6
ನೆಲಮಂಗಲ: ಕೂದಲು ಮಾರಾಟ ಮಾಡುವ ಮಹಿಳೆಯರು ಮನೆಯ ಬಾಗಿಲಿನಲ್ಲಿ ನಿಂತಿದ್ದ ಮಗುವನ್ನು ಚಾಕಲೇಟು ನೀಡುವ ಆಸೆ ತೋರಿಸಿ ಕೈ ಹಿಡಿದು ಹೋಗುವಾಗ ತಾಯಿ ಗಲಾಟೆ ಮಾಡಿ ಪೊಲೀಸರಿಗೆ ಒಪ್ಪಿಸಿರುವ ಘಟನೆ ನೆಲಮಂಗಲದಲ್ಲಿ ನಡೆದಿದೆ.
ದುರ್ಗಮ್ಮ, ಋತು, ಹನುಮಂತಮ್ಮ ಪೊಲೀಸ್ ವಶದಲ್ಲಿರುವ ಮಹಿಳೆಯರು. ಇವರು ಆಂಧ್ರಮೂಲದವರಾಗಿದ್ದು ದಾಬಸ್ಪೇಟೆಯಲ್ಲಿ ವಾಸವಾಗಿದ್ದಾರೆ.
ಇಲ್ಲಿನ ಜಕ್ಕಸಂದ್ರದಲ್ಲಿ ಕೂದಲು ಖರೀದಿ ಮಾಡಲು ಬಂದು ಜಯ ಎನ್ನುವವರ ಮನೆಯ ಆವರಣದಲ್ಲಿ ನಿಂತಿದ್ದ 5 ವರ್ಷದ ರಚನಾ ಎನ್ನುವ ಹೆಣ್ಣು ಮಗುವನ್ನು ಚಾಕಲೇಟು ನೀಡುವುದಾಗಿ ಕರೆದು ಕೈ ಹಿಡಿದು ಎಳೆದುಕೊಂಡು ಹೋಗು ಯತ್ನ ಮಾಡಿದ್ದು, ಆಗ ಮಗು ಅತ್ತಿದೆ. ಕೂಡಲೇ ತಾಯಿ ಹೊರಗೆ ಬಂದು ಪ್ರಶ್ನೆ ಮಾಡುತ್ತಿದ್ದಂತೆ ಅವರ ಮೇಲೂ ಮಹಿಳೆಯರು ಹಲ್ಲೆ ಮಾಡಲು ಮುಂದಾಗಿದ್ದಾರೆ. ಸ್ವಲ್ಪ ಸಮೀಪದಲ್ಲಿಯೇ ಬೈಕ್ನಲ್ಲಿದ್ದ ಪುರುಷ ಎಸ್ಕೇಪ್ ಆಗಿದ್ದು, ಮಹಿಳೆಯರನ್ನು ಗ್ರಾಮಸ್ಥರು ಹಿಡಿದು ಗೂಸಾ ನೀಡಿ ಪೊಲೀಸರಿಗೆ ಒಪ್ಪಿದ್ದಾರೆ.