ಪುತ್ತೂರು: ಅಪ್ರಾಪ್ತರು ಚಲಾಯಿಸುತ್ತಿದ್ದ ದ್ವಿಚಕ್ರ-ಕಾರು ನಡುವೆ ಅಪಘಾತ

ಸಾಜ ಮರದ ಮಿಲ್ಲಿನ ಸಮೀಪ ಅಪ್ರಾಪ್ತರು ಚಲಾಯಿಸುತ್ತಿದ್ದ ದ್ವಿಚಕ್ರ ವಾಹನ ಹಾಗೂ ಕಾರಿನ ನಡುವೆ ಅಪಘಾತವಾಗಿದ್ದು, ಇಬ್ಬರಿಗೆ ಗಂಭೀರ ಗಾಯವಾಗಿದೆ.

Sponsored

ದ್ವಿಚಕ್ರ ವಾಹನ ಚಲಾಯಿಸುತ್ತಿದ್ದ 14 ಹಾಗೂ 15 ವಯಸ್ಸಿನ ಅಪ್ರಾಪ್ತರಿಬ್ಬರು ಅಪಘಾತದಿಂದ ಗಂಭೀರವಾಗಿ ಗಾಯಗೊಂಡಿರುವುದಾಗಿ ವರದಿಯಾಗಿದೆ. ಬಿಳಿಯೂರು ಕಟ್ಟೆಯಿಂದ ಸಾಜ ಮೂಲಕ ತೋರಣ ಕಟ್ಟೆ ಸಂಪರ್ಕ ರಸ್ತೆಯಲ್ಲಿ ಈ ಅಪಘಾತವಾಗಿದ್ದು, ದ್ವಿಚಕ್ರ ಸವಾರರಿಬ್ಬರೂ ಚಾಲನಾ ಪರವಾನಿಗೆ ಹೊಂದಿಲ್ಲ. ಇಬ್ಬರಿಗೆ ಗಂಭೀರ ಗಾಯಗಳಾಗಿದ್ದು, ಹೆಚ್ಚಿನ ಚಿಕಿತ್ಸೆಗೆಂದು ಮಂಗಳೂರು ಆಸ್ಪತ್ರೆಗೆ ದಾಖಲು ಮಾಡಲಾಗಿರುವ ಕುರಿತು ವರದಿಯಾಗಿದೆ.