LPG: ಬೆಳಗೆ ಎದ್ದ ತಕ್ಷಣ ಅಡುಗೆ ಮನೆಯಲ್ಲಿ ಗ್ಯಾಸ್ ಹಚ್ಚುವಾಗ ಈ ಸಿಲಿಂಡರ್ ಒಳಗಿರುವ ಅನಿಲ ಇಲ್ಲಿಂದ ಬರುತ್ತದೆ ಎಂದು ಎಂದಾದರೂ ನಾವುಗಳು ಯೋಚಿಸಿದ್ದೇವೆಯೇ? ಖಂಡಿತ ಇರಲಿಕ್ಕಿಲ್ಲ. ಆದರೆ ಎಲ್ಪಿಜಿ ಅಭಾವ ಉಂಟಾದ ಆಗಿನಿಂದಲೂ ಅಡುಗೆ ಅನಿಲವನ್ನು ಹೇಗೆ ಮಾಡಲಾಗುತ್ತದೆ ಅದನ್ನು ಎಲ್ಲಿಂದ ತರಿಸಿಕೊಳ್ಳುತ್ತೇವೆ? ಹೇಗೆ ತರಿಸಿಕೊಳ್ಳುತ್ತೇವೆ ಎಂಬ ಸಂಪೂರ್ಣ ಮಾಹಿತಿ ಈಗ ನಮಗೆ ಗೊತ್ತಿದೆ. ಸಾಮಾನ್ಯವಾಗಿ ಸೌದಿ ಅರೇಬಿಯಾ ಸೇರಿದಂತೆ ಕೆಲವು ಮಧ್ಯ ಪ್ರಾಚ್ಯ ರಾಷ್ಟ್ರಗಳಿಂದ ನಾವು ಎಲ್ಪಿಜಿಯನ್ನು ಆಮದು ಮಾಡಿಕೊಳ್ಳುತ್ತೇವೆ. ಆದರೆ ಇದೀಗ ಭಾರತವು ಎಲ್ಪಿಜಿ ಆಮದಿನಲ್ಲಿ ಮಹತ್ವದ ಬದಲಾವಣೆ ಯನ್ನು ಮಾಡಿಕೊಂಡಿದೆ.
ಯಸ್, ಪಶ್ಚಿಮ ಏಷ್ಯಾದಲ್ಲಿನ ಯುದ್ಧದ ಆತಂಕ ಮತ್ತು ಗಲಾಟೆಗಳ ನಡುವೆ ಭಾರತ ಸರ್ಕಾರ ಒಂದು ಮಾಸ್ಟರ್ ಪ್ಲಾನ್ ಮಾಡಿದೆ. ಅದರ ಭಾಗವೇ ಭಾರತದ ಅಡುಗೆಮನೆಗಳಿಗೆ ಈಗ ಸಾವಿರಾರು ಮೈಲಿ ದೂರದ ಅರ್ಜೆಂಟೀನಾ ದೇಶದಿಂದ ಗ್ಯಾಸ್ ಬರಲು ಶುರುವಾಗಿದೆ. ಹೌದು, ನೀವು ಕೇಳುತ್ತಿರುವ ವಿಚಾರ ನಿಜ. ಇಷ್ಟು ದಿನ ನಾವು ಹೆಚ್ಚಾಗಿ ನೆಚ್ಚಿಕೊಂಡಿದ್ದು ಪಶ್ಚಿಮ ಏಷ್ಯಾದ (Middle East) ದೇಶಗಳನ್ನು. ಆದರೆ ಇತ್ತೀಚಿನ ದಿನಗಳಲ್ಲಿ ಅಲ್ಲಿ ಸದಾ ಯುದ್ಧದ ಕಾರ್ಮೋಡ ಕವಿದಿದೆ. ಹಡಗುಗಳ ಸಂಚಾರಕ್ಕೆ ತೊಂದರೆಯಾಗುತ್ತಿದೆ, ಇದರಿಂದ ಗ್ಯಾಸ್ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗುವ ಭಯವಿತ್ತು. ಒಂದು ವೇಳೆ ಅಲ್ಲಿಂದ ಗ್ಯಾಸ್ ಬರುವುದು ನಿಂತರೆ ನಮ್ಮ ದೇಶದಲ್ಲಿ ಸಿಲಿಂಡರ್ ಬೆಲೆ ಗಗನಕ್ಕೇರಬಹುದು ಅಥವಾ ಸಿಲಿಂಡರ್ ಸಿಗುವುದೇ ಕಷ್ಟವಾಗಬಹುದು. ಇದನ್ನೇ ದೂರದೃಷ್ಟಿಯಿಂದ ಯೋಚಿಸಿದ ಭಾರತ ಸರ್ಕಾರ, “ಬರೀ ಒಂದೇ ಕಡೆ ನಂಬಿಕೊಂಡಿರಬಾರದು” ಎಂದು ನಿರ್ಧರಿಸಿ ಅರ್ಜೆಂಟೀನಾದತ್ತ ಮುಖ ಮಾಡಿದೆ.
