Gass Tracking : ಬುಕ್ ಮಾಡಿದ ಗ್ಯಾಸ್ ಎಲ್ಲಿದೆ ತಿಳಿಯಬೇಕೆ? ಹೀಗೆ ಟ್ರ್ಯಾಕ್ ಮಾಡಿ

Gass Tracking : ಕೊಲ್ಲಿ ರಾಷ್ಟ್ರಗಳಲ್ಲಿ ಉಂಟಾಗಿರುವ ಯುದ್ಧದ ಆತಂಕದ ಕಾರಣದಿಂದಾಗಿ ಭಾರತದಲ್ಲಿ ಅಡುಗೆ ಅನಿಲದ ಅಭಾವ ಎದುರಾಗಿದೆ. ಹಲವಡೆ ಎಲ್ಪಿಜಿ ಸಿಲಿಂಡರ್ ಸಪ್ಲೈ ಇಲ್ಲದಂತಾಗಿ ಗ್ರಾಹಕರು ಪರದಾಡುವಂತಹ ಸ್ಥಿತಿ ತಲುಪಿದೆ. ಈ ನಡುವೆ ಭಾರತಕ್ಕೆ ಒಂದರ ಹಿಂದೆ ಒಂದು ಎಲ್ಪಿಜಿ ಟ್ಯಾಂಕರ್ ಗಳು ಆಗಮಿಸುತ್ತಿದ್ದು ಎಲ್ಪಿಜಿ ಸಮಸ್ಯೆ ಕೊಂಚ ನೀಗುತ್ತಿದೆ. ಈ ಹಿನ್ನಲೆಯಲ್ಲಿ ಈಗ ಗ್ರಾಹಕರು ತಮ್ಮ ಅಡುಗೆ ಅನಿಲದ ಬುಕಿಂಗ್ ಸ್ಥಿತಿ ಮತ್ತು ವಿತರಣೆಯ ಸಮಯವನ್ನು (Real-time tracking) ಮೊಬೈಲ್ ಮೂಲಕವೇ ಸುಲಭವಾಗಿ ತಿಳಿದುಕೊಳ್ಳಬಹುದು.

Sponsored

ಹೌದು, ಇಂಡೇನ್, ಭಾರತ್ ಗ್ಯಾಸ್ ಮತ್ತು ಹೆಚ್ಪಿ ಗ್ಯಾಸ್ ಬಳಕೆದಾರರು ಗ್ಯಾಸ್ ಏಜೆನ್ಸಿಗೆ ಪದೇ ಪದೇ ಅಲೆಯುವ ಅಗತ್ಯವಿಲ್ಲ. ಯಾಕೆಂದರೆ ಇನ್ನು ಮುಂದೆ ಗ್ರಾಹಕರು ತಮ್ಮ ಗ್ಯಾಸ್ ಎಲ್ಲಿದೆ ಎಂದು ಆನ್ಲೈನ್ ಮುಖಾಂತರ ಟ್ರ್ಯಾಕ್ ಮಾಡಬಹುದು. 

ಭಾರತ್ ಗ್ಯಾಸ್ ಟ್ರ್ಯಾಕ್ ಮಾಡುವುದು:

ಮೊಬೈಲ್ ಆಪ್: ‘Bharat Gas’ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ, ಲಾಗಿನ್ ಆದ ನಂತರ ‘Booking History’ ವಿಭಾಗದಲ್ಲಿ ನಿಮ್ಮ ಸಿಲಿಂಡರ್ ಎಲ್ಲಿದೆ ಎಂಬ ವಿವರ ನೋಡಬಹುದು.

SMS ಮೂಲಕ: ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ 7715012345 ಸಂಖ್ಯೆಗೆ ‘LPG’ ಎಂದು ಟೈಪ್ ಮಾಡಿ ಸಂದೇಶ ಕಳುಹಿಸಿದರೆ ತಕ್ಷಣವೇ ಅಪ್ಡೇಟ್ ಸಿಗಲಿದೆ.

ವೆಬ್ಸೈಟ್: ಭಾರತ್ ಗ್ಯಾಸ್ ಪೋರ್ಟಲ್ನಲ್ಲಿ ‘Track your digital booking’ ಆಯ್ಕೆಯನ್ನು ಬಳಸಬಹುದು.

ಹೆಚ್ಪಿ ಗ್ಯಾಸ್ ಟ್ರ್ಯಾಕ್ ಮಾಡುವುದು:

ಹೆಚ್ಪಿ ಗ್ಯಾಸ್ ಬಳಕೆದಾರರು ಸಹ ತಮ್ಮ ಅಧಿಕೃತ ವೆಬ್ಸೈಟ್ ಅಥವಾ ‘HP Pay’ ಆಪ್ ಮೂಲಕ ಸಿಲಿಂಡರ್ ಬುಕಿಂಗ್ ಸ್ಥಿತಿಯನ್ನು ಪರಿಶೀಲಿಸಬಹುದು.

ಇಂಡೇನ್ ಗ್ಯಾಸ್ ಟ್ರ್ಯಾಕ್ ಮಾಡುವುದು:

SMS ಮೂಲಕ: ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ 7718955555 ಸಂಖ್ಯೆಗೆ ‘REFILL’ ಎಂದು ಸಂದೇಶ ಕಳುಹಿಸುವ ಮೂಲಕ ನಿಮ್ಮ ಬುಕಿಂಗ್ ಮತ್ತು ವಿತರಣೆಯ ಅಂದಾಜು ಸಮಯವನ್ನು ತಿಳಿಯಬಹುದು.

ವೆಬ್ಸೈಟ್ ಮೂಲಕ: ಇಂಡೇನ್ನ ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ, ನಿಮ್ಮ ಗ್ರಾಹಕ ಸಂಖ್ಯೆ ಅಥವಾ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ ‘Track Order’ ಆಯ್ಕೆಯ ಮೂಲಕ ವಿವರ ಪಡೆಯಬಹುದು.