Fire Boltt Smartwatches: ಫೈರ್ ​​ಬೋಲ್ಟ್​​​ ಕಂಪನಿಯಿಂದ ಪೈರ್ ತರಹ ಇರೋ ಮೂರು ಸ್ಮಾರ್ಟ್​​​ವಾಚ್​​ಗಳ ಭರ್ಜರಿ ಬಿಡುಗಡೆ | ಇದರ ವಿಶೇಷತೆ ನಿಜಕ್ಕೂ ಸೂಪರ್!!!

ಮಾರುಕಟ್ಟೆಯಲ್ಲಿ ಒಂದಲ್ಲಾ ಒಂದು, ಬೇರೆ ಬೇರೆ ಫೀಚರ್ಸ್​ಅನ್ನು ಒಳಗೊಂಡಂತಹ ಸ್ಮಾರ್ಟ್ ವಾಚ್ ಗಳು ಬಿಡುಗಡೆಯಾಗುತ್ತಲೇ ಇದೆ. ಈಗಂತೂ ಸಾಮಾನ್ಯ ವಾಚ್’ಗಿಂತಲೂ ಸ್ಮಾರ್ಟ್ ವಾಚ್’ಗಳನ್ನು ಬಳಸುವವರ ಸಂಖ್ಯೆ ಹೆಚ್ಚಾಗಿದೆ. ಸ್ಮಾರ್ಟ್​​ವಾಚ್ ​ಕಂಪನಿಗಳಲ್ಲಿ ಜನಪ್ರಿಯತೆ ಪಡೆದ ಕಂಪನಿಗಳಲ್ಲಿ ಫೈರ್ ​ಬೋಲ್ಟ್​ ಕೂಡ ಒಂದು. ಇದು ತನ್ನದೇ ಆದಂತಹ ವಿನ್ಯಾಸದಲ್ಲಿ ಸ್ಮಾರ್ಟ್​​ವಾಚ್​ಗಳನ್ನು ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡುವ ಮೂಲಕ ಉತ್ತಮ ಗ್ರಾಹಕರನ್ನು ಹೊಂದಿದೆ. ಇದೀಗ ಸ್ಮಾರ್ಟ್ ವಾಚ್ ಪ್ರಿಯರಿಗೆ ಹೊಸ ವರ್ಷದ ಪ್ರಯುಕ್ತ ಗುಡ್ ನ್ಯೂಸ್ ಒಂದನ್ನು ನೀಡಿದೆ.

ಫೈರ್ ​ಬೋಲ್ಟ್​ ಕಂಪನಿಯ ಸ್ಮಾರ್ಟ್​​ವಾಚ್​ಗಳಿಗೆ ಮಾರುಕಟ್ಟೆಯಲ್ಲಿ ಬಹಳಷ್ಟು ಬೇಡಿಕೆಯಿತ್ತು. ಆದರೆ ಈ ಕಂಪನಿ ಕೆಲತಿಂಗಳ ಹಿಂದೆ ತನ್ನ ಕಂಪನಿಯ ಉತ್ಪನ್ನಗಳನ್ನು ಬಿಡುಗಡೆಮಾಡುವುದನ್ನು ನಿಲ್ಲಿಸಿತ್ತು. ಆದರೆ ಇದೀಗ ಒಮ್ಮೆಲೆ 3 ಸ್ಮಾರ್ಟ್​​ವಾಚ್​ಗಳನ್ನು ಬಿಡುಗಡೆ ಮಾಡುತ್ತಿದ್ದೂ, ದೊಡ್ಡದಾಗಿ ಸದ್ದು ಮಾಡುತ್ತಿದೆ. ಫೈರ್​​ ಬೋಲ್ಟ್​ ಬಿಡುಗಡೆ ಮಾಡುತ್ತಿರುವಂತಹ ಸ್ಮಾರ್ಟ್​​ವಾಚ್​ಗಳನ್ನು ಫೈರ್ ಬೋಲ್ಟ್ ಟ್ಯಾಂಕ್, ಎಪಿಕ್ ಪ್ಲಸ್ ಮತ್ತು ಫೈರ್ ​ಬೋಲ್ಟ್​ ರೈಸ್ ಎಂದು ಹೆಸರಿಸಲಾಗಿದೆ. ಇವು ಮೂರು ಸ್ಮಾರ್ಟ್​​ವಾಚ್​ಗಳು ಬೇರೆ ಬೇರೆ ಫೀಚರ್ಸ್​ ಅನ್ನು ಹೊಂದಿದೆ. ಇದೀಗ ಪ್ರಸಿದ್ಧ ಇಕಾಮರ್ಸ್​ ಜಾಲತಾಣಗಳಾದ ಫ್ಲಿಪ್​ಕಾರ್ಟ್​​, ಅಮೆಜಾನ್​ನಲ್ಲಿ ಖರೀದಿಸಬಹುದಾಗಿದೆ. ಇದರ ಬೆಲೆ, ಫೀಚರ್ಸ್ ಬಗ್ಗೆ ಕಂಪ್ಲೀಟ್​ ಡಿಟೇಲ್ಸ್​ ಇಲ್ಲಿದೆ.

ಫೈರ್ ಬೋಲ್ಟ್ ಟ್ಯಾಂಕ್:- ಈ ಸ್ಮಾರ್ಟ್‌ವಾಚ್‌ 1.85 ಇಂಚಿನ ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿದ್ದೂ, 240 x 280 ಪಿಕ್ಸೆಲ್‌ಗಳ ರೆಸಲ್ಯೂಶನ್‌ ನೀಡಲಿದೆ. ಜೊತೆಗೆ IP68 ರೇಟಿಂಗ್‌ನೊಂದಿಗೆ ವಾಟರ್‌ ರೆಸಿಸ್ಟೆಂಟ್‌ ಆಯ್ಕೆಯು ಇದರಲ್ಲಿದೆ. ಅಲ್ಲದೇ 100+ ವಾಚ್ ಫೇಸ್‌ಗಳ ಫೀಚರ್ಸ್‌ ಕೂಡ ಇದರಲ್ಲಿ ಅಳವಡಿಸಲಾಗಿದೆ. ಈ ಸ್ಮಾರ್ಟ್​​​ವಾಚ್‌ ಧೂಳು ಮತ್ತು ಸ್ಪ್ಲಾಶ್ ನಿರೋಧಕವಾಗಿದ್ದು, ಇದರ ಜೊತೆಗೆ ಆರೋಗ್ಯ ಸಂಬಂಧಿತ ಫೀಚರ್ಸ್‌ಗಳನ್ನು ಈ ಸಾಧನ ಹೊಂದಿದೆ. ಹೃದಯ ಬಡಿತ, ನಿದ್ರೆಯ ಮಾನಿಟರಿಂಗ್, ಸೇರಿದಂತೆ ಇನ್ನೂ ಕೆಲವು ಫೀಚರ್ಸ್​ ಅನ್ನು ಹೊಂದಿದೆ.

ಇದಿಷ್ಟೇ ಅಲ್ಲದೆ ಈ ಸ್ಮಾರ್ಟ್‌ವಾಚ್‌ 123 ಸ್ಪೋರ್ಟ್ಸ್‌ ಮೋಡ್‌ಗಳು, ಸ್ಮಾರ್ಟ್ ನೋಟಿಫಿಕೇಶನ್‌ಗಳು ಹಾಗೂ ವಾಯ್ಸ್‌ ಅಸಿಸ್ಟೆಂಟ್‌ ಫೀಚರ್ಸ್​ ಅನ್ನು ಒಳಗೊಂಡಿದೆ. ಇನ್ನು ಇದರ ಬ್ಯಾಟರಿ ಫೀಚರ್ಸ್​ ಬಗ್ಗೆ ಹೇಳುವುದಾದರೆ ಇದು ಗುಣಮಟ್ಟದ ಬ್ಯಾಟರಿಯನ್ನು ಒಳಗೊಂಡಿದ್ದು, ಒಮ್ಮೆ ಫುಲ್​ ಚಾರ್ಜ್​ ಮಾಡಿದ್ರೆ ನಿರಂತರವಾಗಿ 7 ದಿನಗಳವರೆಗೆ ಬಳಕೆ ಮಾಡಬಹುದು. ಇನ್ನು ಸ್ಟ್ಯಾಂಡ್​ ಬೈ ಮೋಡ್​ನಲ್ಲಿ 30 ದಿನಗಳವರೆಗೆ ಬಳಸಬಹುದಾಗಿದೆ. ಫೈರ್ ಬೋಲ್ಟ್ ಟ್ಯಾಂಕ್ ಸ್ಮಾರ್ಟ್‌ವಾಚ್‌ಗೆ 1,999ರೂ. ಗಳ ಬೆಲೆ ನಿಗದಿ ಮಾಡಲಾಗಿದ್ದು, ಕಪ್ಪು, ಬೂದು ಮತ್ತು ಹಸಿರು ಬಣ್ಣದಲ್ಲಿ ಲಭ್ಯ ಇದೆ.

ಫೈರ್​ ಬೋಲ್ಟ್​ ಎಪಿಕ್​ ಪ್ಲಸ್​ ಸ್ಮಾರ್ಟ್​​ವಾಚ್:- ಫೈರ್ ಬೋಲ್ಟ್ ಎಪಿಕ್ ಪ್ಲಸ್ ಸ್ಮಾರ್ಟ್‌ವಾಚ್‌ 1.83 ಇಂಚಿನ ಫುಲ್‌ ಹೆಚ್‌ಡಿ ಡಿಸ್‌ಪ್ಲೇ ಯನ್ನು ಹೊಂದಿದ್ದೂ, 120 ಸ್ಪೋರ್ಟ್ಸ್‌ ಮೋಡ್‌ಗಳ ಫೀಚರ್ಸ್​ ಅನ್ನು ನೀಡಿದ್ದಾರೆ. ಹಾಗೆಯೇ IP68 ರೇಟಿಂಗ್‌ ಇದ್ದು, SpO2 ಮಾನಿಟರಿಂಗ್, ಮಹಿಳೆಯರ ಆರೋಗ್ಯ ಟ್ರ್ಯಾಕಿಂಗ್ ಮತ್ತು ಹೃದಯ ಬಡಿತ ಟ್ರ್ಯಾಕಿಂಗ್ ಹೀಗೆ ಆರೋಗ್ಯ ಸಂಬಂಧಿತ ಫೀಚರ್ಸ್ ಅನ್ನು ಅಳವಡಿಸಿದ್ದಾರೆ.

