Divyanka Sirohi: ಹರಿಯಾಣದ ಖ್ಯಾತ ನಟಿ, ಟಿಕ್ ಟಾಕ್ ಮೂಲಕ ಬೆಳಕಿಗೆ ಬಂದು, ಕೇವಲ ಟಿಕ್ ಟಾಕ್ ನಲ್ಲಿಯೇ 50ಲಕ್ಷಕ್ಕೂ ಅಧಿಕ ಫಾಲೋವರ್ಸ್ ಹೊಂದಿರುವ ದಿವ್ಯಾಂಕಾ ಸಿರೋಹಿ 30ನೇ ವರ್ಷಕ್ಕೆ ಹೃದಯಘಾತದಿಂದ ಸಾವನಪ್ಪಿದ್ದಾರೆ.
ಕೇವಲ 30ರ ಹರೆಯದಲ್ಲೇ ಹೃದಯಾಘಾತಕ್ಕೆ ದಿವ್ಯಾಂಕಾ ಮೊನ್ನೆ ( ಏಪ್ರಿಲ್ 21) ಬಲಿಯಾಗಿದ್ದಾರೆ. ಹೃದಯಾಘಾತದ ನಂತರ ಕೂಡಲೇ ದಿವ್ಯಾಂಕಾ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರು ಆ ವೇಳೆಗೆ ವೈದ್ಯರು ನಟಿ ಸಾವನ್ನಪ್ಪಿದ್ದಾರೆ ಎಂದು ಘೋಷಿಸಿದ್ದಾರೆ. ನಟಿಯ ಹಠಾತ್ ನಿಧನದಿಂದಾಗಿ ಅಭಿಮಾನಿಗಳು ಆಘಾತಕ್ಕೊಳಗಾಗಿದ್ದಾರೆ.
ದಿವ್ಯಾಂಕ ಸಿರೋಹಿ ಮೂಲತಃ ಉತ್ತರ ಪ್ರದೇಶದ ಬುಲಂದ್ಶಹರ್ನವರಾಗಿದ್ದರು. 1996ರ ನವೆಂಬರ್ 19ರಂದು ಜನಿಸಿದರು. ದಿವ್ಯಾಂಕ ಓದಿನಲ್ಲಿಯೂ ಕೂಡ ಮುಂದೆ ಇದ್ದರು. ಚೌಧರಿ ಚರಣ್ ಸಿಂಗ್ ವಿಶ್ವವಿದ್ಯಾಲಯದಿಂದ ಬಿಸಿಎ ಪೂರ್ಣಗೊಳಿಸಿದ್ದ ದಿವ್ಯಾಂಕಾ ಆ ನಂತರ ಸಿಕ್ಕಿಂನಿಂದ ಎಂಬಿಎ ಪದವಿಯನ್ನು ಕೂಡ ಪಡೆದಿದ್ದರು. ಶಿಕ್ಷಣದ ಹೊರತಾಗಿಯೂ, ಬಾಲ್ಯದಿಂದಲೂ ನಟನೆ ಮತ್ತು ನೃತ್ಯದತ್ತ ದಿವ್ಯಾಂಕಾ ಒಲವು ಹೊಂದಿದ್ದರು.
ಟಿಕ್ ಟಾಕ್ ಬ್ಯಾನ್ ಆದ ನಂತರ ಇನ್ ಸ್ಟಾಗ್ರಾಮ್ ನಲ್ಲಿ ಇವರ ಹವಾ ಮುಂದುವರೆದಿತ್ತು. ಹೀಗೆ ಚಿತ್ರರಂಗದ ಕಣ್ಣಿಗೆ ಬಿದ್ದ ದಿವ್ಯಾಂಕಾ ಅತ್ಯಲ್ಪ ಅವಧಿಯಲ್ಲಿಯೇ ಹರಿಯಾಣ್ವಿ ಚಿತ್ರರಂಗದಲ್ಲಿ ಖ್ಯಾತಿಯ ಶಿಖರಕ್ಕೇರಿದರು. ಹೆಸರಾಂತ ಗಾಯಕರ ಜೊತೆ ಸಂಗೀತ ನಿರ್ದೇಶಕರ ಜೊತೆ ಒಂದಲ್ಲ, ಎರಡಲ್ಲ, 50 ಕ್ಕೂ ಅಧಿಕ ಆಲ್ಬಂ ಹಾಡುಗಳನ್ನು ಮಾಡಿದ್ದಾರೆ.
