ಬೆಳ್ತಂಗಡಿ: ಪಟಾಕಿ ದುರಂತ, ಯುವಕನ ಕಾಲಿಗೆ ಗಂಭೀರ ಗಾಯ

ಬೆಳ್ತಂಗಡಿ: ಪಟಾಕಿ ಬಿಡುವ ಸಮಯದಲ್ಲಿ ಯುವಕನೊಬ್ಬನ ಕಾಲಿಗೆ ಗಂಭೀರ ಗಾಯವಾಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಘಟನೆ ನಡೆದಿದೆ.

Sponsored

ಬೆಳ್ತಂಗಡಿ ತಾಲೂಕಿನ ಕೊಯ್ಯೂರು ಗ್ರಾಮದ ಮಲೆಬೆಟ್ಟು ಬಳಿಯ ಪೊರ್ನ್ಕಂಡ ನಿವಾಸಿ ಕೃಷ್ಣಪ್ಪ ಗೌಡ ಮಗ ಲಿಕೇಶ್‌ ಗೌಡ (20) ಎನ್ನುವಾತ ನ.9 ರಂದು ಸಂಜೆ ವೇಳೆ ಮನೆಯ ಅಂಗಳದಲ್ಲಿ ಪಟಾಕಿ ಬಿಡುವಾಗ ಬಲಗಾಲನ್ನು ಪಟಾಕಿ ಮೇಲೆ ಇಟ್ಟಿದ್ದು, ಬಲಕಾಲು ಸ್ಫೋಟಗೊಂಡು ಭಾಗಶಃ ಬಲಕಾಲು ಗಂಭೀರವಾಗಿ ಗಾಯವಾಗಿದೆ.

ಕೂಡಲೇ ಮನೆ ಮಂದಿ ಹಾಗೂ ಸ್ನೇಹಿತರು ಸೇರಿ ಉಜಿರೆ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಿದ್ದು, ಗಂಭೀರ ಗಾಯವಾಗಿರುವ ಕಾರಣ ಹೆಚ್ಚಿನ ಚಿಕಿತ್ಸೆಗೆಂದು ಮಂಗಳೂರಿನ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಚಿಕಿತ್ಸೆ ನೀಡಲಾಗುತ್ತಿರುವ ಕುರಿತು ವರದಿಯಾಗಿದೆ.