ದೀಪಾವಳಿಗೆ ಭರ್ಜರಿ ಗಿಫ್ಟ್‌ ನೀಡಿದ ಸಿಎಂ: ಅಕ್ರಮ-ಸಕ್ರಮ ಕುರಿತಂತೆ ಮಹತ್ವದ ಮಾಹಿತಿ

ಮಾನ್ಯ ಉಪ ಮುಖ್ಯಮಂತ್ರಿಗಳಾದ ಡಿ.ಕೆ. ಶಿವಕುಮಾರ್ ಅವರು ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಸಾರ್ವಜನಿಕರಿಗೆ ಒಂದು ದೊಡ್ಡ ಸಿಹಿಸುದ್ದಿಯನ್ನು ನೀಡಿದ್ದಾರೆ. ಅನಧಿಕೃತ ಆಸ್ತಿಗಳು ಹಾಗೂ ಮನೆಗಳ ಸಕ್ರಮಕ್ಕೆ (Akrama-Sakrama) ಸಂಬಂಧಿಸಿದಂತೆ ಅವರು ಮಹತ್ವದ ಘೋಷಣೆ ಮಾಡಿದ್ದಾರೆ.

Sponsored

​ಮನೆ ಸಕ್ರಮಕ್ಕೆ ಅವಕಾಶ: ಅನಧಿಕೃತವಾಗಿ ನಿರ್ಮಿಸಿಕೊಂಡಿರುವ ಮನೆಗಳು ಹಾಗೂ ಆಸ್ತಿಗಳನ್ನು ಕಾನೂನುಬದ್ಧಗೊಳಿಸಿಕೊಳ್ಳಲು (ಸಕ್ರಮ) ಸರ್ಕಾರದಿಂದ ವಿಶೇಷ ಅವಕಾಶ ಕಲ್ಪಿಸಲಾಗಿದೆ.
​ಶುಲ್ಕದಲ್ಲಿ ಭರ್ಜರಿ ಕಡಿತ: ಸಕ್ರಮಗೊಳಿಸುವ ಪ್ರಕ್ರಿಯೆಯಲ್ಲಿ ವಿಧಿಸಲಾಗುವ ದಂಡ ಅಥವಾ ಶುಲ್ಕವನ್ನು ನೇರವಾಗಿ ಶೇ. 50ರಷ್ಟು ಕಡಿತ ಮಾಡಲಾಗಿದೆ. ಇದರಿಂದ ಬಡ ಹಾಗೂ ಮಧ್ಯಮ ವರ್ಗದ ಜನರಿಗೆ ಆರ್ಥಿಕವಾಗಿ ದೊಡ್ಡ ಉಪಶಮನ ಸಿಗಲಿದೆ.

2008ಕ್ಕೂ ಮೊದಲು ಸ್ವಾಧೀನಪಡಿಸಿಕೊಂಡ ಜಾಗದಲ್ಲಿ ನಿರ್ಮಿಸಿರುವ ಮನೆಗಳನ್ನು ಸಕ್ರಮ ಮಾಡಲು ಅವಕಾಶ ನೀಡಲಾಗಿದೆ. ಶುಲ್ಕವನ್ನು ಅರ್ಧಕ್ಕೆ ಇಳಿಸಲಾಗಿದೆ. ಈ ಕುರಿತು ಸಿಎಂ ಭರ್ಜರಿ ಆಫರನ್ನು ನೀಡಿದ್ದಾರೆ.

ಮನೆಯ ಅಳತೆಗೆ ತಕ್ಕಂತೆ ವಿಧಿಸಲಾಗಿರುವ ಶುಲ್ಕದ 50% ಪಾವತಿ ಮಾಡಿದರೆ ಸಕ್ರಮ ಮಾಡಲಾಗುತ್ತದೆ ಎಂದಿದ್ದಾರೆ. ಖಾತ, ಸಾಲ ಸೌಲಭ್ಯ, ಮಾರಾಟ ಮಾಡಲು ಉದ್ದೇಶಿಸಿರುವವರಿಗೆ ಅನುಕೂಲವಾಗಲಿದೆ. ಬಿಡಿಎ ಇದೀಗ ನಿಗದಿತ ಶುಲ್ಕವನ್ನು ಶೇ 50 ರಷ್ಟು ಇಳಿಕೆ ಮಾಡಿದೆ. ನಗರದಲ್ಲಿನ 1.11 ಲಕ್ಷ ಬಿಡಿಎ ಅನುಮೋದಿತ ಸೈಟ್‌ಗಳಿವೆ. ಈ ಮಾಲೀಕರಿಗೆ ಹೊಸ ನೀತಿ ಪ್ರಯೋಜನವಾಗಲಿದೆ.

ಸೂಕ್ತ ದಾಖಲೆ ಇಲ್ಲದೆ ಪರದಾಡುತ್ತಿದ್ದ ಬಿಡಿಎ ಸೈಟ್‌ ಮಾಲೀಕರಿಗೆ ಇದು ನೆರವಾಗಿದೆ.
65 ಬಿಡಿಎ ಲೇಔಟ್‌ಗಳಿಗೆ ಆಫರ್‌ ಅನ್ವಯ
ಸದ್ಯ ಘೋಷಿಸಿರುವ ಸಕ್ರಮ ಹಾಗೂ ಶುಲ್ಕ 50ರ ಇಳಿಕೆ ಆಫರ್ ಬಿಡಿಎಯ 65 ಲೇಔಟ್‌ಗಳಿಗೆ ಮಾತ್ರ ಅನ್ವಯವಾಗಲಿದೆ. ಕೆಂಪೇಗೌಡ ಲೇಔಟ್, ಅರ್ಕಾವತಿ ಬಡಾವಣೆ, ಶಿವರಾಮ ಕಾರಂತ ಬಡಾವಣೆಗೆ ಈ ಯೋಜನೆ ಅನ್ವಯ ಆಗಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ. ಇಷ್ಟೇ ಅಲ್ಲ ಬಿಡಿಎ ಅನುಮೋದನೆ ಬಳಿಕ ಸೈಟ್ ಪಡೆದು ಖಾಲಿ ಬಿಟ್ಟಿದ್ದರೆ ಅನ್ವಯ ಆಗಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ನಿವೇಶನದ ಅಳತೆ ಪರಿಷ್ಕೃತ ಶುಲ್ಕ ವಿವರ
20×30 ಸೈಟ್ : ಹಿಂದಿನ ಶುಲ್ಕ 10% , ಹೊಸ ಶುಲ್ಕ 5%
20×30 to 30×40 ಸೈಟ್: ಹಿಂದಿನ ಶುಲ್ಕ 25%, ಹೊಸ ಶುಲ್ಕ : 12.5%
30×40 to 40×60 ಸೈಟ್: ಹಿಂದಿನ ಶುಲ್ಕ40% ,ಹೊಸ ಶುಲ್ಕ 20%
40×60 to 50×80 ಸೈಟ್: ಹಿಂದಿನ ಶುಲ್ಕ 50% ,ಹೊಸ ಶುಲ್ಕ 25%