ಹೇಳಿ ಕೇಳಿ ಇದು ಡಿಜಿಟಲ್ ಯುಗ… ಮೊಬೈಲ್ ಎಂಬ ಮಾಯಾವಿಯ ಅನ್ವೇಷಣೆಯ ಬಳಿಕ ಎಲ್ಲೆಡೆ ಬಳಕೆಯ ವಿಚಾರದಲ್ಲಿ ಮಹತ್ತರ ಬದಲಾವಣೆಯಾಗಿ, ಈಗ ಮೊಬೈಲ್ ಫೋನ್ ಬಳಕೆ ಹೆಚ್ಚಾಗಿರುದರಿಂದ ಇಂಟರ್ನೆಟ್ ಬಳಕೆ ಕೂಡ ವೇಗವಾಗಿ ಏರಿಕೆ ಕಾಣುತ್ತಿದೆ. ಈ ನಡುವೆ ಟೆಲಿಕಾಂ ಕಂಪನಿಗಳಾದ ಜಿಯೋ, ಏರ್ಟೆಲ್ ಜಿದ್ದಿಗೆ ಬಿದ್ದಂತೆ ಹೊಸ ಹೊಸ ಆಫರ್ ಗಳನ್ನು ಜನರಿಗೆ ಪರಿಚಯಿಸುತ್ತಿದೆ. ಈ ನಡುವೆ ಬಿಎಸ್ಎನ್ಎಲ್ ಕೂಡ ಆಫರ್ ನೀಡಿದ್ದು, ಇದೀಗ, ವೊಡಫೋನ್ ಐಡಿಯಾ ಕೂಡ ತನ್ನ ಗ್ರಾಹಕರಿಗಾಗಿ 2 ರೀಚಾರ್ಜ್ ಪ್ಲಾನ್ಗಳನ್ನು ಪರಿಚಯಿಸಿದ್ದು, ಹೊಸವರ್ಷಕ್ಕೆ ಭಾರೀ ಅಗ್ಗದ ರೀಚಾರ್ಜ್ ಪ್ಲ್ಯಾನ್ ಬಿಡುಗಡೆ ಮಾಡಲಾಗಿದೆ.
ಭಾರತೀಯ ಟೆಲಿಕಾಂ ಕಂಪನಿಗಳಲ್ಲಿ 3 ನೇ ಸ್ಥಾನವನ್ನು ಪಡೆದುಕೊಂಡಿರುವ ವೊಡಫೋನ್ ಐಡಿಯಾ ಕಂಪನಿ (VI Company) ಗ್ರಾಹಕರ ಮನ ಸೆಳೆಯಲು ಸಿದ್ಧವಾಗುತ್ತಿದ್ದು, ಹೀಗಾಗಿ ಹೊಸ ಪ್ಲ್ಯಾನ್ಗಳನ್ನು (Recharge Plan) ಪರಿಚಯಿಸಿದೆ. ವೊಡಫೋನ್ ಮತ್ತು ಐಡಿಯಾ ಈ ಎರಡು ಕಂಪನಿಗಳು ವಿಲೀನವಾದ ಬಳಿಕ ಈ ಟೆಲಿಕಾಂ ಕಂಪನಿ ಹಲವಾರು ಗ್ರಾಹಕರನ್ನು ತನ್ನತ್ತ ಸೆಳೆಯುವ ಪ್ರಯತ್ನ ನಡೆಸುತ್ತಿದೆ.
