ಟ್ವಿಟ್ಟರ್ ಮುಖ್ಯಸ್ಥ ಎಲೋನ್ ಮಸ್ಕ್ ಪ್ರತಿದಿನ ಹೊಸದನ್ನು ನೀಡುವ ಮೂಲಕ ಬಳಕೆದಾರರನ್ನು ಅಚ್ಚರಿಗೊಳಿಸುತ್ತಲೇ ಬಂದಿದ್ದಾರೆ. ಕಟು ಮತ್ತು ಬೋಲ್ಡ್ ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ಮಸ್ಕ್ ಮಸ್ತ್ ಧೈರ್ಯಶಾಲಿ. ಆದರೆ ಈ ಬಾರಿ ಅವರು ಸ್ವತಃ ತಮ್ಮನ್ನು ತಾವೇ ಪರೀಕ್ಷೆಗೆ ಒಡ್ಡಿಕೊಂಡಿದ್ದಾರೆ.
ಟ್ವಿಟ್ಟರ್ ಮುಖ್ಯಸ್ಥ ಸ್ಥಾನದಿಂದ ತಾನು ಕೆಳಗಿಳಿಯಬೇಕೇ ಎಂದು ಬಳಕೆದಾರರನ್ನು ಕೇಳುವ ಮೂಲಕ ಮೈಕ್ರೋ-ಬ್ಲಾಗಿಂಗ್ ಸೈಟ್ನಲ್ಲಿ ಸಮೀಕ್ಷೆಯನ್ನು ಪ್ರಾರಂಭಿಸಿರುವುದು ಧೈರ್ಯಶಾಲಿಯಾಲಿ ನಡೆಯಾಗಿದೆ. ಅವರ ಈ ಧೈರ್ಯವನ್ನು ಎಲ್ಲೆಡೆ ಮೆಚ್ಚಿಕೊಳ್ಳಲಾಗುತ್ತಿದೆ. ಈಗ ನೀವು ಕೂಡಾ ಟ್ವಿಟ್ಟರ್ ನ ಮುಖ್ಯಸ್ಥ, ಮತ್ತು ಜಗತ್ತಿನ ಕುಬೇರ ಎಲಾನ್ ಮಸ್ಕ್ ಅನ್ನು ಕೆಲಸದಿಂದ ತೆಗೆದು ಹಾಕಬಹುದು. ಹೇಗೆ ಗೊತ್ತಾ ?
ಅವರು ಫಲಿತಾಂಶಗಳಿಗೆ ಬದ್ಧರಾಗಿರುತ್ತಾರೆ ಆದ್ದರಿಂದ ‘ಎಚ್ಚರಿಕೆಯಿಂದಿರಿ’ ಎಂದು ಅವರು ‘ಟ್ವೀಪ್’ಗಳಿಗೆ ಭರವಸೆ ನೀಡಿದರು. ಅಕ್ಟೋಬರ್ನಲ್ಲಿ ಟ್ವಿಟರ್ನ ಸಿಇಒ ಆಗಿ ಅಧಿಕಾರ ವಹಿಸಿಕೊಂಡ ನಂತರ ಸಾಮಾಜಿಕ ಮಾಧ್ಯಮದಲ್ಲಿ ಹಲವಾರು ವಿವಾದಗಳು ಹೆಚ್ಚುತ್ತಿರುವ ನಡುವೆ ಮಸ್ಕ್ ಸಮೀಕ್ಷೆಯ ಈ ನಿರ್ಧಾರ ಕೈಗೊಂಡಿದ್ದಾರೆ ಎನ್ನಲಾಗಿದೆ.
