Bengaluru: ಬೆಂಗಳೂರಿನ ಹೋಟೆಲ್ ನಲ್ಲಿ ಉಜ್ಬೇಕಿಸ್ತಾನ್ ಮಹಿಳೆ ಶವ ಪತ್ತೆ : ಕೊಲೆ ಶಂಕೆ
ಬೆಂಗಳೂರು ಪೊಲೀಸರು ನಗರದ ಹೋಟೆಲ್ ಒಂದರಲ್ಲಿ 37 ವರ್ಷದ ಉಜ್ಬೇಕಿಸ್ತಾನ್ ಮಹಿಳೆಯ ಶವ ಪತ್ತೆಯಾಗಿದೆ. ಮೃತ ಮಹಿಳೆಯನ್ನು ಜರೀನಾ ಎಂದು ಗುರುತಿಸಲಾದ ಮಹಿಳೆ ಬೆಂಗಳೂರಿನ ಶೇಷಾದ್ರಿಪುರಂ ಪ್ರದೇಶದ ಜಗದೀಶ್ ಹೋಟೆಲ್ಲಿನ ತನ್ನ ರೂಮ್ನಲ್ಲಿ ಶವವಾಗಿ ಪತ್ತೆಯಾಗಿದ್ದಾಳೆ . ಜರೀನಾ ನಾಲ್ಕು ದಿನಗಳ ಹಿಂದೆ ಪ್ರವಾಸಿ ವೀಸಾದಲ್ಲಿ ಬೆಂಗಳೂರಿಗೆ ಬಂದಿದ್ದರು .
ನಿನ್ನೆ ಮಧ್ಯಾಹ್ನ 4:30 ಕ್ಕೆ ಎರಡನೇ ಮಹಡಿಯಲ್ಲಿರುವ ಜರೀನಾ ಅವರ ರೂಮನ್ನು ಹೋಟೆಲ್ ಸಿಬ್ಬಂದಿ ತಟ್ಟಿದರು, ಆದರೆ ಯಾವುದೇ ಪ್ರತಿಕ್ರಿಯೆ ಬರದಿದ್ದಾಗ , ಅವರು ಮಾಸ್ಟರ್ ಕೀಲಿಯಿಂದ ಬಾಗಿಲನ್ನು ತೆರೆದಿದ್ದಾರೆ ಆಗಿ ಆಕೆ ಸತ್ತು ಬಿದ್ದಿರುವುದು ಕಂಡುಬಂದಿದೆ.
ಹೋಟೆಲ್ ಮ್ಯಾನೇಜರ್ ತಕ್ಷಣವೇ ದೂರು ದಾಖಲಿಸಿದ್ದು , ಪೊಲೀಸರು ನಿಗೂಢ ಸಾವಿನ ಪ್ರಕರಣವನ್ನು ದಾಖಲಿಸಿದ್ದಾರೆ. ಆದರೆ ಪ್ರಾಥಮಿಕ ವರದಿಯ ಪ್ರಕಾರ ಕೊಲೆ ಸಾದ್ಯತೆ ಇದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಶವವನ್ನು ಮರಣೋತ್ತರ ಪರೀಕ್ಷೆಗಾಗಿ ಬೌರಿಂಗ್ ಆಸ್ಪತ್ರೆಗೆ ಕಳುಹಿಸಲಾಗಿದೆ.
ಎಫ್ಎಸ್ಎಲ್ ತಂಡವು , ಶ್ವಾನ ದಳದೊಂದಿಗೆ , ಪ್ರಕರಣದ ಪುರಾವೆಗಳ ಕುರುಹುಗಳಿಗಾಗಿ ರೂಮನ್ನು ಸೂಕ್ಷ್ಮವಾಗಿ ಶೋಧಿಸಿದೆ, ಬುಧವಾರ ಜರೀನಾ ಅವರ ರೂಮಿಗೆ ಯಾರಾದರೂ ಭೇಟಿ ನೀಡಿದ್ದಾರೆಯೇ ಎಂದು ತಿಳಿಯಲು ಹೋಟೆಲ್ನ ಸಿಸಿಟಿವಿ ಮತ್ತು ರಿಜಿಸ್ಟರ್ ಅನ್ನು ಪರಿಶೀಲಿಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.