ವೊಡಫೋನ್ ಐಡಿಯಾದ ಇದೀಗ ತನ್ನ ಗ್ರಾಹಕರನ್ನು ಸೆಳೆಯುವ ನಿಟ್ಟಿನಲ್ಲಿ ಎರಡು ರೀಚಾರ್ಜ್ ಪ್ಲಾನ್ಗಳನ್ನು ಪರಿಚಯಿಸಿದ್ದು, ಇವೆರಡೂ ಡೇಟಾ ವೋಚರ್ ಪ್ಲಾನ್ಗಳಾಗಿವೆ. ಕೈಗೆ ಎಟಕುವ ದರದಲ್ಲಿ ವೊಡಫೋನ್ ಐಡಿಯಾ ಬಂಪರ್ ಆಫರ್ ನೀಡಲು ಮುಂದಾಗಿವೆ. ವೊಡಫೋನ್ ಐಡಿಯಾ 25 ರೂಪಾಯಿ ಮತ್ತು 55 ರೂಪಾಯಿಯ ರೀಚಾರ್ಜ್ ಪ್ಲಾನ್ಗಳನ್ನು ಬಿಡುಗಡೆ ಮಾಡಿದೆ.
ವೊಡಫೋನ್ ಐಡಿಯಾ ಟೆಲಿಕಾಂ ಕಂಪನಿ ಡೇಟಾ ವೋಚರ್ ಪ್ಲ್ಯಾನ್ಗಳನ್ನೂ ಬಿಡುಗಡೆ ಮಾಡಿದ್ದು, ಅದರಲ್ಲಿ ಮುಖ್ಯವಾಗಿದ್ದು ವಿಐ 19ರೂ, ವಿಐ 29ರೂ, ವಿಐ 75ರೂ, ವಿಐ 108ರೂ ಹಾಗೂ ವಿಐ 151ರೂಪಾಯಿಗಳ ಡೇಟಾ ವೋಚರ್ ಪ್ಲ್ಯಾನ್ಗಳು ಹೆಚ್ಚು ಗಮನ ಸೆಳೆದಿವೆ.
ವಿಐ 25 ರೂಪಾಯಿ ಡೇಟಾ ವೋಚರ್ ಪ್ಲ್ಯಾನ್
ವೊಡಫೋನ್ ಐಡಿಯಾದ ಡೇಟಾ ವೋಚರ್ ಪ್ಲ್ಯಾನ್ಗಳಲ್ಲಿ 25 ರೂಪಾಯಿಯ ಡೇಟಾ ವೋಚರ್ ಪ್ಲಾನ್ ಕೂಡ ಒಂದಾಗಿದೆ. ಈ ರೀಚಾರ್ಜ್ 24 ಗಂಟೆಗಳ ಮಾನ್ಯತೆ ಪಡೆದಿದೆ. ರೀಚಾರ್ಜ್ ಮೂಲಕ 1.1 ಜಿಬಿ ಡೇಟಾವನ್ನು ಪಡೆಯಬಹುದಾಗಿದೆ. ಇದರ ಜೊತೆಗೆ ಈ ರೀಚಾರ್ಜ್ ಮೂಲಕ 7 ದಿನಗಳವರೆಗೆ ಮ್ಯೂಸಿಕ್ ಅನ್ನು ಕೇಳಬಹುದಾಗಿದೆ.
ವೊಡಫೋನ್ ಐಡಿಯಾದ 55 ರೂಪಾಯಿ ರೀಚಾರ್ಜ್ ಪ್ಲ್ಯಾನ್
ವೊಡಫೋನ್ ಐಡಿಯಾ ಟೆಲಿಕಾಂ ಕಂಪನಿ ನೂತನವಾಗಿ ಪರಿಚಯಿಸಿರುವ ಎರಡು ಪ್ಲ್ಯಾನ್ ಗಳಲ್ಲಿ ವಿಐ 55 ರೂಪಾಯಿ ಪ್ಲ್ಯಾನ್ ಕೂಡ ಆಗಿದೆ. ಇದು 4ಜಿ ಡೇಟಾ ವೋಚರ್ ಪ್ಲ್ಯಾನ್ ಆಗಿದ್ದು ಇದರಲ್ಲಿ ಒಟ್ಟು 3.3 ಜಿಬಿ ಡೇಟಾವನ್ನು ಗ್ರಾಹಕರು ಪಡೆಯಬಹುದಾಗಿದೆ. ಈ ಯೋಜನೆಯು ಒಟ್ಟು 7 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದ್ದು, ಈ ಯೋಜನೆಯು ಒಂದು ತಿಂಗಳವರೆಗೂ ಜಾಹೀರಾತು ಇಲ್ಲದೆ ಮ್ಯೂಸಿಕ್ ಅನ್ನು ಕೇಳುವ ಅವಕಾಶವನ್ನು ನೀಡಲಾಗಿದೆ.
