ಸೋಮವಾರ, 16 ನವೆಂಬರ್ 2026
Trending

Delhi :ಹಿಂದೂ ದೇವಾಲಯಗಳಲ್ಲಿರುವ ಟನ್ ಗಟ್ಟಲೆ ಚಿನ್ನ ತೆಗೆದು ಸಾರ್ವಜನಿಕ ಕೆಲಸಕ್ಕೆ ಬಳಸಿ – ಖ್ಯಾತ ಕ್ರೈಸ್ತ ಪಾದ್ರಿ ಹೇಳಿಕೆ

Advertisement
Advertisement

Delhi: ಕ್ಯಾಥೋಲಿಕ್ ಪಾದ್ರಿ ಫಾ. ಪಾಲ್ ತೆಲಕ್ಕಾಟ್ ಹಿಂದೂ ದೇವಾಲಯಗಳಲ್ಲಿರುವ ಚಿನ್ನದ ಕುರಿತು ಮಾತನಾಡಿರುವು ವಿವಾದಕ್ಕೆ ಗುರಿಯಾಗಿದೆ. 

Sponsored

ಕ್ರೈಸ್ತ ಸಂಸ್ಥೆಗಳ ವಿದೇಶಿ ನಿಧಿಗಳ ಪರಿಶೀಲನೆಯನ್ನು ಸಮರ್ಥಿಸುವ ಭರದಲ್ಲಿ ಕ್ಯಾಥೋಲಿಕ್ ಪಾದ್ರಿ ಫಾ. ಪಾಲ್ ತೆಲಕ್ಕಾಟ್ ಅವರು ದೇವಾಲಯಗಳಲ್ಲಿ ಇರುವ “ಟನ್‌ಗಳಷ್ಟು ಚಿನ್ನ”ವನ್ನು ಸಾರ್ವಜನಿಕ ಸೇವೆಗೆ ಬಳಸಬಹುದಲ್ಲವೇ’ ಎಂದು ಪ್ರಶ್ನೆ ಮಾಡಿದ್ದಾರೆ. ಅವರು ಮಾಡಿದ ಈ ಹೇಳಿಕೆ, ಮಾತೃಭೂಮಿ ಮಾಧ್ಯಮದಿಂದ ಪ್ರಸಾರವಾದ ಒಂದು ವೀಡಿಯೊ ಕ್ಲಿಪ್‌ನಲ್ಲಿ ಹೊರಬಿದ್ದಿದ್ದು, ನಂತರದಿಂದ ತೀವ್ರ ಪ್ರತಿಕ್ರಿಯೆಗಳನ್ನು ಹುಟ್ಟುಹಾಕಿದೆ.

Advertisement
Advertisement

ಆ ವೀಡಿಯೊದಲ್ಲಿ, ಲೋಕಸಭೆಯಲ್ಲಿ ಮಂಡನೆಯಾದ FCRA ಮಸೂದೆಯನ್ನು ಸುತ್ತುವರೆದ ಚರ್ಚೆಗಳಿಗೆ, ವಿಶೇಷವಾಗಿ ಧಾರ್ಮಿಕ ಸಂಸ್ಥೆಗಳು ಮತ್ತು ಅವುಗಳ ಆಸ್ತಿಗಳ ಕುರಿತು ಬಂದ ಉಲ್ಲೇಖಗಳಿಗೆ ತೆಲಕ್ಕಾಟ್ ಪ್ರತಿಕ್ರಿಯಿಸಿದ್ದಾರೆ. ತಮ್ಮ ಮಾತಿನ ವೇಳೆ ಅವರು ಚರ್ಚ್ ಚಟುವಟಿಕೆಗಳನ್ನು ದೇವಾಲಯಗಳ ಸಂಪತ್ತಿನೊಂದಿಗೆ ಹೋಲಿಸಿ, “ಕ್ರೈಸ್ತ ಚರ್ಚ್ ತನ್ನ ಎಲ್ಲಾ ಹಣವನ್ನು ಅಲ್ಲಿ ಇಲ್ಲಿ ಜಮಾ ಮಾಡಿಕೊಂಡು ಕುಳಿತಿಲ್ಲ, ನಾನು ನಿಮಗೆ ಟೀಕೆ ಮಾಡಬೇಕೆಂದಿಲ್ಲ, ಆದರೆ ದೊಡ್ಡ ದೇವಾಲಯಗಳಲ್ಲಿ ಎಷ್ಟು ಟನ್ ಚಿನ್ನವನ್ನು ಸಂಗ್ರಹಿಸಲಾಗಿದೆ? ಇವೆಲ್ಲವೂ ಸಮಾಜದ ಸೇವೆಗೆ ಬಳಸಲ್ಪಡಬೇಕು” ಎಂದು ಹೇಳಿರುವುದು ಭಾರೀ ವಿವಾದಕ್ಕೆ ಗುರಿಯಾಗಿದೆ.

Advertisement
Advertisement
Advertisement