Viral Video : ‘ಅಪ್ಪನ ಸಕ್ಕರೆ ಚಟ ಬಿಡಿಸಿ’ ಎಂದು ವಿಡಿಯೋ ಮಾಡಿ ಮೋದಿ ಬಳಿ ಯುವಕನ ಮನವಿ – ಪ್ರಧಾನಿಯಿಂದ ಬಂತು ಅಚ್ಚರಿಯ ಪ್ರತಿಕ್ರಿಯೆ

Viral Video : ದೆಹಲಿ ಮೂಲದ ಜನಪ್ರಿಯ ಕಂಟೆಂಟ್ ಕ್ರಿಯೇಟರ್ ಹಾಗೂ ಇನ್‌ಫ್ಲುಯೆನ್ಸರ್ ಯುವರಾಜ್ ದುವಾ (Yuvraj Dua) ಅವರ ಇತ್ತೀಚಿನ ವಿಡಿಯೋದಲ್ಲಿ ತಮ್ಮ ತಂದೆಯ ಸಿಹಿ ತಿನ್ನುವ ಚಟವನ್ನು ಬಿಡಿಸಲು ಅವರು ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರ ಸಹಾಯ ಕೋರಿದ್ದರು. ಅಚ್ಚರಿ ಎಂದರೆ, ಸ್ವತಃ ಪ್ರಧಾನಿಯೇ ಈ ವಿಡಿಯೋಗೆ ಸ್ಪಂದಿಸಿದ್ದಾರೆ ಎಂಬುದು.

Sponsored

ಯಸ್, ಇನ್‌ಸ್ಟಾಗ್ರಾಮ್‌ನಲ್ಲಿ 1 ಮಿಲಿಯನ್‌ಗೂ ಹೆಚ್ಚು ಫಾಲೋವರ್ಸ್‌ಗಳನ್ನು ಹೊಂದಿರುವ ಯುವರಾಜ್ ದುವಾ, ಈ ವಾರದ ಆರಂಭದಲ್ಲಿ ‘ಮೋದಿ-ಪಗ್ಲು ಪಾಪಾ’ (Modi-Paglu Papa) ಎಂಬ ಶೀರ್ಷಿಕೆಯಡಿ ರೀಲ್ಸ್ ಒಂದನ್ನು ಹಂಚಿಕೊಂಡಿದ್ದರು. ಅದಕ್ಕೆ ‘ಪಾಪಾ ಕಿ ಶುಗರ್ ಕಮ್ ಕರ್ವಾ ದೋ’ (ದಯವಿಟ್ಟು ನನ್ನ ತಂದೆಯ ಸಕ್ಕರೆ ಸೇವನೆಯನ್ನು ಕಡಿಮೆ ಮಾಡಿಸಿ) ಎಂಬ ಕ್ಯಾಪ್ಶನ್ ನೀಡಿದ್ದರು. ಅಲ್ಲದೆ ಕುಟುಂಬದವರು ಎಷ್ಟೇ ಬುದ್ಧಿವಾದ ಹೇಳಿದರೂ ತಮ್ಮ ತಂದೆ ಜಿಲೇಬಿ ಮತ್ತು ಸಿಹಿ ತಿಂಡಿಗಳನ್ನು ತಿನ್ನುವುದನ್ನು ನಿಲ್ಲಿಸುತ್ತಿಲ್ಲ. ಹೀಗಾಗಿ, ಪ್ರಧಾನಿ ಮೋದಿಯವರು ತಮ್ಮ ಮುಂದಿನ ‘ಮನ್ ಕಿ ಬಾತ್’ (Mann ki Baat) ಕಾರ್ಯಕ್ರಮದಲ್ಲಿ ‘ಉತ್ತಮ ಆರೋಗ್ಯಕ್ಕಾಗಿ ಸಕ್ಕರೆ ಸೇವನೆಯನ್ನು ಕಡಿಮೆ ಮಾಡುವುದು ಅಗತ್ಯ’ ಎಂದು ಹೇಳಬೇಕು. ಮೋದಿಯವರ ಮಾತುಗಳು ತಮ್ಮ ತಂದೆಗೆ ಕಟ್ಟುನಿಟ್ಟಿನ ‘ಸೂಚನೆ’ಗಳಿದ್ದಂತೆ, ಅವರು ಹೇಳಿದರೆ ಮಾತ್ರ ನಮ್ಮಪ್ಪ ಸಿಹಿ ತಿನ್ನುವುದನ್ನು ಬಿಡುತ್ತಾರೆ ಎಂದು ಯುವರಾಜ್ ವಿಡಿಯೋದಲ್ಲಿ ಮನವಿ ಮಾಡಿಕೊಂಡಿದ್ದರು. ಈ ವಿಡಿಯೋ ಅಪ್‌ಲೋಡ್ ಆದ ಕೆಲವೇ ಗಂಟೆಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿ ಮಿಲಿಯನ್‌ಗಟ್ಟಲೆ ವೀಕ್ಷಣೆ ಪಡೆದುಕೊಂಡಿತು

ಈ ವಿಡಿಯೋ ಪ್ರಧಾನಿಯವರ ಗಮನ ಸೆಳೆದಿದ್ದು, ಅವರು ಅದಕ್ಕೆ ಕಮೆಂಟ್ ಮಾಡಿದ್ದಾರೆ. “ನಿಮ್ಮ ತಂದೆಯವರ ಈ ಪ್ರೀತಿಯನ್ನು ಕಂಡು ನನಗೆ ತುಂಬಾ ಸಂತೋಷವಾಯಿತು. ನಾನು ಅವರಲ್ಲಿ ಒಂದು ವಿನಂತಿ (I urge his father) ಮಾಡುತ್ತೇನೆ. ಅವರು ತಮ್ಮ ಮಗನ ಜೊತೆಗೂ ಅಷ್ಟೇ ಸಮಯ ಕಳೆಯಲಿ ಮತ್ತು ಇಬ್ಬರೂ ಸೇರಿ ದೇಶದ ಪ್ರಗತಿಯ ಬಗ್ಗೆ ಚರ್ಚಿಸಲಿ,” ಎಂದು ಬರೆದಿದ್ದಾರೆ. ಪ್ರಧಾನಿಯವರ ಈ ಸರಳ ಮತ್ತು ಆತ್ಮೀಯ ಪ್ರತಿಕ್ರಿಯೆಯನ್ನು ಕಂಡು ನೆಟ್ಟಿಗರು ಫಿದಾ ಆಗಿದ್ದಾರೆ. ಕೇವಲ ರಾಜಕೀಯವಲ್ಲದೆ, ಸಾಮಾನ್ಯ ಜನರ ಭಾವನೆಗಳಿಗೂ ಮೋದಿ ಅವರು ಸ್ಪಂದಿಸುತ್ತಾರೆ ಎಂದು ಅನೇಕರು ಶ್ಲಾಘಿಸಿದ್ದಾರೆ.