DL New Rules: ಡ್ರೈವಿಂಗ್ ಲೈಸೆನ್ಸ್ (Driving licence)ಯಾವುದೇ ವಾಹನವನ್ನೂ ಚಲಾಯಿಸಲು ಅವಶ್ಯಕವಾಗಿದ್ದು, ಒಂದು ವೇಳೆ ಡಿಎಲ್(DL) ಎಂದರೆ ಡ್ರೈವಿಂಗ್ ಲೈಸೆನ್ಸ್ ಹೊಂದಿಲ್ಲ ಎಂದಾದರೆ ಸಾಮಾನ್ಯವಾಗಿ ನೀವು ಅದಕ್ಕಾಗಿ ಪ್ರಾದೇಶಿಕ ಸಾರಿಗೆ ಕಚೇರಿಗೆ ಹೋಗಿ ಮಾಡಿಸಿಕೊಂಡು ಬರುತ್ತೀರಾ ಅಲ್ಲವೇ? ಆದರೆ, ನೀವು ಇನ್ನೂ ಮುಂದೆ ಹೀಗೆ ಓಡಾಟ ನಡೆಸಬೇಕಾದ ಅನಿವಾರ್ಯತೆ ಇಲ್ಲ. ಯಾಕಂದ್ರೆ, ಇದು ಡಿಜಿಟಲ್ ಯುಗ.. ನೀವು ಇರುವಲ್ಲಿಯೇ ಆನ್ಲೈನ್ನಲ್ಲಿ (Online) ಸುಲಭವಾಗಿ ಡ್ರೈವಿಂಗ್ ಲೈಸೆನ್ಸ್ ಮಾಡಿಕೊಳ್ಳಬಹುದು. ಇದೀಗ, ಸರ್ಕಾರ ಹೊಸ ನಿಯಮ ಜಾರಿಗೆ ತಂದಿದೆ.
ಕೇಂದ್ರ ಸರ್ಕಾರ ಮತ್ತು ರಾಜ್ಯ ಸಾರಿಗೆ ಪ್ರಾಧಿಕಾರವು ಡಿಎಲ್ ಗೆ ಸಂಬಂಧಿಸಿದಂತೆ ಜುಲೈ 1 ರಿಂದ ಹೊಸ ನಿಯಮಗಳನ್ನು ಜಾರಿಗೆ ತರಲು ಮುಂದಾಗಿದೆ. ಹೊಸ ನಿಯಮಗಳ ಅನುಸಾರ, ನಿಮ್ಮ ರಾಜ್ಯ-ಮಾನ್ಯತೆ ಪಡೆದ ಡ್ರಿಬ್ಲಿಂಗ್ ತರಬೇತಿ ಕೇಂದ್ರದಲ್ಲಿ ಉತ್ತೀರ್ಣರಾಗಿದ್ದಲ್ಲಿ ಅರ್ಜಿ ಸಲ್ಲಿಸುವಾಗ RTO ನಲ್ಲಿ ಡ್ರೈವಿಂಗ್ ಪರೀಕ್ಷೆಯನ್ನು ಎದುರಿಸಬೇಕಾಗಿಲ್ಲ. RTOಗೆ ಹೋಗದೆ ಮನೆಯಿಂದಲೇ ಡ್ರೈವಿಂಗ್ ಲೈಸೆನ್ಸ್ ಅನ್ನು ಪಡೆದುಕೊಳ್ಳಬಹುದಾಗಿದೆ.ಈ ನಿಯಮಗಳು ಒಟ್ಟು 5 ವರ್ಷಗಳವರೆಗೆ ಮಾನ್ಯವಾಗಿರುತ್ತವೆ ಎನ್ನಲಾಗಿದೆ. ಹಾಗಿದ್ರೆ, ಡ್ರೈವಿಂಗ್ ಲೈಸೆನ್ಸ್ ಕುರಿತ ಹೊಸ ನಿಯಮಗಳೇನು?
ಡ್ರೈವಿಂಗ್ ಲೈಸೆನ್ಸ್(DL New Rules) ಪಡೆಯುವ ಹೊಸ ನಿಯಮಗಳು ಹೀಗಿವೆ:
ಚಾಲನಾ ಪರವಾನಗಿಗಾಗಿ ತರಬೇತಿ ಕೇಂದ್ರಗಳಿಗೆ ಕುರಿತಂತೆ, ರಸ್ತೆ ಮತ್ತು ಸಾರಿಗೆ ಸಚಿವಾಲಯ ಕೆಲವು ಮಾರ್ಗಸೂಚಿಗಳು ಮತ್ತು ಷರತ್ತುಗಳನ್ನ ವಿಧಿಸಿದೆ. ಇದು ತರಬೇತಿ ಕೇಂದ್ರಗಳ ಪ್ರದೇಶದಿಂದ ಬೋಧಕರ ಶಿಕ್ಷಣದವರೆಗಿನ ನಿಯಮಗಳಿಗೆ ಅನ್ವಯವಾಗುತ್ತದೆ. ಸಾರಿಗೆ ಸಚಿವಾಲಯವು ಬೋಧನಾ ಪಠ್ಯಕ್ರಮವನ್ನು ನಿಗದಿಪಡಿಸಿದ್ದು, ಇದರಲ್ಲಿ ಲಘು ಮೋಟಾರು ವಾಹನವನ್ನು ಚಾಲನೆ ಮಾಡಲು, ಕೋರ್ಸ್ನ ಅವಧಿಯು ಗರಿಷ್ಠ 4 ವಾರಗಳು ಮತ್ತು 29 ಗಂಟೆಗಳವರೆಗೆ ಇರಲಿದೆ. ಮಧ್ಯಮ ಮತ್ತು ಭಾರೀ ಪ್ರಯಾಣಿಕ ಸರಕುಗಳ ವಾಹನಗಳು ಅಥವಾ ಟ್ರೇಲರ್ಗಳ ಕೇಂದ್ರಗಳಿಗೆ ಎರಡು ಎಕರೆ ಭೂಮಿ ಅವಶ್ಯಕವಾಗಿದೆ.
