ಮಂಗಳವಾರ, 17 ನವೆಂಬರ್ 2026
Trending

ಕೇರಳ: ಹಕ್ಕಿಜ್ವರ ದೃಢ: 26 ಸಾವಿರ ಪಕ್ಷಿಗಳ ಹ*ತ್ಯೆ

Chicken Price Hike
Advertisement
Advertisement

ಆಲಪ್ಪುಳ (ಕೇರಳ): ಕೇರಳದ ಆಲಪ್ಪುಳ ಜಿಲ್ಲೆಯ ಎರಡು ಕೋಳಿ ಸಾಕಾಣಿಕೆ ಕೇಂದ್ರಗಳಲ್ಲಿ ಹಕ್ಕಿಜ್ವರ ಕಾಣಿಸಿಕೊಂಡಿದ್ದು, ಸೋಂಕು ಹರಡದಂತೆ ತಡೆಯಲು ಮುಂಜಾಗ್ರತಾ ಕ್ರಮವಾಗಿ ಬುಧವಾರದಿಂದ ಸುಮಾರು ಇಪ್ಪತ್ತಾರು ಸಾವಿರ ಪಕ್ಷಿಗಳನ್ನು ಕೊಲ್ಲಲು ಸ್ಥಳೀಯ ಆಡಳಿತ ನಿರ್ಧಾರ ಮಾಡಿದೆ.

Sponsored

ಅಂಬಲಪ್ಪುಳ ಉತ್ತರ, ಅಂಬಲಪ್ಪುಳ ದಕ್ಷಿಣ, ಚೆನ್ನಿತ್ತಲ ಪಂಚಾಯಿತಿ ವ್ಯಾಪ್ತಿಯಲ್ಲಿರುವ ಕೋಳಿ, ಕೌಜುಗ ಮತ್ತು ಬಾತುಕೋಳಿಗಳಲ್ಲಿ ಈ ಸೋಂಕು ಪತ್ತೆಯಾಗಿದೆ. ಈ ಫಾರಂಗಳಿಂದ ಸಂಗ್ರಹ ಮಾಡಿದ ಮಾದರಿಗಳನ್ನು ಭೋಪಾಲ್‌ನ ಕೇಂದ್ರೀಯ ಪ್ರಯೋಗಾಲಯಕ್ಕೆ ಪರೀಕ್ಷೆಗೆ ಕಳುಹಿಸಲಾಗಿದ್ದು, ವರದಿಯಲ್ಲಿ ಹಕ್ಕಿಜ್ವರ ಇರುವುದು ದೃಢಪಟ್ಟಿದೆ.

Advertisement
Advertisement

ಸೋಂಕು ಪತ್ತೆಯಾದ ಫಾರಂಗಳ ಒಂದು ಕಿ ಮೀ ವ್ಯಾಪ್ತಿಯಲ್ಲಿರುವ ಎಲ್ಲಾ ಪಕ್ಷಿಗಳನ್ನು ಕೊಲ್ಲಲಾಗುವುದು ಎಂದು ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ.

Advertisement

ಈ ಕಾರ್ಯಾಚರಣೆಗೆ ಪಶುಸಂಗೋಪನೆ, ಆರೋಗ್ಯ ಇಲಾಖೆಗಳ ಆರು ಕ್ಷಿಪ್ರ ಪ್ರತಿಕ್ರಿಯಾ ತಂಡಗಳನ್ನು ರಚನೆ ಮಾಡಲಾಗಿದೆ. ಪ್ರತಿ ತಂಡದಲ್ಲಿ ಒಂದು ವೈದ್ಯರು, ಎರಡು ಜಾನುವಾರು ನಿರೀಕ್ಷಕರು, ಎರಡು ಸಹಾಯಕರು ಮತ್ತು ನಾಲ್ಕು ಕಾರ್ಮಿಕರು ಇರಲಿದ್ದಾರೆ. ಅಲ್ಲದೆ ಸೋಂಕು ಕಾಣಿಸಿಕೊಂಡ ಫಾರಂಗಳ ಸುತ್ತಲಿನ ಹತ್ತು ಕಿ. ಮೀ ಪ್ರದೇಶದಲ್ಲಿ ನಿಗಾ ಇರಿಸಲಾಗಿದೆ.

Advertisement
Advertisement