ದಾಖಲೆಯ ರೀತಿಯಲ್ಲಿ LPG ಆಮದು
* 2026ರ ಮೊದಲ ಮೂರು ತಿಂಗಳಲ್ಲೇ ಅರ್ಜೆಂಟೀನಾ ಸುಮಾರು 50,000 ಟನ್ ಎಲ್ಪಿಜಿಯನ್ನು ಭಾರತಕ್ಕೆ ಕಳುಹಿಸಿದೆ. ವಿಷಯವೆಂದರೆ, ಇದು ಕಳೆದ ವರ್ಷ ಅಂದರೆ 2025ರ ಇಡೀ ವರ್ಷದ ರಫ್ತಿಗಿಂತಲೂ ಎರಡರಷ್ಟು ಹೆಚ್ಚು!! ಈ 50,000 ಟನ್ ಪೈಕಿ ಈಗಾಗಲೇ ಸುಮಾರು 39,000 ಟನ್ ಗ್ಯಾಸ್ ಭಾರತದ ಬಂದರುಗಳನ್ನು ತಲುಪಿದ್ದು, ನಮ್ಮ ಸಿಲಿಂಡರ್ಗಳನ್ನು ತುಂಬಲು ಬಳಕೆಯಾಗುತ್ತಿದೆ.
ಇದುವರೆಗೂ ಒಂದೇ ಪ್ರದೇಶವನ್ನು ಮೆಚ್ಚಿಕೊಂಡಿದ್ದ ಭಾರತವು ಇದೀಗ ಯುದ್ಧದ ಕಾರ್ಮೋಡದಿಂದಾಗಿ ಒಂದು ದೇಶವನ್ನು ನೆಚ್ಚಿಕೊಂಡರೆ ಉಳಿಗಾಲವಿಂದ ವೆಂದು ಅರಿತು ಇದೀಗ ಅರ್ಜೆಂಟಿನಾದತ್ತ ಮುಖ ಮಾಡಿದೆ. ಅರ್ಜೆಂಟೀನಾದಲ್ಲಿ ಇರುವ ‘ವಾಕಾ ಮುಯೆರ್ಟಾ’ (Vaca Muerta) ಎಂಬ ಪ್ರದೇಶದಲ್ಲಿ ಭಾರಿ ಪ್ರಮಾಣದ ಶೇಲ್ ಗ್ಯಾಸ್ ಸಂಗ್ರಹವಿದೆ. ಇದನ್ನು ಬಳಸಿಕೊಳ್ಳಲು ಭಾರತ ಮುಂದಾಗಿದೆ. ಅರ್ಜೆಂಟೀನಾದಿಂದ ಭಾರತಕ್ಕೆ ಬರಲು ಹಡಗುಗಳಿಗೆ ಹೆಚ್ಚು ಸಮಯ ಬೇಕಾಗಬಹುದು, ಆದರೆ ಸುರಕ್ಷತೆಯ ದೃಷ್ಟಿಯಿಂದ ಇದು ಅತ್ಯುತ್ತಮ ನಿರ್ಧಾರ. ಈಗಾಗಲೇ ಗ್ಯಾಸ್ ತಲುಪಿರುವುದು ನಮ್ಮ ತೈಲ ಕಂಪನಿಗಳಿಗೆ ದೊಡ್ಡ ಸಮಾಧಾನ ತಂದಿದೆ.