ಮಂಗಳೂರು: ಮೊಬೈಲ್‌ ನೋಡುತ್ತಿದ್ದ ವ್ಯಕ್ತಿಗೆ ಚೂರಿಯಿಂದ ಇರಿದು ಕೊಲೆಗೆ ಯತ್ನ

ಮಂಗಳೂರು: ಲೇಡಿಗೋಷನ್‌ ಬಳಿಯ ಬಸ್ಸು ತಂಗುದಾಣದಲ್ಲಿ ಕುಳಿತಿದ್ದ ವ್ಯಕ್ತಿಗೆ ಫೋನ್‌ ಕೇಳುವ ನೆಪದಲ್ಲಿ ಅಲ್ಲಿಗೆ ಇನ್ನೊಬ್ಬ ವ್ಯಕ್ತಿ ಬಂದು ಚೂರಿಯಿಂದ ಇರಿದು ಕೊಳೆ ಮಾಡಲು ಯತ್ನ ಮಾಡಿರುವ ಘಟನೆ ರವಿವಾರ ರಾತ್ರಿ ನಡೆದಿದೆ.

Sponsored

ನೆಕ್ರಾಜೆಯ ಸಿರಾಜು ಬಿ.ಎನ್‌ (35) ಗಾಯಗೊಂಡ ವ್ಯಕ್ತಿ. ಚೂರಿ ಇರಿಯಲು ಯತ್ನಿಸಿದ ಆರೋಪಿ ಇರ್ಷಾದ್‌ ಎಂಬಾತನನ್ನು ಪೊಲೀಸರು ಬಂಧನ ಮಾಡಿದ್ದಾರೆ. ನ್ಯಾಯಾಲಯವು ಈತನಿಗೆ ನ್ಯಾಯಾಂಗ ಬಂಧನ ವಿಧಿಸಿದೆ.

ಅ.11 ರಂದು ಸಿಟಿ ಸೆಂಟರ್‌ಗೆ ಬಂದ ವ್ಯಕ್ತಿ ನಂತರ ರಾತ್ರಿ 10 ಗಂಟೆಯ ಸುಮಾರಿಗೆ ಸಿರಾಜು ಎನ್ನುವ ವ್ಯಕ್ತಿ ಲೇಡಿಗೋಶನ್‌ ಆಸ್ಪತ್ರೆ ಬಳಿಯ ಬಸ್‌ಸ್ಟಾಪ್‌ನಲ್ಲಿ ಕುಳಿತಿದ್ದಾಗ ಅಪರಿಚಿತ ವ್ಯಕ್ತಿಯೋರ್ವ ಅಲ್ಲಿ ಬಂದು, ಮಲೆಯಾಳಿ ಭಾಷೆಯಲ್ಲಿ ನೀನು ಯಾಕೆ ಕುಳಿತಿರುವುದು, ಏನು ಮಾಡ್ತಾ ಇದ್ದೀಯಾ ಎಂದು ಕೇಳಿದಾಗ, ಸಿರಾಜು ಮಲೆಯಾಳಿ ಭಾಷೆಯಲ್ಲೇ ಫೋನ್‌ ನೋಡುತ್ತಿದ್ದೇನೆ ಎಂದು ಉತ್ತರಿಸಿದ್ದಾನೆ.

ಆತ ಆತ ಫೋನ್‌ ನೋಡಲು ಕೊಡು ಎಂದು ಕೇಳಿದ್ದಾನೆ. ಸಿರಾಜು ಕೊಡಲ್ಲ ಎಂದಿದ್ದಕ್ಕೆ ಜಗಳ ಮಾಡಿ ಸಿಟ್ಟಿನಿಂದ ತನ್ನ ಬಳಿ ಇದ್ದ ಚೂರಿಯಿಂದ ಸಿರಾಜು ಕುತ್ತಿಗೆಗೆ ಇರಿಯಲು ಯತ್ನ ಮಾಡಿದ್ದು, ತಪ್ಪಿಸಿಕೊಂಡ ಸಿರಾಜುವಿನ ಮೂಗಿಗೆ ತಾಗಿ, ಹರಿದು ಹೋಗಿದೆ. ಪುನಃ ಚೂರಿ ಹಾಕಲು ಬಂದ ವ್ಯಕ್ತಿ ಬಲಕೈಗೆ ತಾಗಿ ಗಾಯ ಮಾಡಿದ್ದಾನೆ. ಆಗ ಜನ ಸೇರಿದ್ದು, ಗಾಯಗೊಂಡ ವ್ಯಕ್ತಿಯನ್ನು ವೆನ್ಲಾಕ್‌ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ ಎಂದು ದೂರಿನಲ್ಲಿ ವಿವರಿಸಲಾಗಿದೆ.

ಕೊಲೆ ಮಾಡಲು ಯತ್ನ ಮಾಡಿದ ಇರ್ಷಾದ್‌ ಅಲೆಮಾರಿ ಎಂದು ತಿಳಿದು ಬಂದಿದೆ. ಬಂದರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.