ಮಗನಿಗೆ 18 ವರ್ಷಕ್ಕೆ 1 ದಿನ ಬಾಕಿ ಶತ್ರುವಿನ ಕೊಲೆ ಮಾಡಿಸಿದ ಅಪ್ಪ!

ಹೊಸದಿಲ್ಲಿ: ಆಸ್ತಿ ವೈಷಮ್ಯ ಹಿನ್ನೆಲೆಯಲ್ಲಿ ವ್ಯಕ್ತಿಯೊಬ್ಬನನ್ನು ತನ್ನ ಅಪ್ರಾಪ್ತ ವಯಸ್ಸಿನ ಮಗನ ಕೈಯಿಂದ ಅಪ್ಪನೇ ಕೊಲೆ ಮಾಡಿಸಿರುವ ಘಟನೆ ದಿಲ್ಲಿಯ ಮಾಳವೀಯ ನಗರದಲ್ಲಿ ನಡೆದಿದೆ. ವಿಶೇಷವೆಂದರೆ, ಮಗನಿಗೆ 18 ವರ್ಷ ತುಂಬಲು 1 ದಿನ ಬಾಕಿಯಿರುವಂತೆಯೇ ಆತನ ಅಪ್ಪ ಖುಷಿ ರಾಮ್ ತನ್ನ ಮಗನ ಕೈಲಿ ಈ ಕೊಲೆ ಮಾಡಿಸಿದ್ದಾನೆ. ಹೀಗಾಗಿ ಬಾಲಾಪರಾಧ ಕಾನೂನಿನಡಿಯಲ್ಲಿ ಆರೋಪಿ ಬಾಲಕ ಶಿಕ್ಷೆ ಎದುರಿಸಲಿದ್ದಾನೆ.

Sponsored

ಅತ್ತ ಮಗನ ಕೈಯಿಂದ ತನ್ನ ಶತ್ರುವಿಗೆ ಶಿಕ್ಷೆ ಆಗಬೇಕು, ಆದರೆ ಮಗನನ್ನು ದೊಡ್ಡ ಮಟ್ಟದ ಶಿಕ್ಷೆಯಿಂದ ಪಾರು ಮಾಡುವ ಕುತಂತ್ರವನ್ನು ಖುಷಿ ರಾಮ್ ಹೂಡಿದ್ದ ಎಂದು ತಿಳಿದು ಬಂದಿದೆ. ಈ ಸಂಬಂಧ ಲಜಪತ್ ಸಿಂಗ್ (56) ಎಂಬಾತನ ವಿರುದ್ದ ಹೊಂದಿದ್ದ ಹಳೆ ದ್ವೇಷ ಸಾಧನೆಗಾಗಿ ಕ್ರಿಕೆಟ್ ಬ್ಯಾಟ್, ಬಂದೂಕು ಬಳಸಿ ಹತ್ಯೆಗೈದಿದ್ದಾಗಿ ಕ್ರಿಮಿನಲ್ ತಂದೆ – ಮಗ ಇದೀಗ ಪೊಲೀಸರೆದುರು ತಪ್ರೊಪ್ಪಿಕೊಂಡಿದ್ದಾರೆ.

ಇದನ್ನೂ ಓದಿ:Arattai Messenger: ಹರಟೆಗೆ ಬಂತು ಸ್ವದೇಶಿ ವಾಟ್ಸ್ಆ್ಯಪ್ ‘ಅರಟ್ಟೈ’; ಏಕಾಏಕಿ ಜನಪ್ರಿಯತೆ ಪಡಕೊಂಡ ಸ್ವದೇಶಿ ಆ್ಯಪ್!