ಇನ್ನು ಈ ಸ್ಮಾರ್ಟ್​​ವಾಚ್ ಅನ್ನು ನಿಮ್ಮ ಸ್ಮಾರ್ಟ್​ಫೋನ್​ಗೆ ಕನೆಕ್ಟ್​ ಮಾಡಿದ್ರೆ ಮೊಬೈಲ್​ನ ಕ್ಯಾಮೆರಾ, ಮ್ಯೂಸಿಕ್​ ಇವೆಲ್ಲವನ್ನೂ ಕಂಟ್ರೋಲ್​ ಮಾಡುವ ಆಯ್ಕೆಯು ಇದೆ. ಈ ಸ್ಮಾರ್ಟ್‌ವಾಚ್ ಸಾಮಾನ್ಯ ದರ ಹೊಂದಿದ್ದು 1,199 ರೂ. ಗಳಿಗೆ ಲಭ್ಯವಿದೆ. ಕಪ್ಪು, ಬೂದು, ಗುಲಾಬಿ, ಹಸಿರು, ನೀಲಿ, ಕಿತ್ತಳೆ, ಕೆಂಪು ಮತ್ತು ಗೋಲ್ಡ್ ಕಪ್ಪು ಸೇರಿದಂತೆ ಹಲವಾರು ಬಣ್ಣಗಳಲ್ಲಿ ಲಭ್ಯ ಇದೆ.

ಫೈರ್​​ ಬೋಲ್ಟ್​ ರೈಸ್​ ಸ್ಮಾರ್ಟ್​​ವಾಚ್:- ಫೈರ್ ಬೋಲ್ಟ್ ರೈಸ್ ಸ್ಮಾರ್ಟ್‌ವಾಚ್‌ನಲ್ಲಿ ಕಂಪನಿ 1.85 ಇಂಚಿನ ಹೆಚ್‌ಡಿ ಡಿಸ್‌ಪ್ಲೇಯನ್ನು ನೀಡಿದ್ದೂ, 240 x 280 ಪಿಕ್ಸೆಲ್‌ಗಳ ರೆಸಲ್ಯೂಶನ್‌ ನೀಡಲಿದೆ. ಹಾಗೆಯೇ ಈ ವಾಚ್‌ 123 ಸ್ಪೋರ್ಟ್ಸ್‌ ಮೋಡ್‌ ಹೊಂದಿದ್ದು, ಇನ್‌ಬಿಲ್ಟ್‌ ಸ್ಪೀಕರ್‌ ಹಾಗೂ ಮೈಕ್ರೊಫೋನ್​ಗಳನ್ನು ಇದರಲ್ಲಿ ನೀಡಿದ್ದಾರೆ. ಇದರ ಜೊತೆಗೆ ಆರೋಗ್ಯ ಸಂಬಂಧಿ ಸಾಧನಗಳೂ ಇದ್ದೂ, ಹೃದಯದ ಬಡಿತ, ಸ್ಲೀಪಿಂಗ್​ ಮೋಡ್​ ಈ ರೀತಿಯ ಹಲವಾರು ಫೀಚರ್ಸ್​​ಗಳನ್ನು ಅಳವಡಿಸಿದ್ದಾರೆ.

ಇನ್ನು ಈ ಸ್ಮಾರ್ಟ್​ವಾಚ್​ ವಾಟರ್​ಪ್ರೂಫ್​ ಆಗಿದ್ದು ನೀರು ಬಿದ್ದರೂ ಏನಾಗುವುದಿಲ್ಲ. ಈ ಸ್ಮಾರ್ಟ್‌ವಾಚ್‌ನ ಆರಂಭಿಕ ಬೆಲೆ 1,999 ರೂ. ಗಳು ಇದ್ದು, ಈ ವಾಚ್‌ ಗ್ರೇ, ಕಪ್ಪು, ಬೂದು ಮತ್ತು ಗುಲಾಬಿ ಬಣ್ಣ ಸೇರಿದಂತೆ ನಾಲ್ಕು ಬಣ್ಣಗಳನ್ನು ಹೊಂದಿದೆ.

ಇನ್ನು ಈ ಸ್ಮಾರ್ಟ್​​ವಾಚ್​ಗಳನ್ನು ಅಮೆಜಾನ್, ಫ್ಲಿಪ್​ಕಾರ್ಟ್​ನಲ್ಲಿ ಖರೀದಿಸಬಹುದಾಗಿದೆ.