ಸಮುದ್ರ ಪಾಲಾಗಿ ನಾಪತ್ತೆಯಾಗಿದ್ದ ವಿದ್ಯಾರ್ಥಿಯ ಮೃತದೇಹ ಪತ್ತೆ

ಉಳ್ಳಾಲ: ಸೋಮೇಶ್ವರದ ಪೆರಿಬೈಲ್‌ ಬೀಚ್‌ನಲ್ಲಿ ಸಮುದ್ರದಲ್ಲಿ ಈಜಲು ಹೋಗಿದ್ದ ಉಜಿರೆ ಎಸ್‌ಡಿಎಂ ಕಾಲೇಜಿನ ವಿದ್ಯಾರ್ಥಿ ಶೋಭಿತ್‌ ಎಂ ಗೌಡ (18) ಮೃತದೇಹ ಪತ್ತೆಯಾಗಿದೆ.

Sponsored

ಕುತ್ತಾರಿನ ಕೊರಗಜ್ಜನ ಸನ್ನಿಧಾನಕ್ಕೆ ಬಂದು ನಂತರ ಸೋಮೇಶ್ವರ ಪೆರಿಬೈಲ್‌ ಬೀಚ್‌ಗೆ ಒಂಭತ್ತು ವಿದ್ಯಾರ್ಥಿಗಳು ತೆರಳಿದ್ದು, ಸಮುದ್ರಕ್ಕೆ ಶೋಭೀತ್‌ ಮತ್ತು ಆಕಾಶ್‌ ಇಳಿದಿದ್ದು, ಈ ಸಮಯದಲ್ಲಿ ದೊಡ್ಡ ಅಲೆಗೆ ಇಬ್ಬರು ಸಿಲುಕಿದ್ದು, ಆಕಾಶ್‌ ಈಜಿ ದಡ ಸೇರಿದರೆ, ಶೋಭಿತ್‌ ಸಮುದ್ರ ಪಾಲಾಗಿದ್ದ. ಎಸ್‌ಡಿಆರ್‌ಎಫ್‌, ಕರಾವಳಿ ಕಾವಲು ಪಡೆ, ಗೃಹರಕ್ಷಕ ದಳ, ಉಳ್ಳಾಲ ಪೊಲೀಸರು ಶೋಧ ಕಾರ್ಯಾಚರಣೆ ನಡೆಸಿದ್ದರು. ಇದೀಗ ನಾಪತ್ತೆಗೊಂಡ ಸ್ಥಳದಲ್ಲಿಯೇ ಶೋಭಿತ್‌ ಮೃತದೇಹ ಪತ್ತೆಯಾಗಿದೆ. ಉಳ್ಳಾಲ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.