ವೊಡಫೋನ್ ಐಡಿಯಾ ಕೆಲವು ಪ್ರೀಪೇಯ್ಡ್ ಯೋಜನೆಗಳನ್ನೂ ಬಿಡುಗಡೆ ಮಾಡಿದ್ದು, ಈ ಮೂಲಕ ಗ್ರಾಹಕರು ಇನ್ನಷ್ಟು ಡೇಟಾ, ಕರೆ ಸೌಲಭ್ಯಗಳನ್ನು ಪಡೆಯಬಹುದು. ಇದರೊಂದಿಗೆ ಅನ್ಲಿಮಿಟೆಡ್ ಉಚಿತ ಅನಿಯಮಿತ ಕರೆ ಜೊತೆಗೆ ಪ್ರತಿದಿನ 100 ಉಚಿತ ಎಸ್ಎಮ್ಎಸ್‌ ಸೌಲಭ್ಯ ಸಹ ಪಡೆಯಬಹುದಾಗಿದೆ. ಇನ್ನು ಈ ಪ್ರೀಪೇಯ್ಡ್ ಪ್ಲ್ಯಾನ್ನಲ್ಲಿ ಹೆಚ್ಚುವರಿಯಾಗಿ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ಚಂದಾದಾರಿಕೆ ಸಹ ದೊರೆಯಲಿದೆ. ಇದರೊಂದಿಗೆ ವಿಐ ಮೂವೀಸ್ ಹಾಗೂ ವಿಐ ಕ್ಲಾಸಿಕ್‌ ಆ್ಯಪ್ಸ್ಗಳು ಕೂಡ ಲಭ್ಯವಾಗಲಿವೆ.
ವಿಐ 2999 ರೂಪಾಯಿ ಪ್ರೀಪೇಯ್ಡ್ ರೀಚಾರ್ಜ್ ಪ್ಲ್ಯಾನ್
ವಿಐ ಟೆಲಿಕಾಂ ಕಂಪನಿಯ 2,999ರೂಪಾಯಿ ಪ್ರೀಪೇಯ್ಡ್ ಪ್ಲ್ಯಾನ್ ವಾರ್ಷಿಕ ವ್ಯಾಲಿಡಿಟಿ ಯೋಜನೆಯಾಗಿದ್ದು, ಈ ರೀಚಾರ್ಜ್ ಪ್ಲ್ಯಾನ್ 365 ದಿನಗಳ ವ್ಯಾಲಿಡಿಟಿಯನ್ನು ಒಳಗೊಂಡಿವೆ. ಈ ಯೋಜನೆಯು ಪೂರ್ಣ ವ್ಯಾಲಿಡಿಟಿ ಅವಧಿಯಲ್ಲಿ ಒಟ್ಟು 850 ಜಿಬಿ ಡೇಟಾ ಪ್ರಯೋಜನವನ್ನು ಬಳಸುವ ಅವಕಾಶವಿದೆ. ಪ್ರತಿ ದಿನ 2.33 ಜಿಬಿ ಡೇಟಾ ಪ್ರಯೋಜನವನ್ನು ಪಡೆಯಬಹುದಾಗಿದೆ. ಇದರ ಜೊತೆಗೆ ಪ್ಲ್ಯಾನ್ನಲ್ಲಿ ಮಧ್ಯರಾತ್ರಿ 12 ಗಂಟೆಯಿಂದ ಬೆಳಿಗ್ಗೆ 6 ಗಂಟೆಯವರೆಗೆ ಅನ್ಲಿಮಿಟೆಡ್ ಉಚಿತ ಡೇಟಾ ಸೌಲಭ್ಯ ಕೂಡ ದೊರೆಯಲಿದೆ.
