Breast Cancer In Women: ಭಾರತದಲ್ಲಿ ಈ ವಯಸ್ಸಿನ ಮಹಿಳೆಯರಲ್ಲಿ ಹೆಚ್ಚಾಗ್ತಿದೆ ಸ್ತನ ಕ್ಯಾನ್ಸರ್ – ಎಚ್ಚರಿಕೆ ವಹಿಸದಿದ್ರೆ ಅಪಾಯ ಕಟ್ಟಿಟ್ಟ ಬುತ್ತಿ !!
Breast Cancer In Women: ಮಹಿಳೆಯರ ಸ್ತನದ ಕ್ಯಾನ್ಸರ್ ಲೋಬ್ಯುಲ್‌ಗಳಲ್ಲಿ (ಹಾಲು ಉತ್ಪತ್ತಿಯಾಗುವ ಗ್ರಂಥಿ), ಹಾಲನ್ನು ವರ್ಗಾಯಿಸುವ ಟ್ಯೂಬ್‌ಗಳಲ್ಲಿ ಅಥವಾ ಈ ಎರಡು ಸ್ಥಳಗಳ ನಡುವಿನ ಸಂಯೋಜಕ ಅಂಗಾಂಶದಲ್ಲಿ ಕ್ಯಾನ್ಸರ್ ಕಂಡು ಬರುತ್ತದೆ. ಇದರಿಂದ ಮಹಿಳೆಯರಿಗೆ ಆಪತ್ತು ಕಟ್ಟಿಟ್ಟ ಬುತ್ತಿ. ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, ಸ್ತನ ಕ್ಯಾನ್ಸರ್ (Breast Cancer In Women) ವಿಶ್ವಾದ್ಯಂತ ಮಹಿಳೆಯರ ಮೇಲೆ ಪರಿಣಾಮ ಬೀರುವ ಸಾಮಾನ್ಯ ರೀತಿಯ ಕ್ಯಾನ್ಸರ್ ಆಗಿದೆ.
2020 ರಲ್ಲಿ 20 ಲಕ್ಷಕ್ಕೂ ಹೆಚ್ಚು ಮಹಿಳೆಯರು ಸ್ತನ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದಾರೆ ಮತ್ತು 6 ಲಕ್ಷಕ್ಕೂ ಹೆಚ್ಚು ರೋಗಿಗಳು ಪ್ರಾಣ ಕಳೆದುಕೊಂಡಿದ್ದಾರೆ. ಹಾಗಿದ್ದರೆ ಯಾರಲ್ಲಿ ಸ್ತನಗಳ ಕ್ಯಾನ್ಸರ್ ಬರುತ್ತೆ, ಅದರಲ್ಲೂ ಯಾವ ಮಹಿಳೆಯರಲ್ಲಿ ಹೆಚ್ಚಾಗಿ, ಯಾಕೆ ಕಾಣಬರುತ್ತೆ ಎಂದು ನಿಮಗೆ ತಿಳಿದಿದೆಯೇ!
ಸ್ತನ ಕ್ಯಾನ್ಸರ್ ಜಾಗೃತಿ ಕುರಿತು ಇತ್ತೀಚೆಗೆ ನಡೆದ ವೆಬ್‌ನಾರ್‌ನಲ್ಲಿ, ಫರಿದಾಬಾದ್‌ನ ಅಮೃತಾ ಆಸ್ಪತ್ರೆಯ ವೈದ್ಯಕೀಯ ಆಂಕೊಲಾಜಿಯ ಹಿರಿಯ ಸಲಹೆಗಾರ ಡಾ. ಸಕ್ಸಸ್ ಬಾಗ್ಮಾರ್, ‘ಸ್ತನ ಕ್ಯಾನ್ಸರ್ ಮಹಿಳೆಯರಲ್ಲಿ ಕಂಡುಬರುವ ಅತ್ಯಂತ ಸಾಮಾನ್ಯವಾದ ಕ್ಯಾನ್ಸರ್ ಮತ್ತು ಅದರ ಘಟನೆಗಳು ಆರೋಗ್ಯ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಹೊಸ ಗಡ್ಡೆಗಳು, ಸ್ತನ ರಚನೆಯಲ್ಲಿನ ಬದಲಾವಣೆಗಳು, ಚರ್ಮದ ಅಕ್ರಮಗಳು, ಮೊಲೆತೊಟ್ಟುಗಳಿಗೆ ಸಂಬಂಧಿಸಿದ ಸಮಸ್ಯೆಗಳು, ಮೊಲೆತೊಟ್ಟುಗಳಿಂದ ರಕ್ತಸ್ರಾವದಂತಹ ಬದಲಾವಣೆಗಳ ಮೇಲೆ ನಿಗಾ ಇಡುವುದು ಬಹಳ ಮುಖ್ಯ ಎಂದಿದ್ದಾರೆ.
ಮುಖ್ಯವಾಗಿ ಹದಿಹರೆಯದವರು ಮತ್ತು 20 ರಿಂದ 30 ವರ್ಷ ವಯಸ್ಸಿನವರಿಗೆ ಮೊದಲು ಅಲ್ಟ್ರಾಸೌಂಡ್ ಇಮೇಜಿಂಗ್ ಮಾಡಿಸಬಹುದು. ನಂತರ ಅಗತ್ಯವಿದ್ದರೆ ಮ್ಯಾಮೊಗ್ರಫಿ ಮಾಡಬಹುದು ಎಂದು ಕೊಚ್ಚಿಯ ಅಮೃತಾ ಆಸ್ಪತ್ರೆಯ ವಿಕಿರಣಶಾಸ್ತ್ರದ ಸಹ ಪ್ರಾಧ್ಯಾಪಕರಾದ ಡಾ ಲಕ್ಷ್ಮಿ ಆರ್ ಮಾತನಾಡಿ, “30-40 ವರ್ಷ ವಯಸ್ಸಿನ ಮಹಿಳೆಯರು ಮ್ಯಾಮೊಗ್ರಫಿ ಜೊತೆಗೆ ಅಲ್ಟ್ರಾಸೌಂಡ್ ಅನ್ನು ಆಯ್ಕೆ ಮಾಡಬಹುದು. ಕಾಂಟ್ರಾಸ್ಟ್-ವರ್ಧಿತ ಮ್ಯಾಮೊಗ್ರಫಿ (CEM) ಆರಂಭಿಕ ಪತ್ತೆಹಚ್ಚುವಿಕೆಗೆ ಒಂದು ಸುಧಾರಿತ ತಂತ್ರಜ್ಞಾನವಾಗಿದೆ. ಈ ತಂತ್ರಜ್ಞಾನವು “ಒಂದು ರೀತಿಯ ಸಮಸ್ಯೆ ಪರಿಹಾರವಾಗಿದೆ ಮತ್ತು ಕೀಮೋಥೆರಪಿ ಪ್ರತಿಕ್ರಿಯೆಯ ಮೌಲ್ಯಮಾಪನ ಹಂತ ಮತ್ತು ಅದಕ್ಕೂ ಮೀರಿ ಸಹಾಯ ಮಾಡುತ್ತದೆ ಎಂದಿದ್ದಾರೆ.
ಇದನ್ನು ಓದಿ: CBSE ವಿದ್ಯಾರ್ಥಿಗಳಿಗೆ ಮಹತ್ವದ ಮಾಹಿತಿ- 10, 12ನೇ ಬೋರ್ಡ್ ಪರೀಕ್ಷೆಗಳಿಗೆ ಬಂತು ಹೊಸ ರೂಲ್ಸ್
