ ಗಾಯಗೊಂಡ ಘಟನೆ ನಡೆದಿದೆ.

Sponsored

ಮಧ್ಯಾಹ್ನ ಭಾರೀ ಬಿಸಿಲು ಇದ್ದ ಕಾರಣ ಹಲವು ಭಕ್ತಾಧಿಗಳು ವಾಣಿಜ್ಯ ಸಂಕೀರ್ಣದ ನೆರಳಿನ ಅಡಿಯಲ್ಲಿ ನಿಂತುಕೊಂಡಿದ್ದರು. ಈ ವೇಳೆ ರಭಸವಾಗಿ ಗಾಳಿ ಬೀಸಿದ್ದು, ಪರಿಣಾಮ ಲೈಟ್‌ ಸೆಟ್‌ ಕಟ್ಟಡದ ಮೇಲಿಂದ ನೆರಳಿನಲ್ಲಿ ನಿಂತಿದ್ದ ಭಕ್ತರ ಮೇಲೆ ಬಿದ್ದಿದೆ. ಮೂವರು ಭಕ್ತರ ಮೇಲೆ ಈ ಭಾರೀ ಗಾತ್ರದ ಲೈಟ್‌ ಸೆಟ್‌ ಬಿದ್ದಿದ್ದು, ವಯೋವೃದ್ಧರ ತಲೆಯ ಮೇಲೆಯೇ ಲೈಟ್‌ ಸೆಟ್‌ ಬಿದ್ದಿರುವುದರಿಂದ ಮೇಲೆಳಲು ಸಾಧ್ಯವಾಗಿಲ್ಲ. ಕೆಲವು ಭಕ್ತರು ಕೂಡಲೇ ಓಡಿ ಪಾರಾಗಿದ್ದಾರೆ.

ಕೂಡಲೇ ಅಲ್ಲಿದ್ದ ಸ್ಥಳೀಯರು ಬಿದ್ದಿದ್ದ ಲೈಟ್‌ ಸೆಟ್‌ನ್ನು ತೆರವು ಮಾಡಿ, ವೃದ್ಧರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿದ್ದಾರೆ.