“ನಾನು ಟ್ವಿಟರ್ನ ಮುಖ್ಯಸ್ಥ ಸ್ಥಾನದಿಂದ ಕೆಳಗಿಳಿಯಬೇಕೇ? ನಾನು ಈ ಸಮೀಕ್ಷೆಯ ಫಲಿತಾಂಶಗಳಿಗೆ ಬದ್ಧನಾಗಿರುತ್ತೇನೆ, ”ಎಂದು ಡಿಸೆಂಬರ್ 19, 2022 ರಂದು ಮಸ್ಕ್ ಟ್ವೀಟ್ ಮಾಡಿದ್ದಾರೆ. ಅವರು ಮತದಾನದ ಸಮಯದಲ್ಲಿ ಬಳಕೆದಾರರಿಗೆ ಜವಾಬ್ದಾರರಾಗಿರಲು ಎಚ್ಚರಿಕೆ ನೀಡಿದರು ಮತ್ತು ಹೇಳಿದರು,
“ಈ ಮಾತಿನಂತೆ, ನಿಮಗೆ ಬೇಕಾದುದನ್ನು ಪಡೆಯಬಹುದು. ಜಾಗರೂಕರಾಗಿರಿ.”ಆ ಮೂಲಕ ಯೋಚಿಸಿ ಉತ್ತರಿಸಲು ಜನರಿಗೆ ಹೇಳಿದ್ದಾರೆ. ಸಮೀಕ್ಷೆಯು ಸುಮಾರು 7 ಗಂಟೆಗಳಿರುತ್ತದೆ. ಆದರೆ ಅದು ಪ್ರಸ್ತುತ “ಹೌದು” ಅಥವಾ ”ಇಲ್ಲ” ಎಂದು ಟಿಕ್ ಮಾಡಲು ಇದ್ದು, ”ಹೌದು” ಎಂದು ಪ್ರತಿಕ್ರಿಯಿಸುವ ಜನರ ಕಡೆಗೆ ಸಮೀಕ್ಷೆ ವಾಲುತ್ತದೆ. ಈಗಾಗಲೇ ಹೆಚ್ಚಿನವರು ಟ್ವಿಟ್ ಮಾಲೀಕರಿಂದ ಅವರನ್ನು ತೆಗೆದುಹಾಕುವ ಬಗ್ಗೆ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
“ಹೌದು. ಇದು ನಿಮ್ಮ ತುಲನಾತ್ಮಕ ಪ್ರಯೋಜನವಲ್ಲ. ಬದಲಿಗೆ ಎಲೆಕ್ಟ್ರಿಕ್ ಕಾರುಗಳು ಮತ್ತು ಸುರಂಗಗಳು ಮತ್ತು ಬಾಹ್ಯಾಕಾಶ ಹಾರಾಟಗಳನ್ನು ನೀವು ಮಾಡಿ ಅಂದು Twitter ನಲ್ಲಿ ಬಳಕೆದಾರರೊಬ್ಬರು ಬರೆದಿದ್ದಾರೆ.
ಮತ್ತೊಬ್ಬ ಆನ್ಲೈನ್ ಬಳಕೆದಾರರು ಮಸ್ಕ್ ಅನ್ನು ದೂಷಿಸಿ, “ಸ್ವಾತಂತ್ರ್ಯವನ್ನು ನಿಜವಾಗಿಯೂ ನಂಬುವ ಮತ್ತು ನ್ಯಾಯಯುತ ಮತ್ತು ಸಮತೋಲಿತ ರೀತಿಯಲ್ಲಿ Twitter ಅನ್ನು ನಡೆಸುವ ಸಾಮರ್ಥ್ಯವನ್ನು ಹೊಂದಿರುವ ಮತ್ತು ಪ್ರತಿದಿನ Twitter ನಲ್ಲಿ ಟ್ರೆಂಡಿಂಗ್ ವಿಷಯವಾಗದವರಿಗೆ ಅದನ್ನು ಮಾರಾಟ ಮಾಡುವುದು ಹೇಗೆ? ಟ್ವಿಟರ್ನ ಮಾಲೀಕರು ಮತ್ತು ಸಿಇಒಗಾಲ ಜತೆ ನಾವು ಸಾಮಾನ್ಯರು ದಿನದಿಂದ ದಿನಕ್ಕೆ ಯಾಕೆ ಮಾತಾಡಬೇಕು, ಕೂಲ್ ‘ ಎಂದು ಬರೆದುಕೊಂಡಿದ್ದಾರೆ.
