ಸೋಮವಾರ ಮತ್ತು ಮಂಗಳವಾರದ ಮಧ್ಯರಾತ್ರಿ, ತಾಯಿಯೊಂದಿಗೆ ಒಂದೇ ಹಾಸಿಗೆಯಲ್ಲಿ ಮಲಗಿದ್ದ ಎಂಟು ವರ್ಷದ ಕಾವ್ಯ ಮತ್ತು ಐದು ವರ್ಷದ ಆಯುಷ್‌ಗೆ ವಿಷಕಾರಿ ಹಾವು ಕಚ್ಚಿತು. ಮಧ್ಯಪ್ರದೇಶದ ಭಿಂಡ್ ಜಿಲ್ಲೆಯಲ್ಲಿರುವ ಪುರ್ ಗ್ರಾಮದಲ್ಲಿ ಸಂಭವಿಸಿದ ದುರಂತ ಘಟನೆಯೊಂದು ಇಡೀ ಪ್ರದೇಶವನ್ನು ತೀವ್ರ ಆಘಾತಕ್ಕೆ ದೂಡಿದೆ.
Sponsoredಮಕ್ಕಳ ಪ್ರಾಣ ಉಳಿಸಿಕೊಳ್ಳುವ ಹತಾಶ ಪ್ರಯತ್ನದಲ್ಲಿ ಕುಟುಂಬದವರು ರಾತ್ರಿಯಿಡೀ ಆಸ್ಪತ್ರೆಯಿಂದ ಆಸ್ಪತ್ರೆಗೆ ಅಲೆದಾಡಿದರು, ಆದರೆ ವಿಧಿಯಾಟವೇ ಬೇರೆಯಾಗಿತ್ತು. ಕೆಲವೇ ಗಂಟೆಗಳಲ್ಲಿ ಆ ಎರಡೂ ಮುಗ್ಧ ಜೀವಗಳು ಕೊನೆಯುಸಿರೆಳೆದವು.
ಈ ಘಟನೆಯು ಭಿಂಡ್ ಜಿಲ್ಲೆಯ ‘ದೇಹತ್’ ಪೊಲೀಸ್ ಠಾಣಾ ವ್ಯಾಪ್ತಿಯ ‘ಪುರ್’ ಗ್ರಾಮದಲ್ಲಿ ನಡೆದಿದೆ. ಸೋಮವಾರ ರಾತ್ರಿ, ಕಾವ್ಯಾ ಮತ್ತು ಆಕೆಯ ತಮ್ಮ ಆಯುಷ್, ತಮ್ಮ ತಾಯಿ ಬಬಿತಾ ಅವರೊಂದಿಗೆ ಒಂದೇ ಕೋಣೆಯಲ್ಲಿ, ಒಂದೇ ಹಾಸಿಗೆಯ ಮೇಲೆ ಮಲಗಿದ್ದರು. ಮನೆಯಲ್ಲಿ ಇತರ ಕುಟುಂಬ ಸದಸ್ಯರೂ ಇದ್ದರು.
ಆದರೆ, ರಾತ್ರಿ ಸುಮಾರು 3 ಗಂಟೆಯ ಸಮಯದಲ್ಲಿ, ಇದ್ದಕ್ಕಿದ್ದಂತೆ ಆ ಇಬ್ಬರೂ ಮಕ್ಕಳು ಅಳುತ್ತಿರುವ ಶಬ್ದ ಕೇಳಿಸಿತು. ಅವರ ಕಿರುಚಾಟವನ್ನು ಕೇಳಿ, ಮನೆಯಲ್ಲಿ ಮಲಗಿದ್ದ ಅವರ 15 ವರ್ಷದ ಅಣ್ಣ ಎಚ್ಚರಗೊಂಡನು. ಕೋಣೆಯ ದೀಪವನ್ನು ಆನ್ ಮಾಡಿದ ತಕ್ಷಣ, ಅವನಿಗೆ ತೀವ್ರ ಭಯವಾಯಿತು. ಹಾಸಿಗೆಯ ಮೇಲೆ ಒಂದು ಕಪ್ಪು ಹಾವು ಕುಳಿತಿತ್ತು. ಅದನ್ನು ಕಂಡು ಗಾಬರಿಗೊಂಡ ಅವನು ಜೋರಾಗಿ ಕೂಗಲಾರಂಭಿಸಿದ. ಆ ಗದ್ದಲವನ್ನು ಕೇಳಿ ಮನೆಯ ಇತರ ಸದಸ್ಯರು ಕೋಣೆಯೊಳಗೆ ಧಾವಿಸಿ ಬಂದರು. ಅಷ್ಟರಲ್ಲಾಗಲೇ ಮಕ್ಕಳ ಸ್ಥಿತಿ ಹದಗೆಡಲಾರಂಭಿಸಿತ್ತು; ಹಾವು ಅವರಿಬ್ಬರಿಗೂ ಕಚ್ಚಿರಬಹುದೆಂದು ಕುಟುಂಬದವರು ಶಂಕಿಸಿದರು.
ಮನೆಯಲ್ಲಿ ಎರಡು ಶವದ ಮಂಚಗಳನ್ನು ಪಕ್ಕಪಕ್ಕದಲ್ಲಿ ಸಿದ್ಧಪಡಿಸಲಾಗಿತ್ತು ಮತ್ತು ಕಾವ್ಯಾ ಹಾಗೂ ಆಯುಷ್ ಅವರ ಅಂತ್ಯಕ್ರಿಯೆಯನ್ನು ಒಟ್ಟಿಗೇ ನೆರವೇರಿಸಲಾಯಿತು.
