President’s Bodyguard: ರಾಷ್ಟ್ರಪತಿಯ ಅಂಗರಕ್ಷಕರಾಗಲು ಈ 3 ಜಾತಿಯವರಿಗೆ ಮಾತ್ರ ಅವಕಾಶ!!

President’s Bodyguard: ಭಾರತದ ರಾಷ್ಟ್ರಪತಿಗಳ ಅಂಗರಕ್ಷಕರ ಬಗ್ಗೆ ಇತ್ತೀಚಿನ ದಿನಗಳಲ್ಲಿ ಸಾಕಷ್ಟು ಚರ್ಚೆಯಾಗುತ್ತಿದೆ. ರಾಷ್ಟ್ರಪತಿ ಹಾಗೂ ಅವರ ನಡುವಿನ ನಿಕಟ ಸಂಬಂಧ ತಾಯಿ ಮಗನ ರೀತಿ ಇದೆ ಎಂದೆಲ್ಲ ಸೋಶಿಯಲ್ ಮೀಡಿಯಾದಲ್ಲಿ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಆದರೆ ಭಾರತದ ರಾಷ್ಟ್ರಪತಿಗಳ ಅಂಗರಕ್ಷಕರಾಗಲು ದೇಶದ ಈ ಮೂರು ಜಾತಿಗಳಿಗೆ ಮಾತ್ರ ಅವಕಾಶವಿದೆ ಎಂಬುದು ನಿಮಗೆ ಗೊತ್ತಿದೆಯೇ? ಇಲ್ಲಿದೆ ನೋಡಿ ಡಿಟೇಲ್ಸ್ 

ಭಾರತದಲ್ಲಿ ಸರಕಾರಿ ಉದ್ಯೋಗ ಅಥವಾ ಶಿಕ್ಷಣ ಪಡೆಯುವ ಸಂದರ್ಭದಲ್ಲಿ ದುರ್ಬಲ ಜಾತಿ, ವರ್ಗಗಳಿಗೆ ಸಂವಿಧಾನಿಕವಾಗಿ ಮೀಸಲಾತಿಯನ್ನು ನೀಡಲಾಗಿದೆ. ಆದರೆ ಇಂತಹ ಕಾರ್ಯಕ್ಕೆ ಇಂತಹದ್ದೇ ಜಾತಿಯವರ ನೇಮಕ ಆಗಬೇಕು ಎಂಬ ಕಾನೂನು ಎಲ್ಲೂ ಇಲ್ಲ. ಆದರೂ ಕೂಡ ಭಾರತದ ರಾಷ್ಟ್ರಪತಿಗಳಿಗೆ ರಕ್ಷಣೆ ನೀಡುವ ರಾಷ್ಟ್ರಪತಿಗಳ ಅಂಗರಕ್ಷಕರ (President’s Bodyguard)ಪಡೆಗೆ ಆಯ್ಕೆಯಾಗುವುದಕ್ಕೆ ಕೇವಲ 3 ಜಾತಿಗಳಿಗೆ ಮಾತ್ರ ಅವಕಾಶವಿದೆ. ಹೌದು ಜಾಟ್‌ಗಳು, ರಜಪೂತರು ಮತ್ತು ಜಾಟ್ ಸಿಖ್ಖರಿಗೆ ಮಾತ್ರ ರಾಷ್ಟ್ರಪತಿಗಳ ಅಂಗರಕ್ಷಕರಾಗುವ ಅವಕಾಶ ಇದೆ.

ಎಷ್ಟು ಪ್ರಮಾಣದಲ್ಲಿ ಮೀಸಲಾತಿ ಇದೆ?

33.3% ಜಾಟರು (ಹಿಂದೂ ಜಾಟರು)

33.3% ರಜಪೂತರು (ಹಿಂದೂ ರಜಪೂತರು)

33.3% ಜಾಟ್ ಸಿಖ್ಕರು

ಹೀಗೆ ಪ್ರತಿ ಸಮುದಾಯಕ್ಕೆ ಶೇ.33.3 ಪ್ರಮಾಣದ ಅವಕಾಶದೊಂದಿಗೆ ನೇಮಕಾತಿ ಮಾಡಿಕೊಳ್ಳಲಾಗುತ್ತದೆ. ಈ ನಿರ್ಬಂಧವು ಸೈನಿಕರಿಗೆ ಮಾತ್ರ ಅನ್ವಯಿಸುತ್ತದೆ. ಘಟಕವನ್ನು ನಿರ್ವಹಿಸುವ ಅಧಿಕಾರಿಗಳು ಮತ್ತು ಆಡಳಿತ ಸಿಬ್ಬಂದಿಯನ್ನು (ಗುಮಾಸ್ತರು, ವ್ಯಾಪಾರಿಗಳು) ಭಾರತದ ಯಾವುದೇ ಸಮುದಾಯ ಅಥವಾ ಪ್ರದೇಶದಿಂದ ನೇಮಕ ಮಾಡಬಹುದು. ಅಲ್ಲದೆ ಭಾರತೀಯ ಸೇನೆಯು ಸುಪ್ರೀಂ ಕೋರ್ಟ್ ಮತ್ತು ದೆಹಲಿ ಹೈಕೋರ್ಟ್‌ನಲ್ಲಿ ಈ ನೀತಿಯನ್ನು ಅಧಿಕೃತವಾಗಿ ಸಮರ್ಥಿಸಿಕೊಂಡಿದೆ. 

