ಒಂದೇ ವರ್ಷದಲ್ಲಿ ಒಂದೇ ಅಂಗಡಿಯಲ್ಲಿ 20ಕ್ಕೂ ಭಾರಿ ಕಳವು – ಕೊನೆಗೂ ಕಳ್ಳ ಅಂದರ್

ಚಿಕ್ಕಬಳ್ಳಾಪುರದಲ್ಲಿ ಒಂದೇ ಸ್ಕ್ರ್ಯಾಪ್ ಅಂಗಡಿಗೆ ಕನ್ನಹಾಕಿ, 20ಕ್ಕೂ ಹೆಚ್ಚು ಬಾರಿ ತಾಮ್ರದ ವಸ್ತುಗಳನ್ನು ಕದ್ದು ಮಾರಾಟ ಮಾಡುತ್ತಿದ್ದ 25 ವರ್ಷದ ಯುವಕನನ್ನು ಚಿಕ್ಕಬಳ್ಳಾಪುರ ಪೊಲೀಸರು ಬಂಧಿಸಿದ್ದಾರೆ.

Sponsored

ಬಂಧಿತ ಆರೋಪಿಯನ್ನು ಸಲೀಂ ಎಂದು ಗುರುತಿಸಲಾಗಿದೆ. ಈತ ಸುಮಾರು 9 ಲಕ್ಷ ರೂಪಾಯಿ ಮೌಲ್ಯದ ತಾಮ್ರದ ಸ್ಕ್ರ್ಯಾಪ್ ಕಳವು ಮಾಡಿದ್ದಾಗಿ ತಿಳಿದುಬಂದಿದೆ. ಆತನನ್ನು ಸದ್ಯ ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಲಾಗಿದೆ. 

ಚಿಕ್ಕಬಳ್ಳಾಪುರದ ‘ಸಿಂಡಿಕೇಟ್ ಸ್ಕ್ರ್ಯಾಪ್’ ಅಂಗಡಿಯ ಮಾಲೀಕ ಮುಷೀರ್ ಅಹಮದ್ ಎಂಬುವವರು ಕಳೆದ ಕೆಲವು ತಿಂಗಳುಗಳಿಂದ ತಮ್ಮ ಅಂಗಡಿಯಲ್ಲಿದ್ದ ತಾಮ್ರ ಹಾಗೂ ಇತರ ಬೆಲೆಬಾಳುವ ಸಾಮಗ್ರಿಗಳು ಪದೇಪದೇ ನಾಪತ್ತೆಯಾಗುತ್ತಿರುವುದನ್ನು ಗಮನಿಸಿದ್ದರು.ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದ ಖದೀಮಗೌರಿಬಿದನೂರು ಮತ್ತು ಶಿಡ್ಲಘಟ್ಟ ಪ್ರದೇಶಗಳಲ್ಲಿ ರಸ್ತೆ ವಿಸ್ತರಣೆ ವೇಳೆ ತೆರವುಗೊಳಿಸಲಾದ ಹಳೆಯ ಕಟ್ಟಡಗಳ ವಿದ್ಯುತ್ ವೈರಿಂಗ್ ಸಾಮಗ್ರಿಗಳನ್ನು ಮುಷೀರ್ ಖರೀದಿಸಿ, ತಾಮ್ರವನ್ನು ಪ್ರತ್ಯೇಕವಾಗಿ ಅಂಗಡಿಯಲ್ಲಿ ಸಂಗ್ರಹಿಸಿಟ್ಟಿದ್ದರು. ಸಾಮಗ್ರಿಗಳು ಕಣ್ಮರೆಯಾಗುತ್ತಿದ್ದಂತೆ ಅನುಮಾನಗೊಂಡು ಸಿಟಿವಿ ಕ್ಯಾಮೆರಾ ಪರಿಶೀಲಿಸಿದಾಗ, ಮಧ್ಯರಾತ್ರಿ ವೇಳೆ ಯುವಕನೊಬ್ಬ ಅಂಗಡಿಗೆ ನುಗ್ಗಿ ತಾಮ್ರ ಕದಿಯುವುದು ಬೆಳಕಿಗೆ ಬಂದಿದೆ.

ಅಂಗಡಿ ಮಾಲೀಕ ಹಾಗೂ ಸಿಬ್ಬಂದಿ ಕಾವಲು ಕಾಯ್ದು ಹಿಡಿಯಲು ಯತ್ನಿಸಿದಾಗ, ಭಾರಿ ಮಳೆಯಿದ್ದ ಕಾರಣ ಆರೋಪಿ ತಪ್ಪಿಸಿಕೊಂಡಿದ್ದ.ಬೆಸತ್ತ ಮಾಲೀಕ ಮುಷೀರ್ ಪೊಲೀಸರಿಗೆ ದೂರು ನೀಡಿದ್ದರು. ಪೊಲೀಸರ ಮಾರ್ಗದರ್ಶನದಂತೆ ಕಾವಲು ಕುಳಿತಾಗ, ತಾಮ್ರ ಕದಿಯುತ್ತಿದ್ದ ಸಲೀಂ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾನೆ.