Central Budget : ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರದ 2026-27ನೇ ಸಾಲಿನ ಬಜೆಟ್ ಮಂಡನೆಯಾಗಿದ್ದು, ಹಣಕಾಸು ನಿರ್ಮಲಾ ಸೀತಾರಾಮನ್ ಅವರು ನಿನ್ನೆ (ಫೆ. 1) 9 ನೇ ಬಾರಿಗೆ ಬಜೆಟ್ ಮಂಡಿಸಿದ್ದಾರೆ. ನಿರ್ಮಲಾ ಸೀತಾರಾಮನ್ ಅವರು ಬಜೆಟ್ ಮಂಡನೆ ಮಾಡುತ್ತಿದ್ದಂತೆ ಚಿನ್ನ -ಬೆಳ್ಳಿ ದರ ಕುಸಿತ ಕಂಡಿದೆ.
ಹೌದು, ನಿರ್ಮಲಾ ಸೀತಾರಾಮನ್ ಅವರು 2026-27ನೇ ಸಾಲಿನ ಕೇಂದ್ರ ಬಜೆಟ್ ಮಂಡಿಸಿದ ಬಳಿಕ ಚಿನ್ನದ ದರದಲ್ಲಿ ಶೇ. 3 ಹಾಗೂ ಬೆಳ್ಳಿಯ ದರದಲ್ಲಿ ಶೇ. 9ರಷ್ಟು ಕುಸಿತ ಉಂಟಾಗಿದೆ.
ಆಲ್ ಇಂಡಿಯಾ ಸರಾಫ ಅಸೋಸಿಯೇಷನ್ ಪ್ರಕಾರ, ಬೆಳ್ಳಿಯ ದರದಲ್ಲಿ 72,500 ರೂ. ಕುಸಿತ ಉಂಟಾಗಿ (ಶೇ. 18.85) ಪ್ರತಿ ಕೆಜಿಗೆ 3,12,000 ರೂ. ತಲುಪಿದೆ. ಜನವರಿ ತಿಂಗಳಲ್ಲಿ ಬಲವಾದ ಏರಿಕೆ ದಾಖಲಿಸಿದ್ದ ಬೆಳ್ಳಿಯ ದರ 73,000 ರೂ. ಅಥವಾ ಶೇ. 30.5ರಷ್ಟು ಏರಿಕೆ ಕಂಡಿತ್ತು. ಇದಕ್ಕೂ ಮುನ್ನ ಡಿಸೆಂಬರ್ 31, 2025ಕ್ಕೆ ಅಂತ್ಯಗೊಂಡಂತೆ ಬೆಳ್ಳಿಯ ದರ ಪ್ರತಿ ಕೆಜಿಗೆ 2,39,000 ರೂ.ನಷ್ಟಿತ್ತು.
ಚಿನ್ನದ ದರವೂ ದುರ್ಬಲಗೊಂಡಿದ್ದು, ಪ್ರತಿ ಹತ್ತು ಗ್ರಾಂ (ಎಲ್ಲ ತೆರಿಗೆಗಳೂ ಸೇರಿ) ಚಿನ್ನದ ದರದಲ್ಲಿ 3,500 ರೂ. ಅಥವಾ ಶೇ. 2.07ರಷ್ಟು ಕುಸಿತ ದಾಖಲಾಗಿದೆ. ಆ ಮೂಲಕ ಪ್ರತಿ 10 ಗ್ರಾಂಗೆ 1,65,000 ರೂ.ಗೆ ಇಳಿಕೆಯಾಗಿದೆ.