ಈ ಮೂರು ವರ್ಗಗಳಿಗೆ ಮಾತ್ರ ಯಾಕೆ ಅವಕಾಶ?

ಸೇನೆಯೂ ಇದು ತಾರತಮ್ಯ ಅಲ್ಲ ಬದಲಾಗಿ ವಿಧ್ಯುಕ್ತ ಕರ್ತವ್ಯಗಳ ಕ್ರಿಯಾತ್ಮಕ ಅಗತ್ಯಗಳನ್ನು ಆಧರಿಸಿದೆ ಎಂದು ವಾದಿಸಿತು ರಾಷ್ಟ್ರಪತಿಗಳ ಗೃಹ ಪಡೆಗಳ ವಿಶಿಷ್ಟ ಕ್ರಿಯಾತ್ಮಕ ಅವಶ್ಯಕತೆಗಳನ್ನು ಒಪ್ಪಿಕೊಂಡು ನ್ಯಾಯಾಲಯಗಳು ಸಾಮಾನ್ಯವಾಗಿ ಮಿಲಿಟರಿ ನೀತಿಯಲ್ಲಿ ಹಸ್ತಕ್ಷೇಪ ಮಾಡಲು ನಿರಾಕರಿಸಿದವು.

ರಾಷ್ಟ್ರಪತಿಗಳ ಅಂಗರಕ್ಷಕ ಪಡೆ (ಪಿಬಿಜಿ) ಭಾರತೀಯ ಸೇನೆಯ ಅತ್ಯಂತ ಹಿರಿಯ ರೆಜಿಮೆಂಟ್ ಆಗಿದೆ. ಇದು ರಾಷ್ಟ್ರಪತಿ ಭವನದಲ್ಲಿ ನೆಲೆಗೊಂಡಿರುವ ಒಂದು ಗಣ್ಯ ಗೃಹ ಅಶ್ವದಳ ಘಟಕವಾಗಿದ್ದು, ಭಾರತದ ರಾಷ್ಟ್ರಪತಿಗಳ ರಕ್ಷಣೆ ಮತ್ತು ವಿಧ್ಯುಕ್ತ ಬೆಂಗಾವಲು ಕಾರ್ಯವನ್ನು ನಿರ್ವಹಿಸುತ್ತದೆ. ಆಧುನಿಕ ಭಾರತೀಯ ಸೇನೆಯು ತನ್ನೆಲ್ಲಾ ನೇಮಕಾತಿಯನ್ನು ‘ಅಖಿಲ ಭಾರತ, ಸರ್ವ ವರ್ಗ’ (All India, All Class)ಆಧಾರದ ಮೇಲೆ ನಡೆಸುತ್ತಿದ್ದರೂ, ಪಿಬಿಜಿಗೆ ಮಾತ್ರ ನೇಮಕಾತಿ ವೇಳೆ ಸ್ಥಿರ ವರ್ಗ(Fixed Class)ದಿಂದ ಆಯ್ಕೆ ಮಾಡಲಾಗುತ್ತದೆ. ಈ ಸಂಯೋಜನೆಯನ್ನು ಕಟ್ಟುನಿಟ್ಟಾಗಿ ಅನುಸರಿಸುವ ಕೆಲವೇ ರೆಜಿಮೆಂಟ್‌ಗಳಲ್ಲಿ ಇದು ಒಂದಾಗಿದೆ.

ಇನ್ನೂ ಪಿಬಿಜಿ ಸೈನ್ಯದಲ್ಲಿ ಅತ್ಯಂತ ಕಟ್ಟುನಿಟ್ಟಾದ ದೈಹಿಕ ಮಾನದಂಡಗಳನ್ನು ಹೊಂದಿದೆ. ಕನಿಷ್ಠ ಎತ್ತರದ ಅವಶ್ಯಕತೆ 6 ಅಡಿ (183 ಸೆಂ.ಮೀ), ಇದು ರಾಷ್ಟ್ರೀಯ ಸರಾಸರಿಗಿಂತ ಗಮನಾರ್ಹವಾಗಿ ಹೆಚ್ಚು ಎತ್ತರವಾಗಿದೆ. ಹಾಗೆಯೇ ಇದಕ್ಕೆ ಆಯ್ಕೆಯಾಗುವ ಅರ್ಹತೆ ಇರುವ ಈ ಮೂರು ನಿರ್ದಿಷ್ಟ ಸಮುದಾಯಗಳು (ಜಾಟ್‌ಗಳು, ರಜಪೂತರು ಮತ್ತು ಜಾಟ್ ಸಿಖ್ಖರು) ಸಾಮಾನ್ಯವಾಗಿ ಹೆಚ್ಚಿನ ಸರಾಸರಿ ಎತ್ತರ ಮತ್ತು ಒಂದೇ ರೀತಿಯ ದೈಹಿಕ ರಚನೆಯನ್ನು ಹೊಂದಿದ್ದು, ವಿಧ್ಯುಕ್ತ ಮೆರವಣಿಗೆಗಳಿಗೆ ಅಗತ್ಯವಿರುವ ಸಂಪೂರ್ಣವಾಗಿ ಏಕರೂಪದ ನೋಟವನ್ನು ಕಾಪಾಡಿಕೊಳ್ಳಲು ಸುಲಭವಾಗುತ್ತದೆ ಎಂದು ಸೇನೆಯು ಪ್ರತಿಪಾದಿಸುತ್ತದೆ.