Video Viral: ದರ್ಗಾಗಳಲ್ಲಿ ರಾಮ ನಾಮ ಜಪಿಸಿ, ದೀಪ ಬೆಳಗಿಸಿ- ಮೌಲ್ವಿಯ ವೀಡಿಯೋ ವೈರಲ್‌!!!

 Ram Mandir: ಅಯೋಧ್ಯೆಯ ರಾಮಮಂದಿರದ(Ram Mandir)ಉದ್ಘಾಟನೆಗೆ ಕ್ಷಣಗಣನೆ ಆರಂಭವಾಗಿದೆ. ಈ ಶುಭ ಮುಹೂರ್ತದಲ್ಲಿ ಮಂದಿರದ ಗರ್ಭಗುಡಿಯಲ್ಲಿ ರಾಮಲಲ್ಲಾ ಮೂರ್ತಿಯ (Ram Lalla Idol)ಪ್ರತಿಷ್ಠಾಪನೆ ನಡೆಯಲಿದೆ.

ದೇಶಾದ್ಯಂತ ರಾಮಮಂದಿರ ಪ್ರಾಣಪ್ರತಿಷ್ಠಾಪನೆಯನ್ನು ಕಣ್ತುಂಬಿಕೊಳ್ಳಲು ಕಾತುರದಿಂದ ಜನರು ಎದುರು ನೋಡುತ್ತಿದ್ದಾರೆ. ಈ ನಡುವೆ, ರಾಮ ಮಂದಿರ ಉದ್ಘಾಟನೆಗೆ ಭರದ ಸಿದ್ಧತೆ ನಡೆಯುತ್ತಿದ್ದು, ಈ ನಡುವೆ ಮುಸ್ಲಿಂ ಮೌಲ್ವಿಯೊಬ್ಬರು ರಾಮಮಂದಿರ ಪ್ರಾಣಪ್ರತಿಷ್ಠಾಪನೆ ದಿನ ಮಸೀದಿ, ದರ್ಗಗಳಲ್ಲಿ ರಾಮನಾಮ ಜಪಿಸಿ ದೀಪ ಬೆಳಗಿಸಿ ಎಂದು ಸಾಮರಸ್ಯದ ಸಂದೇಶ ನೀಡಿರುವ ವಿಡಿಯೋ ವೈರಲ್ ಆಗಿದೆ.

https://x.com/Senapatibhakt/status/1748382515327557637?s=20

ವೈರಲ್ ಆಗಿರುವ ವಿಡಿಯೋದಲ್ಲಿ ಮೌಲ್ವಿ, ಮಾತನಾಡಿದ್ದು, ನನ್ನ ಎಲ್ಲಾ ಮುಸಲ್ಮಾನ ಭಾಂಧವರಿಗೆ ನಾನು ವಿನಂತಿ ಮಾಡಲು ಬಯಸುವುದೇನೆಂದರೆ ಜನವರಿ 22 ರಂದು ಶ್ರೀರಾಮ, ಜಯರಾಮ ಜಪಿಸಿ, ಮುಸ್ಲಿಂರು ತಮ್ಮ ಮನೆಗಳು,ಮಸೀದಿಗಳು ಹಾಗೂ ದರ್ಗಾಗಳಲ್ಲಿ ದೀಪ ಬೆಳಗಿಸಿ ಎಂದು ಸಾಮರಸ್ಯದ ಸಂದೇಶವನ್ನು ಸಾರಿದ್ದಾರೆ.