ಮೊಮೋ ತಿನ್ನಲು ಮನೆಯಲ್ಲಿದ್ದ ಚಿನ್ನಾಭರಣ ಕದ್ದ 14 ವರ್ಷದ ಬಾಲಕ

ಉತ್ತರ ಪ್ರದೇಶದ ಡಿಯೋರಿಯಾ ಜಿಲ್ಲೆಯಲ್ಲಿ ಒಂದು ವಿಚಿತ್ರ ಪ್ರಕರಣ ಬೆಳಕಿಗೆ ಬಂದಿದ್ದು, 14 ವರ್ಷದ ಬಾಲಕನೊಬ್ಬ ಮೊಮೊಸ್ ತಿನ್ನುವ ಆಸೆಯಿಂದ ತನ್ನ ಮನೆಯಿಂದ ಲಕ್ಷಾಂತರ ಮೌಲ್ಯದ ಆಭರಣಗಳನ್ನು ಕದ್ದಿದ್ದಾನೆ ಎಂದು ಆರೋಪಿಸಲಾಗಿದೆ.

Sponsored

ರಾಮ್‌ಪುರ್ ಕಾರ್ಖಾನಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿರುವ ಹಳ್ಳಿಯ ನಿವಾಸಿಯಾದ ಅಪ್ರಾಪ್ತನು ತನ್ನ ಮೊಮೋ ತಿನ್ನಲು, ಮನೆಯಲ್ಲಿದ್ದ ಚಿನ್ನಾಭರಣವನ್ನು ಕದ್ದು, ಮೊಮೊ ಮಾರಾಟಗಾರನಿಗೆ ತೆಗೆದುಕೊಡಲು ಹೋದ ಘಟನೆ ನಡೆದಿದೆ.

ಬಾಲಕನ ಚಿಕ್ಕಮ್ಮ ಆಕೆಯ ಆಭರಣಗಳನ್ನು ತೆಗೆದುಕೊಳ್ಳಲು ಆಕೆಯ ಪೋಷಕರ ಮನೆಗೆ ಭೇಟಿ ನೀಡಿದಾಗ ಈ ವಿಷಯ ಬೆಳಕಿಗೆ ಬಂದಿತು. ಕಪಾಟು ತೆರೆದು ನೋಡಿದಾಗ, ಆಭರಣಗಳು ಕಾಣೆಯಾಗಿರುವುದು ಕಂಡುಬಂದಿದೆ. ವಿಚಾರಿಸಿದಾಗ, ಬಾಲಕ ವಸ್ತುಗಳನ್ನು ಕದ್ದು ರಾಂಪುರ ಪಟ್ಟಣದಲ್ಲಿ ಬಂಡಿ ನಡೆಸುತ್ತಿದ್ದ ಮೋಮೋ ಮಾರಾಟಗಾರನಿಗೆ ನೀಡುತ್ತಿದ್ದನೆಂದು ಕುಟುಂಬದವರಿಗೆ ತಿಳಿದುಬಂದಿದೆ.

ದೂರು ಸ್ವೀಕರಿಸಲಾಗಿದ್ದು, ತನಿಖೆ ನಡೆಯುತ್ತಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. “ಈ ವಿಷಯ ನಮ್ಮ ಗಮನಕ್ಕೆ ಬಂದಿದೆ. ನಾವು ವಿವರಗಳನ್ನು ಪರಿಶೀಲಿಸುತ್ತಿದ್ದೇವೆ ಮತ್ತು ಆರೋಪಿಗಳನ್ನು ಶೀಘ್ರದಲ್ಲೇ ಬಂಧಿಸಲಾಗುವುದು” ಎಂದು ಅವರು ಹೇಳಿದರು.

ಪೊಲೀಸರು ಈಗ ಮಾರಾಟಗಾರನನ್ನು ಪತ್ತೆಹಚ್ಚುತ್ತಿದ್ದಾರೆ ಮತ್ತು ಕದ್ದ ಆಭರಣಗಳ ಒಟ್ಟು ಮೌಲ್ಯವನ್ನು ನಿರ್ಣಯಿಸುತ್ತಿದ್ದಾರೆ.