ಬೆಂಗಳೂರು-ಮೈಸೂರು ಎಕ್ಸ್‌ಪ್ರೆಸ್‌ವೇ ತುಂಬಾ ಎಣ್ಣೆ ಪ್ಯಾಕೇಟ್‌ಗಳು, ಹೊತ್ತೊಯ್ದ ಸವರಾರು

ರಾಜಧಾನಿ ಬೆಂಗಳೂರು ಹಾಗೂ ಮೈಸೂರು ಮಧ್ಯದ ಎಕ್ಸ್‌ಪ್ರೆಸ್‌ವೇನಲ್ಲಿ ಚೆಲ್ಲಾಪಿಲ್ಲಿಯಾಗಿ ಅಡುಗೆ ಎಣ್ಣೆ ಪಾಕೀಟ್ ಬಿದ್ದಿದ್ದು, ಅವುಗಳನ್ನು ರಾಶಿ ರಾಶಿಯಾಗಿ ಸವಾರರು ವಾಹನ ಎತ್ತಿಕೊಂಡ ಘಟನೆ ನಡೆದಿದೆ. ಈ ಕುರಿತ ವಿಡಿಯೋ ವೈರಲ್ ಆಗುತ್ತಿದೆ.

Sponsored

ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣ ಎಕ್ಸ್ (@ravikeerthi22)ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಇದು ಬೆಂಗಳೂರು-ಮೈಸೂರು ಎಕ್ಸ್‌ಪ್ರೆಸ್‌ ನಡೆದ ಘಟನೆ ಎನ್ನಲಾಗಿದೆ. ನಿತ್ಯ ಎಕ್ಸ್‌ಪ್ರೆಸ್‌ವೇನಲ್ಲಿ ಆಟೋ, ಟ್ರ್ಯಾಕ್ಟರ್ ಮತ್ತು ಬೈಕ್ ಹೊರತಾಗಿ ಕಾರು, ಬಸ್‌ಗಳು, ಲಾರಿ ಇನ್ನಿತರ ವಾಹನಗಳ ಸಂಚಾರಕ್ಕೆ ಅವಕಾಶ ಇದೆ. ಒಂದು ಲೀಟರ್ ಪ್ಯಾಕೇಟ್ ಅಡುಗೆ ಎಣ್ಣೆಗಳ ಇರುವ ಬಾಕ್ಸ್‌ಗಳನ್ನು ಹೊತ್ತಿದ್ದ ಲಾರಿ/ಗೂಡ್ಸ್ ವಾಹನದಿಂದ ನೂರಾರು ಪ್ಯಾಕೇಟ್‌ಗಳು ರಸ್ತೆಗೆ ಬಿದ್ದಿವೆ. ಇದನ್ನು ವಾಹನ ಮಾಲೀಕ ಗಮನಿಸಿಲ್ಲ ಎನ್ನಲಾಗಿದೆ.

ಎಕ್ಸ್‌ಪ್ರೆಸ್‌ ವೇ ಹೆದ್ದಾರಿ ತುಂಬೆಲ್ಲ ಅಡುಗೆ ಎಣ್ಣೆ ಪ್ಯಾಕೇಟ್‌ಗಳನ್ನು ನೋಡಿದ ಬಸ್‌ನಲ್ಲಿ ಕೂತಿದ್ದ ಮಹಿಳಾ ಪ್ರಯಾಣಿಕರು ಸಹಿತ ‘ನಿಲ್ಲಿಸಿ ಅಣ್ಣ ಗಾಡಿ’ ಎಂಬುದು ಕೇಳುತ್ತದೆ. ಎಣ್ಣೆ ಪ್ಯಾಕೇಟ್‌ಗಳು ಬಿದ್ದಿರುವುದು ಕಾಣುತ್ತಿದ್ದಂತೆ ರಸ್ತೆಗಳಲ್ಲಿ ಬರುವ ಕಾರುಗಳು ಸವಾರರು, ಪ್ರಯಾಣಿಕರು ಅಡ್ಡಾದಿಡ್ಡಿಯಾಗಿ ಕಾರು ನಿಲ್ಲಿಸಿ ಎಣ್ಣೆ ಪ್ಯಾಕೇಟ್‌ಗಳನ್ನು ಎತ್ತುಕೊಂಡಿದ್ದಾರೆ.