Tamilnadu: ಹಾವನ್ನು ಹೋಲುವ 30ಅಡಿ ಉದ್ದದ ವಿಚಿತ್ರ ಮೀನು: ಇದೊಂದು ಭೂಕಂಪ ಮುನ್ಸೂಚನೆ ಖಂಡಿತಾ!

Tamilnadu: ಬೆಳ್ಳಗೆ ಮಿನುಗುವ 30ಅಡಿ ಉದ್ದವಿರುವ ಮೀನು ತಮಿಳುನಾಡಿನಲ್ಲಿ ಮೀನುಗಾರರ ಬಲೆಗೆ ಸಿಲುಕಿ ದಡಕ್ಕೆ ಬಂದಿದೆ.

Sponsored

ಇಂಗ್ಲೀಷ್‌ನಲ್ಲಿ carfish ಎಂದು ಕರೆಯಲ್ಪಡುವ ಈ ಮೀನನ್ನು ಜಪಾನ್‌ನಲ್ಲಿ ಪ್ರಳಯ ಮೀನು ಎಂದು ಕರೆಯುತ್ತಾರಂತೆ. ಸಮುದ್ರ ಮೇಲ್ಮಯಲ್ಲಿ ಈ ಮೀನು ಕಾಣಿಸಿಕೊಳ್ಳುವುದು ಅತ್ಯಂತ ವಿರಳ. ಕಾಣಿಸಿದೆ ಎಂದರೆ ಜಗತ್ತಿಗೆ ಏನೋ ಗಂಡಾಂತರ ಕಾಡಿದೆ ಅನ್ನೋ ಮುನ್ಸೂಚನೆಯಂತೆ. ಇದೇ ಕಾರಣಕ್ಕೆ ಈ ಮೀನನ್ನು ಡೂಮ್ಸ್ ಡೇ (ಪ್ರಳಯ ದಿನ) ಮೀನು ಎಂದು ಕರೆಯುತ್ತಾರೆ.

ಜಪಾನ್, ಫಿಲಿಪೈನ್ಸ್ ಜನರ ನಂಬಿಕೆಯ ಪ್ರಕಾರ, ದೇವರೇ ಮೀನಿನ ರೂಪದಲ್ಲಿ ಬಂದು ನಮಗೆ ಎಚ್ಚರಿಕೆ ನೀಡುತ್ತಾನೆ ಎಂದು ನಂಬಿದ್ದಾರೆ. ಹೊಳೆಯುವ ಮೀನಿನಂತೆ ಕಂಡರೂ ಉದ್ದಕ್ಕೆ ಇದ್ದಂತೆ ಕಾಣಿಸುತ್ತದೆ. ಜಪಾನ್‌ ದೇಶದ ಜನಪದ ಕತೆಗಳಲ್ಲಿ ‘Ryugu No Sukai’ (ಸಮುದ್ರ ದೇವನ ದೂತ) ಎಂದು ಕರೆಯುತ್ತಾರೆ. ಮೇ 30 ರಂದು ಈ ಮೀನು ದೊರಕಿದ್ದು, ಇದರ ಫೋಟೊ ವೀಡಿಯೋ ಜಾಲತಾಣಗಳಲ್ಲಿ ಹರಿದಾಡಿವೆ. ಜಪಾನ್ ನಂಬಿಕೆಯಂತೆ, 2011ರಲ್ಲಿ ನಡೆದ ತೊಹೊಕು ಭೂಕಂಪಕ್ಕೂ ಮುನ್ನ 20 ಈ ರೀತಿಯ ಮೀನುಗಳು ಕಾಣಸಿಕ್ಕಿದೆಯಂತೆ.

ಫಿಲಿಪೈನ್ಸ್ ನಲ್ಲಿ 2017 ರಲ್ಲಿ 6.6 ತೀವ್ರತೆಯ ಭೂಕಂಪ ಸಂಭವಿಸಿದಾಗಲೂ ಈ ಮೀನುಗಳು ಬಂದಿವೆ. ಮೆಕ್ಸಿಕೋದಲ್ಲಿಯೂ ಭೂಕಂಪ, ಸುನಾಮಿ ಸಂಭವಿಸಿದಾಗ ಈ ಮೀನು ಕಾಣಸಿಕ್ಕಿದೆ. ಇದು ಪ್ರಕೃತಿ ವಿಕೋಪದ ಮುನ್ಸೂಚನೆ ಎನ್ನುವ ನಂಬಿಕೆಯನ್ನು ಗಟ್ಟಿಗೊಳಿಸಿದೆ. ಆದರೆ 2019ರಲ್ಲಿ ಅಮೆರಿಕದ ಭೂಕಂಪ ತಜ್ಞರು ಈ ಬಗ್ಗೆ ಹಿಂದಿನ ಎಲ್ಲಾ ಪ್ರಾಕೃತಿಕ ವಿಕೋಪಗಳನ್ನು ಅಧ್ಯಯನ ಮಾಡಿದ ವರದಿಯಲ್ಲಿ ಓ‌ರ್ ಫಿಶ್ ಅನಾಹುತ ಮುನ್ಸೂಚಕ ಮೀನು ಎಂಬ ವಾದವನ್ನು ನಿರಾಕರಿಸಿದ್ದಾರೆ.

ಈ ಮೀನು ಸಾಮಾನ್ಯವಾಗಿ ಸಮುದ್ರದ ಆಳದಲ್ಲಿ ಅಂದರೆ, ಸುಮಾರು 700 ರಿಂದ 3,280 ಅಡಿಯಲ್ಲಿ ಜೀವಿಸುತ್ತವೆ. ಆದ್ದರಿಂದ, ಮೇಲ್ಕೆಯಲ್ಲಿ ಈ ಜೀವಿ ಕಾಣಿಸಿಕೊಳ್ಳುವುದು ಬಹಳ ಅಪರೂಪ. ಮೀನುಗಳ ಆರೋಗ್ಯ ಸ್ಥಿತಿ ಹದಗೆಟ್ಟಾಗ ಅಥವಾ ಏನಾದರೂ ಸಮಸ್ಯೆಯಾದಾಗ ಮಾತ್ರ ಹೊರಗೆ ಬರುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಇದೇ ವೇಳೆ ಸಮುದ್ರದ ಅಡಿಯಲ್ಲಿ ಆಗುವ ಬದಲಾವಣೆ, ಅದರಿಂದ ಉಂಟಾಗುವ ಒತ್ತಡಗಳಿಂದ ಈ ಮೀನುಗಳು ಮೇಲೆ ಬರುತ್ತವೆ ಎನ್ನಲಾಗಿದೆ.