ಈ ಚಾಲನಾ ಕೇಂದ್ರಗಳ ಪಠ್ಯಕ್ರಮವನ್ನು ಸಿದ್ಧಾಂತ ಮತ್ತು ಪ್ರಾಯೋಗಿಕವಾಗಿ 2 ಭಾಗಗಳಾಗಿ ವಿಂಗಡಿಸಲಾಗಿದ್ದು, ಮೂಲಭೂತ ರಸ್ತೆಗಳು, ಗ್ರಾಮೀಣ ರಸ್ತೆಗಳು, ಹೆದ್ದಾರಿಗಳು, ನಗರ ರಸ್ತೆಗಳು, ಹಿಮ್ಮುಖ ಮತ್ತು ಪಾರ್ಕಿಂಗ್, ಹತ್ತುವಿಕೆ ಮತ್ತು ಇಳಿಜಾರು ಚಾಲನೆ ಇತ್ಯಾದಿಗಳಲ್ಲಿ ಜನರು 21 ಗಂಟೆಗಳ ಕಾಲ ವಾಹನ ಚಾಲನೆ ಮಾಡಲು ಕಲಿತಿರಬೇಕು. ಸಿದ್ಧಾಂತದ ಭಾಗವು ಸಂಪೂರ್ಣ ಕೋರ್ಸ್ನ 8 ಗಂಟೆಗಳ ಅವಧಿಯಾಗಿರುತ್ತದೆ. ಅಗತ್ಯವಿರುವ ದಾಖಲೆಗಳು ಹೀಗಿವೆ.
ಆಧಾರ್ ಕಾರ್ಡ್, ಪಡಿತರ ಚೀಟಿ, ಜನನ ಪ್ರಮಾಣಪತ್ರ, ಪಾಸ್ಪೋರ್ಟ್, ಪ್ಯಾನ್ ಕಾರ್ಡ್,4 ಸಂಖ್ಯೆಯ ಅರ್ಜಿ ನಮೂನೆ, ಪಾಸ್ಪೋರ್ಟ್ ಗಾತ್ರದ ಫೋಟೋ,ವೈದ್ಯಕೀಯ ಪ್ರಮಾಣಪತ್ರಗಳು ಇತ್ಯಾದಿಗಳಿಗೆ ನಮೂನೆ 1 ಮತ್ತು 1A ಅನ್ನು ಬಳಕೆ ಮಾಡಲಾಗುತ್ತದೆ.
ಅಧಿಕೃತ ಏಜೆನ್ಸಿಯು ದ್ವಿಚಕ್ರ ವಾಹನಗಳು, ತ್ರಿಚಕ್ರ ವಾಹನಗಳು ಮತ್ತು ಲಘು ಮೋಟಾರು ವಾಹನಗಳ ತರಬೇತಿ ಕೇಂದ್ರಗಳಿಗೆ ಕನಿಷ್ಠ ಒಂದು ಎಕರೆ ಭೂಮಿಯನ್ನು ಒಳಗೊಂಡಿರುವುದನ್ನೂ ಖಾತ್ರಿ ಪಡಿಸಬೇಕು. ಇದಲ್ಲದೇ, ಸಂಚಾರಿ ನಿಯಮಗಳ ಸಂಪೂರ್ಣ ಜ್ಞಾನವನ್ನು ಹೊಂದಿರಬೇಕಾಗುತ್ತದೆ. ತರಬೇತುದಾರರು ಕನಿಷ್ಠ 12 ನೇ ತೇರ್ಗಡೆ ಹೊಂದಿದ್ದು, ಐದು ವರ್ಷಗಳ ಚಾಲನಾ ಅನುಭವವನ್ನು ಹೊಂದಿರಬೇಕಾಗುತ್ತದೆ.
ಇದನ್ನೂ ಓದಿ: Actor Rishab Shetty: ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಉದ್ಘಾಟನೆ ರಿಷಬ್ ಶೆಟ್ಟಿಯಿಂದ! ಏನಂದ್ರು ಶೆಟ್ರು ಗೊತ್ತಾ?
