ಮಂಗಳೂರು: 1.15ಕೋಟಿ ರೂ ದರೋಡೆ ಪ್ರಕರಣ, ಕಾನ್‌ಸ್ಟೇಬಲ್‌ ಬಂಧನ

ಮಂಗಳೂರು: ದಾವಣಗೆರೆಯಿಂದ ಮಂಗಳೂರಿಗೆ ಸತ್ಯನಾರಾಯಣ ಅವರು ತನ್ನ ಮಾಲಕರು ನೀಡಿದ್ದ 1.15 ಕೋಟಿ ರೂ. ತರುತ್ತಿರುವ ಸಂದರ್ಭದಲ್ಲಿ ಹಣ ಸಹಿತ ಅವರನ್ನು ಅಪಹರಣ ಮಾಡಿದ ಪ್ರಕರಣಕ್ಕೆ ಕುರಿತಂತೆ ಕಾರವಾರದ ಪೊಲೀಸ್‌ ಕಾನ್‌ಸ್ಟೇಬಲನ್ನು ಉರ್ವ ಪೊಲೀಸರು ಬಂಧನ ಮಾಡಿದ್ದಾರೆ.

Sponsored

ಕಾರವಾರ ಟ್ರಾಫಿಕ್‌ ಪೊಲೀಸ್‌ ಠಾಣೆಯ ಕಾನ್‌ಸ್ಟೇಬಲ್‌ ಶ್ರೀಶೈಲ್‌ ಬಂಧಿತ ಆರೋಪಿ. ಪ್ರಕರಣದ ಇನ್ನೋರ್ವ ಆರೋಪಿ ಕಾರವಾರ ತಾಲೂಕಿನ ಕಿನ್ನರ ಗ್ರಾಮದ ಗಣೇಶ ಕೊಳಂಕರ್‌ ಎಂಬಾತನ ಬಂಧನವಾಗಲು ಬಾಕಿ ಇದೆ. ಆರೋಪಿಯಾಗಿರುವ ಶ್ರೀಶೈಲ್‌ನನ್ನು ಉತ್ತರಕನ್ನಡ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ದೀಪನ್‌ ಕರ್ತವ್ಯದಿಂದ ಅಮಾನತು ಮಾಡಿದ್ದಾರೆ.

ಪ್ರಕರಣಕ್ಕೆ ಕುರಿತಂತೆ ಉಡುಪಿ ಜಿಲ್ಲೆಯ ಕಾಪು ನಿವಾಸಿ ಅಜೀಜ್‌, ಹಳಿಯಾಳದ ನಸ್ತುಲ್ಲಾಖಾನ್‌, ಕಾರವಾರದ ನಿತ್ಯಾನಂದ, ಫರಂಗಿಪೇಟೆ ಖಾಲಿದ್‌ ಎನ್ನುವವರನ್ನು ಈಗಾಗಲೇ ಬಂಧನ ಮಾಡಲಾಗಿದೆ.