ಸೋಮವಾರ, 16 ನವೆಂಬರ್ 2026
Trending

Bangalore Stampede: ಕಾಲ್ತುಳಿತ ಪ್ರಕರಣ: ಅವ್ಯವಸ್ಥೆಗೆ ಆರ್‌ಸಿಬಿ ಕಾರಣ ಎಂದು ನ್ಯಾಯಮಂಡಳಿ, ‘ಪೊಲೀಸರು ಜಾದೂಗಾರರಲ್ಲ ಅಥವಾ ದೇವರಲ್ಲ’

Bangalore Stampede: ಜೂನ್ 4 ರಂದು ಬೆಂಗಳೂರಿನಲ್ಲಿ ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ವಿಜಯೋತ್ಸವದ ಸಂದರ್ಭದಲ್ಲಿ 11 ಜೀವಗಳನ್ನು ಬಲಿ ಪಡೆದು, ಹಲವು ಜನರು ಗಾಯಗೊಂಡಿದ್ದ ಕಾಲ್ತುಳಿತ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಕ್ರಿಕೆಟ್ ತಂಡವೇ ಕಾರಣ ಎಂದು ಕೇಂದ್ರ ಆಡಳಿತ ನ್ಯಾಯಮಂಡಳಿ (ಸಿಎಟಿ) ಮಂಗಳವಾರ ಹೇಳಿದೆ.

Advertisement
Advertisement

Bangalore Stampede: ಜೂನ್ 4 ರಂದು ಬೆಂಗಳೂರಿನಲ್ಲಿ ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ವಿಜಯೋತ್ಸವದ ಸಂದರ್ಭದಲ್ಲಿ 11 ಜೀವಗಳನ್ನು ಬಲಿ ಪಡೆದು, ಹಲವು ಜನರು ಗಾಯಗೊಂಡಿದ್ದ ಕಾಲ್ತುಳಿತ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಕ್ರಿಕೆಟ್ ತಂಡವೇ ಕಾರಣ ಎಂದು ಕೇಂದ್ರ ಆಡಳಿತ ನ್ಯಾಯಮಂಡಳಿ (ಸಿಎಟಿ) ಮಂಗಳವಾರ ಹೇಳಿದೆ.

Sponsored

ಪೊಲೀಸರನ್ನು ಸಮರ್ಥಿಸಿಕೊಂಡ ನ್ಯಾಯಮಂಡಳಿ, ಅವರು ಕೂಡ ಮನುಷ್ಯರೇ ಎಂದು ಹೇಳಿತು ಮತ್ತು ಅವರು ‘ದೇವರು’ (ಭಗವಾನ್) ಅಥವಾ ಜಾದೂಗಾರನಲ್ಲ ಮತ್ತು ಬೆರಳನ್ನು ಉಜ್ಜುವ ಮೂಲಕ ಯಾವುದೇ ಆಸೆಯನ್ನು ಪೂರೈಸುವ ‘ಅಲ್ಲಾದ್ದೀನ್ ಕಾ ಚಿರಾಗ್’ ನಂತಹ ಮಾಂತ್ರಿಕ ಶಕ್ತಿಗಳನ್ನು ಹೊಂದಿಲ್ಲ ಎಂದು ಹೇಳಿದೆ.

Advertisement
Advertisement

ಸುಮಾರು ಮೂರರಿಂದ ಐದು ಲಕ್ಷ ಜನರನ್ನು ಒಟ್ಟುಗೂಡಿಸುವ ಜವಾಬ್ದಾರಿ ಆರ್‌ಸಿಬಿ ಮೇಲಿತ್ತು. ಆದರೆ ಪೊಲೀಸರಿಂದ ಸೂಕ್ತ ಅನುಮತಿ ಅಥವಾ ಒಪ್ಪಿಗೆಯನ್ನು ಪಡೆಯಲಿಲ್ಲ ಎಂದು ನ್ಯಾಯಮಂಡಳಿ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. “ಇದ್ದಕ್ಕಿದ್ದಂತೆ, ಅವರು ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಪೋಸ್ಟ್ ಮಾಡಿದರು ಮತ್ತು ಮೇಲೆ ತಿಳಿಸಿದ ಮಾಹಿತಿಯ ಪರಿಣಾಮವಾಗಿ ಸಾರ್ವಜನಿಕರನ್ನು ಒಟ್ಟುಗೂಡಿಸಲಾಯಿತು” ಎಂದು ಸಿಎಟಿ ಹೇಳಿದೆ.

Advertisement

ಈ ಮಧ್ಯೆ, ಕಳೆದ ತಿಂಗಳು ಇಲ್ಲಿ ಸಂಭವಿಸಿದ ಭೀಕರ ಕಾಲ್ತುಳಿತದ ಹಿನ್ನೆಲೆಯಲ್ಲಿ ಕ್ರಮ ಜರುಗಿಸಲಾದ ಹಿರಿಯ ಐಪಿಎಸ್ ಅಧಿಕಾರಿ ವಿಕಾಶ್ ಕುಮಾರ್ ವಿರುದ್ಧ ಕರ್ನಾಟಕ ಸರ್ಕಾರ ಹೊರಡಿಸಿದ್ದ ಅಮಾನತು ಆದೇಶವನ್ನು ನ್ಯಾಯಮಂಡಳಿ ರದ್ದುಗೊಳಿಸಿದೆ. ಸರ್ಕಾರದ ಜೂನ್ 5 ರ ಅಮಾನತು ಆದೇಶವನ್ನು ನ್ಯಾಯಮಂಡಳಿಯ ಮುಂದೆ ವಿಕಾಶ್ ಪ್ರಶ್ನಿಸಿದ್ದರು, ಅದರಲ್ಲಿ ಆಗಿನ ಬೆಂಗಳೂರು ಪೊಲೀಸ್ ಆಯುಕ್ತ ಬಿ ದಯಾನಂದ ಮತ್ತು ಡಿಸಿಪಿ ಶೇಖರ್ ಎಚ್ ತೆಕ್ಕಣ್ಣವರ್ ಅವರ ಹೆಸರುಗಳೂ ಸೇರಿವೆ.

ನ್ಯಾಯಮೂರ್ತಿ ಬಿ ಕೆ ಶ್ರೀವಾಸ್ತವ ಮತ್ತು ಆಡಳಿತ ಸದಸ್ಯ ಸಂತೋಷ್ ಮೆಹ್ರಾ ಅವರನ್ನೊಳಗೊಂಡ ನ್ಯಾಯಮಂಡಳಿಯ ಬೆಂಗಳೂರು ಪೀಠವು ಜೂನ್ 24 ರಂದು ತನ್ನ ತೀರ್ಪನ್ನು ಕಾಯ್ದಿರಿಸಿತ್ತು. ಮಂಗಳವಾರ, ಅದು ವಿಕಾಶ್ ಅವರ ಅಮಾನತನ್ನು ರದ್ದುಗೊಳಿಸಿತು.

“ನ್ಯಾಯಮಂಡಳಿಯು ಅರ್ಜಿಯನ್ನು ಅಂಗೀಕರಿಸಿದೆ ಮತ್ತು ಅಮಾನತು ರದ್ದುಗೊಳಿಸಿದೆ, ಸೇವಾ ನಿಯಮಗಳ ಪ್ರಕಾರ ಅವರು ಎಲ್ಲಾ ಪ್ರಯೋಜನಗಳಿಗೆ ಅರ್ಹರು ಎಂದು ದೃಢಪಡಿಸಿದೆ” ಎಂದು ವಿಕಾಸ್‌ ಅವರ  ಹಿರಿಯ ವಕೀಲ ಧ್ಯಾನ್ ಚಿನ್ನಪ್ಪ ಹೇಳಿದರು.

 

Advertisement
Advertisement